Barin Inqilabining 14 - yilliqi Munasiwiti Bilen Xitaygha Qqarshi Nanaraziliq Namayishi Ötküzüldi

Bügün, yeni 4 - ayning 5 - küni, Sherqiy Türkistan hazirqi zaman milliy musteqilliq herikitining simowuli hésaplanghan meshhur < Barin déhqanlar qozghilingi > ning 14 - yilliqi munasiwiti bilen, bügün Xitayning München shehridiki konsulxanisi aldida naraziliq namayishi ötküzüldi.
< Dunya Uygur Yyashliri Qqurultiyi >, < Yawropa Sherqiy Turkistan Bbirliki > we < Sherqiy Türkistan Informatsiyon Merkizi > qatarliq teshkilatlirimiz teripidin ortaq halda teshkillengen bügünki naraziliq namayishi Germaniye waqti chüshtin burun saet 10 din 12 ge qeder ikki saet dawam qildi.
Namayishning Germaniyede ish waqtigha toghra kélishige qarimay, München shehride yashawatqan köp sandiki Uygur qérindashlirimiz ish orunliridin alahide ruhset sorap bügünki namayishqa ishtirak qildi.
Namayish jeryanida Uygurlar Sherqiy Türkistanning ay - yultuzluq kök bayriqini jewlan qildurup, Xitay hakimiyitining Uygurlargha séliwatqan zulumliri ekisettürülgen lozunka we Barin shehitlirimizning mubarek resimliri chüshürülgen tahtilarni kötürüshup, Xitaygha qarshi jarangliq shoarlarni towlap, özlirining Barin qehrimanlirigha bolghan cheksiz hörmetlirini, yene shundaqla qanhor Xitay mustemlikichilirige bolghan ghezep - nepretlirini ipade qilishti.
Namayish jeryanida qattiq yamghur yéghip, namayishchilarni üsti - béshi chiliq - chiliq hol bolup ketken bolsimu, emma namayishchilirimiz kötürenggu roh bilen, ikki saet boyiche héch tohtimastin jarangliq shoarlarni towlap, Xitay elchixanisining aldini zil - zilige keltürdi.
Namayish axirida Barin shehitlirimizning rohi üchün mexsus dua - tilawet oqup ötüldi, shundaqla Barin inqilabining omomiy jeryani we siyasi ehmiyiti heqqide namayishchilirimizgha qisqiche melumat bérip ötüldi.
Namayishqa, < Dunya Uygur Yashliri Qurultiyi >, < Yawropa Sherqiy Türkistan Birliki > we < Sherqiy Türkistan Informatsiyon Merkizi > ning asasliq rehberliri toluq qatnashti.