Jenwening Murajiti

Her yilliq BDT insan heqliri yiğinida Zhongguodiki insan heqliri mesilsi qiziq nuqtiğa aylinidu. Bu qétimqi yilliq yiğindimu, Amerikining Zhongguodiki insan heqlirini eyipleydiğan lahiyeni otturğa qoyişi hem qarardin ötüş ötmesligi mesilsi sewebidin kişilerning alahide diqqitini yene bir qétim tartti.
Zhongguo bilen ötkiziliwatqan sözlişişlerde hécqandaq ilgirleşler bolmiğacqa, 3-ayning béşida Amerika parlamentti qarar ciqirip, Amerika hökümitidin bu qétimqi BDT insan heqliri yiğinida Zhongguoni eyipleydiğan lahiyeni otturğa qoyuşni telep qildi. Amerika we xelqara jamaetning eyipleşlirige qayturma zerbe bériş ücün, Zhongguo kommunist dairlirining 2003-yili élan qilğan aq taşliq kitabida, 2003-yili Zhongguo insan heqlirini himaye qiliş jehetlerde xatire taş tikligüdek ilgirleşlerge erişti dep, yeni aditi boyice insan heqlirige: yaşaş hoqoqi dep terip berip, maarip, dawaliniş hetta jemiyet amanliğinimu insan heqlirige tewe qilip, özliridiki heqiqi ehwallarni yuşurmaqci boldi. Heqiqi ehwallarni yuşurup, BDT diki özlirining insan heqliri mesillirini eyipleydiğan muzakirilirige tosqunluq qiliş ücün, Zhongguo kommunistliri bu qétimqi yiğindimu oxşaşla herketlirini toxtatmidi, mesilen yalğan yawdaqtin oydurup ciqarğan, özliri hökümet xaraktirini almaydu dep atiwalğan teşkilatlarni işqa selip, BDT diki yiğinlarğa tosqunluq qilip, kiriş işiklirini tosiwelip kişilerning yiğinlarğa kirişige tosalğuliq qildi. 4-ayning 5-küni mexsus bir yépiq yiğin écip, pütün wekillerni yiğip Amerikining eyipleş qarar lahiyisige hujum qildi. Her yili BDT ning eyipleş qarar lahiyisidin qutuluş ücün, Zhongguo kommunist dairliri hüner işlitip, nurğun xirajet ajritip, yeng icide soda qilidu. Buningdin ularning neqeder qorqincisining barliğini köriwélişqa bolidu. Zhongguo kommunist dairlirining ixtisadi menpet we diplomatiye bésimliri netijiside her yilliq eyipleş qarar lahiyisi ötmey kéliwatidu, nöwette Amerikining bu qétimqi lahiyisimu jiddi jeng élan qilişqa duc kelmekte. Emilyette ğerip elliri we Afriqa elliri şuni köriwelişi kerekki: Zhongguodiki bu insan heqlirining depsende boluş ehwalliriğa tengirqaş we yol qoyuş siyasitini yürgüzgende, ehwallar téximu éğirlişip balaqaza özlirigimu tégidu, bu tereplerdiki tarixiy sawaqlar ular ücün yétip aşidu. Afriqa ellirimu Zhongguoning siyasi mexset bilen bergen yardem we pullirini dep, Zhongguo kommunistlirini qollaydiğan biletni taşlaş aldida, yürigini tutup, özlirining burunqi mustemlikicilerdin körgen künlirini eslep béqişi kérek. BDT ning Zhongguoni eyipleş qararnamisini qollap, Zhongguo kommunistlirining Uygur, Tibet, Mongğol qatarliq milletlerning insan heqlirini depsende qilişini ayaqlaşturuş ücün, siyasi we ixtisadi menpettin halqiğan wijdani jasaret kérek--Jenwe murajet qilmaqta, barliq ziyankeşlikke ucrawatqan milletler murajet qilmaqta!!!

ETIC, terjime tehrir bölimidin Alimjan Germaniye. 2004-yili 18-april