|
Bu Yil
Ötküzüliwatqan BDT’ning Insan Heqliri Komutiti Yighinida Xitayning Tashqi
Ishlar Ministirligi „Amerika Xitayning Ichki Ishlirigha Resmiy
Aarlishiwatidu“ dep Eyiplidi
Reuters agentlighining xewirige asaslanghanda, hazir Genewada BDT'ning Insan
Heqliri Komissiyesining 60-qetimliq yighinida AQSH teripidin Xitay insan
heqlirini depsende qilmaqta digen eyiplesh Bayanatini elan qilghandin keyin,
Xitay hökümiti Washington bilen Xitay otturisida insan heqliri mesilisi
boyiche yürgüziliwatqan ikki dölet araliq söhbetni waqitliq toxtatti.
Xitayning Tashqi Ishlar Ministirligi „Amerika Xitayning ichki ishlirigha
resmiy arlishiwatidu“ dep Amerikini eyiplidi.
Amerikining bayan qilishiche, Xitay 2002-yili insan heqliri mesilisi
toghrisida ilgirilep qalghan bolsimu, yene bir yil ötmeyla u yerde qayta
sotsiz öltürüsh, soraqlarda qiynash ve qarshi pikirlikler bilen diniy
zatlarni depsende qilishtek heqsizliqlar dawamlashmaqta, dep tekitlidi.
Xitay Tashqi Ishliri Ministirining Yardemchisi Shen Guofang Xitayda
turushluq AQSH Bash Elchisi Clark Randtqa naraziliq bildürüp, mundaq digen:
„AQSH'ning bizge körsetken qarshilighi ikki dölet arisigha ziddiyet
seliwatqanliq bolidu“.
AQSH döliti bolsa, Xitay xelqaraliq qanunlirigha xilapliq qilivatidu ve
Xitay hökümitining 2002-yili ikki dölet otturisidiki söhbiti jeriyanida öz
üstige alghan wedilerge xilapliq qiliwatqanlighini 22 - mart küni bayan
qildi.
1989-yildin bashlap, yeni Tian’enming meydanida studentlarning namayishini
qattiq basturghandin keyin, her yili xelqara BDT teshkilati Xitay insan
heqlirini depsende qilmaqta digen qarar chiqirip turatti. Peqetla bulturqi,
yeni 2003-yilliq BDTning Insan Heqliri Komissiyesining yighinida Amerika
Xitayni eyipleydighan Bayanatigha qoshulmighan bolsimu, bu yilqi yighinida
AQSH Xitayni eyipleydighan Bayanat elan qildi.
Xewerni öz muxbirimiz FIDA teyyarlidi
|
