Yaponye Teweligidiki Sekaku Arilini Xitayning Igelliwéliş Planiliri

ITAR-TASS agentliğining xewer qilişiçe, Yaponiye déngiz saqçiliri 24-Mart (Çarşenbe) küni Şerqi Xitay déngiziğa jaylaşqan Yaponiye bilen Xitayning talaş-tartişidiki Sekaku (Xitayçe „Diaoyuy-dao“ dep atilidiğan) aralğa çigrani buzup kirgen 7 Xitayni qolğa alğan. Hazir u Xitaylar Yaponiyening Okinawa vilayitige tewe bolğan Naha şehiride saqçilar tartilip soraqqa élinmaqta iken.

Eşu 7 Xitay puxrasi Çarşenbe küni ettigen saet 10:00 da özlirining kémisini aralning qirğiğa yéqin ekilip, aralğa çuşup Zhunggouning 5 yultuzluq qizil bayriğini éçip turğan neqmeydanda Yaponye saqçiliri teripidin tutup kétilgen.

Bu waqiedin kéyin, bügün 25-Mart küni 100 ge yéqin Xitay Bejingda turuşluq Yaponiyening baş elçixanisi aldida namayiş qilip, bir qançe dane Yaponning bayraqlirini Yapon diplomatlirining köz aldida köydürüp taşliğan. Qollirida „Xitay zéminining her bir burjigi üçün qattiq küreş qilimiz!“, „Diayuy-dao’ning küreşçiliri qoyup berilsun!“ digenge oxşaş lozunkilarni tutqan namayişçilar „Yoqalsun Yapon imperialisliri!“ dep towliğan Bu weqege asasen Zhunggou Taşqi Işlar Ministirligining xadimi Kung Çuang metbuat yiğinini éçip, muxbirlarğa bu weqe toğrisida melumat bergen.

Kung Chuang muxbirlağa , Xitay hökümitining Yaponiye hökümitige 7 puxrasini kéçiktürmey qoyup bérilişi toğrisidiki teleplirini Bejingda turuşluq Yapon elçisige ve Tokioda turuşluq Xitay elçiliri arqiliq Yaponye hökümitige xet tapşurğanliqini éytqan. Kung Chuang yene „Diayuy-dao ezeldin Junggoning arili bolup kelgen, uni Yapon döliti Xitayğa şertsiz qayturup berişi kirek“ degen.

Ejeba, çongliği 7 kwadrat kilometir kelidiğan alqandek bir aralni Xitay bizning dep telep qiliwatqan yerde, biz Uyğurlarning kölimi 1 million 800 ming kwadrat kilometirdi artuq kélidiğan büyük zéminimizni telep qiliş heqqimiz yoqmu?!

Men bu soalni eşu aralni telep qiliwatqan Xitay mustemlikiçilirige, şundaqla biz Uygurlarni eşu Xitay tajawuzçiliri „térrorist“ dise uning bilen teng towlşip bériwwatqan Pakistan, Russiye, Qazaqistan, Qirğizistan we başqa Xitayning hamisi astidiki Xitay néme diese maqullaydiğan döletlerning hökümetliridin sorimaqçimen……

Xewerni öz muxbirimiz FIDA hazirlidi