|
Xitay
Hökümiti Internet Erkinlige Chek Qoymaqta
ITARR-TASS agentlighining xewiri boyiche,
Xitay hökümiti yéqinda bir qarar chiqirip, pütün Xitay boyiche
internet-chayhanilarni 3 ayliq taqap qoyghan. Xitay metbuatliri: bu heriket
umum xelq kirip komputerde xalighan internet sehipilerni köreleydighan
internet chayhanilarni tepsili tekshürep, qanunsiz ishlarni cheklesh dep
atilidighan 6 ayliq heriketning bir qismi dep bildürgen. Bu umumiyüzlük
heriketni medeniyet ministirligi, metbuat ministirligi we xewipsizlik
ministirlikliri birlikte élip barghan.
“China Internet Network Information Center” ning statistikisi boyiche,
Xitayda 22,5 million adem internet körüdighan bolup, ularning her beshining
biri torgha internet chayxanilardin kiridiken. Hökümetning bayan qilishiche,
bezi Iinternet körgüchiler döletning qanunigha xilapliq döletning mexpiy
bolghan uchurlarni internet arqiliq tarqitip, hökümet chekleydighan
sehipilerni körüwatidu.
Shanghai Daily geziti, Internet chayxanilarning xiridarliri arqisidin qattiq
kontrol qilish üchün wideokameralar orunlashturulup, komputer körgüchiler
qaysi programmilarni ishlitiwatqanlighini we qandaq Internet sehipilirini
körüwatqanlighini eniqlimaqchi dep xewer qilidu. Bundin bashqa yene
tekshürüsh élip bériwatqan merkezler internet chayxanilarning komputerliri
bilen baghlinidighan bir tutash programmini ishlep chiqirip, shu programm
arqiliq qaysi komputerda qanunsiz sehipini körüwatqan ademni neq meydanda
tutup kétish meqsette hazir internet chayhanilardiki komputerlarge yéngi
programmini qachilawatmaqta.
|
