Hu Wen - Nopus, Teb-i Bayliq, Muhit We Ixtisadi Mesililerning Éğir Kirizisqa Duc Kelgenligini Étirap Qildi

Zhongguo dölet reisi Hujingtao 4 - ayning 4 - küni Zhongguodiki nopus, teb-i bayliq, muhit we ixtisadi mesililerning yenila kirizisqa we nurğun problimlerge duc kéliwatqanliğini étirap qildi. Bu sözlerni u necce kün burun ötkizilgen merkez nopus, teb-i bayliq, muhit yiğinida bildürdi.
Hökümet terep axbarat wastilirining xewiride, Hujingtao bularni körsetken: Zhongguodiki nopusning éşişi bir qeder töwen nisbetni saqliğan bolsimu, lékin asas sani zor bolğacqa, kelgüsi onnecce yilda nopusning éşişi yenila zor miqtarda bolup, xizmetke orunluşiş mesilsi zor bésimğa ucraydiken. Nopusning sapasini yuquri kötiriş muşeqetlik wezipige, nopustiki yaşanğanlarning sanining köpiyişi éğir mesilige aylanğan. Teb-i bayliqning yétişmeslik mesilsi éğir bolmaqta, dölet qurulişi we awamğa biwaste tesiri bolğan metallar bolupmu, nefit intayin qis bolmaqta. Bezi jaylardiki terilğu yerlerni qalaymiqan başqa işlarğa işlitiş, teb-i bayliqlarni qalaymiqan eciş mesilliri yenila saqlanmaqta. Ékologiyelik muhit omomi gewdisining weyranliqqa yüzlinişini tüptin özgertiş texi hel bolğini yoq, muhitni tüzeş wezipisi yenila nahayiti éğir. Cong derya, cong éqinlarning kelkündin mudapiliniş sestimisi texi mükemmel emes, yézilardiki su inşaatlirining asasi ajiz. Su bayliği bilen teminliniş we teminleş cong éğir mesilege aylinip, Zhongguo ixtisadi we jemiyitining tereqiyatiğa, xelqning turmişiğa tesir qilidiğan mesilige aylanğan.
Hujingtao agahlandurup mundaq didi: Zhongguoning nopusi köp, teb-i bayliqining kişi beşiğa texsimlinişi az boliştek dölet ehwali özgermeydu, qayta peyda bolmaydiğan teb-i bayliqning zapisi we qézilişining üzliksiz kemiyişi özgertkili bolmaydiğan ehwal, teb-i bayliq muhitining, ixtisadning éşişige bolğan halqiliq roli kündin künge muhim bolmaqta, elwette awamning ékologiyelik muhit süpitige bolğan teliwimu kündin künge ösmekte. Yiraqni közligende, ixtisadi tereqiyatning nopus, teb-i bayliq, muhit bilen bolğan toqunişi kündin künge ötkürlişip, üzliksiz tereqiyatqa nisbeten bésim kündin künge zoriyidu. U yiğin ehlidin: bu ötkür ziddiyet we mesililerge jiddi qarap, nopus tizginleş, teb-i bayliq téjeş, muhit qoğdaşlarni baştin axir istiratigiyilik orunğa qoyup, xizmetlerge jiddi tutuş qilip emilileştürüşni telep qildi. Buningdin sirt baş ministir Wenjiabomu bu yilqi hökümet xizmitidin bergen doklatida bularni tekitligen idi: Zhongguo ixtisadining asmandin yerge cüşip kétişining aldini alayli.
Zhongguo dölet informatsiyon merkizining istatiskisida körsitilişice, éliktiroliz alyumin, simont, polat tömür sanaitide heddidin aşqan mebleğ séliş qizğinliği körilgen. Bularğa nisbeten merkizi hökümet hem yerlik hökümetler prinsip jehettin bu tür jehetlerdiki quruluşlarni testiqlimasliği kérek. Şunga hazir herqaysi hökümetler jiddi tekşürüş élip bérip qarğularce mebleğ séliş ehwallirini tekşürmekte.
Zhongguo dölet informatsiyon merkizi, aldin mölcerleş bolimining kürsitişice bu yilning beşidiki 1-, 2- ayliq sanliq melumatlarni analiz qilğanda, Zhongguo pul paxallişiş bésimige duc kéliwetiptu, yaman xaraktirliq pul paxallişiş basquciğa kirmigen bolsimu, lékin mötidil pul paxallişiş basquciğa kirgen. Dölet istatiska idarisining élan qilğan bu yil 1-, 2- ayliq şeher, bazarlardiki muqim mülik mebleğ séliniş ehwaliğa qariğanda, ötken yilqi 26.7% éşiştek asasta, bu yilning aldinqi ikki éyida mebleğ séliş teng nisbette 53% aşqan, emeldarlarning éytişice bu ehwal kişini cöcitidiken.
Zhongguo dölet informatsiyon merkizining bu yil 1-, 2- ayliq ( Zhongguo ixtisadining yuquri éşiş ehwalidin analizlar we agahlandurişlar) digen doklatida bular körsitilgen: bu yil ikkinci ayda, Zhongguo ixtisadi üzliksiz tézlik bilen aşti, universal agahlanduruş körsetküc sani 79 bolup, sériq rayonğa kirgen, bularning icidiki sanaetning éşiş qimmiti, sanaet karxanilirining oborot kirimi, muqim mülik mebleğ sélişi we import export omomi qimmitining éşiş nisbiti qatarliq 4 xil körsetküc sani qizil rayonğa kirgen, qeriz bériş (credit) omomi sani sériq rayonda, istimal mal bahasi, maliye kirim we istimal buyumlirining parce sétiliş omomi sanining éşişidek körsetküc sanlar bolsa ixtisadning normal éşişini körsitidiğan yéşil rayonda bolğan.

ETIC Alimjan The Epoc Time din Terjime Qilğan. 2004-yili 18-april, Germaniye.