Xitayning Bash Ministirige Qarshi Namayish

Mushu yekshenbe küni, Xitayning bash ministiri Wenjiabaoning Germaniyege resmiy ziyaretke kelgenliki munasiwiti bilen, < Dunya Uygur Qurultiyi > we Qurultay qarmighidiki < Yawropa Sherqiy Türkistan birliki > teshkilati, < Sherqiy Türkistan Informatsiyon Merkizi >, Falungung, Tibet we shundaqla türlük kishilik hoqoq teshkilatliri Germaniyening München shehride Xitay hökümitige qarshi ortaq halda naraziliq namayishi ötküzdi.
Xitay bash ministiri Wenjiabao Yawropadiki 5 döletke qilghan buqétimqi sepirining tunji küni, yeni 5 - ayning 2 - küni 80 neççe kishilik omekni bashlap Germaniyening miyonhin shehrige yetip kelgen idi.
Germaniyening miyonhin shehride yashawatqan Uygurlar, DUQ ning yetekçilikide, ayrim - ayrim halda Xitay wekiller omigi çushken Bayan olkilik dölet mehmanhanisining aldida, Xitay omigi ziyaret qilmaqçi bolghan Bayan olkilik dölet tiyatirhanisining aldidiki meydanda we tiyatirhanining arqa ishiki aldida toplunup, qollirida Sherqiy Türkistanning kök bayriqini we Xitay hakimiyitige qarshi shoarlar yézilghan lozunkilarni kötürüp, Xitay bash ministiri Wenjiabaoning ziyaritige qarshi naraziliqlirini bildürüshti. Uygur manayishçilar bilen birge yene Falungung muridliri we bashqa kishilik hoqoq teshkilatlirining ezalirimu bar idi.
Bu qétimqi naraziliq paaliyiti namayish meydanining op - çorisidiki çetelliklerning alahide diqqet - etibarini qozghidi, Uygur namayishçilar etirapta namayishni küzitip turghan yerliklerge Xitay hakimiyitining Sherqiy Türkistan xelqighe seliwatqan zulumliri ekisetturulgen teshwiqat waraqlirini tarqatti.
bolupmu Wenjia bao bashçiliqidiki Xitay wekiller omigi germaniye watqi çushtin keyin saet 6 etrapida bayan olkilik dölet tiyatirhanisining arqa ishigidin kirip ketiwatqanda, buyerge toplanghan Uygurlarning qolidiki ay - yultuzluq kok bayraq Xitay wekillirining we ulargha hemra bolghan germaniye emeldarlirining kozige alahide çeliqip turdi, çunki ariliq nahayiti yeqin idi.
Wenjiabao çushken döletlik mehmanhanining aldidiki namayishta, Xitay terepning etirazigha asasen, Germaniye saqçiliri < Dunya Uygur Qurultiyi > ijrahiye komutitining ezasi Ablimit Tursun qatarliq 5 - 6 neper namayishçini mejburi halda meydandin uzaqlashturdi.
Germaniye metbuatlirida, Wenjiabaoning bu qétimqi ziyaritining asasi meqsidining, Yawropa birliki teripidin 1989 - yilidiki Beijing weqesidin buyan Xitaygha qarita yürgüzüp kéliwatqan qoral - yaraq embargosini emeldin qaldurush ikenliki qeyt qilinmaqta.
Gerçe Yawropa birlikidiki Germaniye, Firansiye qatarliq 2 - 3 dölet, Xitaygha qaratqan buxil embargoning qaldurushigha mayil bolsimu, emma Yawropa birlikige eza döletlerning mutleq köp qismi, Xitayda kishilik hoqoqqa tajawuz qilish ehwallirining hazirmu hem éghir derijide mewjut bolup turiwatqanliqini tekitlep, Xitayqa qaratqan embargoning qaldurulishigha qarshi çiqip kelmekte.
Undin bashqa yene, xelqara keçürüm teshkilati we türlük kishilik hoqoq teshkilatlirimu Yawropa birlikige eza döletlerni kishilik hoqoq mwsiliside Xitaygha qaratqan bésimini yenimu ashurushqa çaqirip kelmekte.
Bundin ikki hepte burun, Yawropa konseyining reyisi purodini Xitayni ziyaret qilghanda, Yawropa birlikining Xitaygha qaratqan qoral - yaraq embargosini hazirçe bikar qilalmaydighanliqini oçuqçe ipade qilghan idi.
Dunya Uygur Qurultiyi merkizi orgini, Xitayning bash ministiri Wenjiabaoning Buqétim Yawropagha qilghan 10 künlük ziyaritidin paydilinip, Yawropa birlikige eza döletlerde Xitaygha qarshi küçlük naraziliq herikiti élip bérishqa hazirlanmaqta.

DUQ teshwiqat bölumi