Taiwan Üchün Jasusliq Qilghan Azatliq Armiye Generalliri Qolgha Elindi

ETIC universal xewiri, Alimjan München 25-april.
20-mart Taiwandiki chong saylamning aldi keynide, Zhongguo bixeterlik tarmaqlirining birnechche general we yuquri derijilik offissirlardin teshkillengen, funkisiyelik herbi axbaratlarni Taiwange ashkarlighan jasusluq torini ashkarlighanlighini buninggha arliship qalghanlarning onnechche kishige yetidighanlighini nöwette ularning Beijing etrapidiki badaling yuquri süretlik tashyolining boyidiki namelum jaygha solinip, aile kishilirining körishige ruxset qilinmaydighanlighi toghrisida sözler tarqaldi.“Cheng“ gezitining 14-apridiki xewirige asaslanghanda: Zhongguo bixeterlik ministirligi, pash qilghan bu jasusluq torining Taiwanni teminligen asasliq axbaratliri, azatliq armiyisining muhim jeng uchaqliri Su-27, Su-30 larning orunlashturulush pilanliri we meshiq pilanliri, Zhongguo hawadin mudapie körüsh sestimisining mexpi axbaratliri iken. Delo sadir qilghuchilar, hawa armiye qomandanliq inistitotining mudiri general Liuguangzhi we muawin mudiri general Lishaolin qatarliq onnechche offissir bolup igelleshlerge qarighanda Liuguangzhining oghli alliqachan Taiwan üchün xizmet qiliwatqan bolup, axbarat oghurlash jeryanida atisi teripidin bayqilip pash bolghan, oghlining pendi nesihetliri netijiside atisimu Taiwan üchün xizmet qilishni tallighan. Axbaratlargha qarighanda, Zhongguo bixeterlik tarmaqliri buningdin sel burun 24 neper Zhongguoning herqaysi jaylirigha yushurunghan Taiwan jasuslirini qolgha chüshürgen bolup, bu qétimqisi peqetla ashkarlanghan wekillik delo bolup, 1999-yildiki azatliq armiye bash arqa sep qismidiki general Liuliankunning Taiwange axbarat ashkarlishidin keyinki, ikkinchi qétimliq yuquri derijilik offissirlarning jasusliq delosi bolup hésaplinidu.