Iraq Urushining Bir Yilliqi Munasiwiti Bilen Dunyanıng Herqaysi Jaylirida Urushqa Qarshi Namaishlar Bolup Ötti

Duyaning Yawrupa, Asia, Australiye we Amerikidin ibaret 4 qit’eside urushqa qarshi namaishlar bolup ötti, namaish bolup ötken döletlerning hökümetliri xususen AQSH'ning Iraq urushini qollap-quvvetligen döletler. Ispaniye, Italiye ve Britaniyede chong namaishlar bolup ötti, Londonda namaishchilar namaish teriqiside Alpenistlar (taghqa chiqish mahirliri) ishlitighan arqan we mehsus uskunliri arqiliq Big Ben minarisige chiqti.

Yawrupaning Germaniye, Tchechiye ve bashqa döletlerdimu urushqa qarshi narazilik namaishlar bolup ötti. AQSH'ning San Francisko shehiride minglerche kishi kochilargha chiqishti, bu eng chong namaishlardin biri bolup, qalghan chong namaishlar AQSHning New York we Chikago sheherliride bolup ötken. Bu yilqi namaishlargha qatnashqan kishilerning sani ötken yildikige qarighanda aziraq, chünki ötken yili Iraq urushi bashlinishning aldida ötküzülgen namaishta New York shehiridigi Manhetten meydanining özide 250 ming adem yighilghan idi, Los Angelesta ötken yili 20-Martta minglap adem ishtirak qilghan idi. Bu yil 20-Martta Amerikida ötküzülgen namaishlar toghrisida bolsa, Amerikining 200dek shehiride namaishlar heqqide melumatlar berildi.

Shundaqla Iraqqa öz qoshunliridin ming neper esker ewetken Yaponiyedimu 30 ming adem namaishqa chiqqan. Asiyening bashqa memliketliri, jümlidin Tailand, Jenübiy Koreye ve Hong Kong hemde Awstraliye ve Yengi Zenlandiyede 100 minglap adem urushqa qarshi namaishlargha qatnashti. Bu yili namaishlarda qoyulghan telepler Iraqtiki AQSHning tajavuzchiliqigha chek qoyushntin ibaret. Bundin bashqa Aq Öyning siyesetlirini Imperializm dep atap, uni elip beriwatqan Bush memuriyitini qarilashmaqta. Mesilen Praganing Watslaw shehiride bolup ötken namaish ishtirakchilirining qollirida „Tajavuzchiliqqa chek qoyulsun!“ yaki „Hich kim ghelibe qazanmidi, ne AQSH herbiyliri ne Iraq puxraliri!“ digen shuar-viveskilar kötürülgen idi.. Xewerlerge qarighanda Londondiki namaishchilar „Urush bolmisun, yalghan gep qilinmisun!“ digen shuar bilen sheher kochilirida mengishqan, Jenubiy Korea paytehti Seulda namaishchilar dölet herbiylerni Iraqqa ewetilishige qarshilik bildürüshti.

Jüme kuni Prezident Bush Aq Öyde Iraq urushining bashlanghanliqining bir yilliq munasiwiti bilen nutuq sözlep, eksiyetchi terror urushigha qoshulush her bir hökümetning mejburiyiti dep tekitlep, Iraqta peqetla AQSH emes bashqa döletlerning eskerlirimu jaylashqan urush bolup bu peqet AQSH élip bériwatqan urush emes, belki helqara we jemiyet élip bériwatqan urush dep bayan qildi.

2004-03-21

Xewerni herqaysi agentliqiardin öz muxbirimiz FIDA hazirlidi