Zhongguo Soda-Sanaet Bankisining Qanunsiz Qilmishliri Ashkarlandi

Zhongguo mupettish idarisining tor bétidiki xewerdin ashkarlinishiche, Zhongguodiki 4 chong bankining biri bolghan soda-sanaet bankisi we uning 21 tarmaq bankisining hisawat bashqurishi qalaymiqan, qeriz bérish mulazimitidin chiqqan ziyan zor bolup, nuqtiliq tekshürülgen soda-sanaet bankisi we Zhongguo ömür sughurtisi shirkitining her-xil qanunsiz meblighi 35000 milyon yuan bolup, 58 délo ashkarlanghan. Soda-sanaet bankisidiki mesililer töwendikidek: bir qisim idariler we shexisler saxta matiryal oydurup chiqip, öy we mashina setiwelish üchün qeriz alghan. Bir qisim yerlik hökimetler qayturushqa qudriti yetmisimu, sheher qurulush ishlirigha zor miqtarda qeriz alghan. Her-xil chek bashqurush mulazimiti qalaymiqan bolghan, bir qisim karxanilar saxta tijaret oydurup chiqip, bankilar ara almashturidighan chek arqiliq pul aldamchilighi bilen shughullanghan. Bir qisim qanunsiz unsurlar bilen banka xizmetchiliri birlishiwelip saxta karxana nami bilen bankidin qeriz elip zor ziyan keltürüp chiqarghan. Mupettish idarisi bu 35000 milyon pulning tepsilatini ashkarlimighan. Bu idare yene bularni ashkarlidi, ötken yili 36000 banka kadiri teptish qilinip ulargha baghlinishliq 67100 milyon yuanlik délo ashkarlanghan. 317 kadirgha partiye memuri jazasi bérish tewsiye qilinghan. 749 kadir intizam takshürüsh we qanun orunlirigha tapshurilghan. 267 kadir hoqoqidin elip tashlinish jazasigha uchrighan. Bashqa xewerlerge qarighanda hökimet 40000 milyon Amerika dolliri meblegh selip soda-sanaet bankisini qutquzmaqchi boliwetiptu. Yeni bu meblegh arqiliq bankini chetel pay bazirigha chiqirip (2006-yili) awarchiliqtin qutulush. Emilyette bu özini özi aldighanliq!!

2004 - yili Fewral
Xitay mebuatidin Alimjan terjimisi.