Tajawuzçi Hökümetning Bésimi Bilen Tajawuzçi Ahalimu Xelqimizni Bozek Qilmaqta

Öz muhpirimiz Tömürchoqa xewiri  1990 - yillardin béri kommunst Xitay hökümitining iqtisadi ehwalida yaxşiliniş körülüp, Şerqiy Turkistan’ğa bolğan talan-taraj qiliş siyasitini küçeytip, tömür yol qatnişini kéngeytip, turba leniyelirini uzartip, bir kün bolsimu burunraq bulap-talaş qedimini tezletti.
Bu bayliqlarni tézrek Xitayğa yötkep ekitiş bilen bir waqitta qoralliq tajawuzçi armiyesini we ularning himayiçisi bolğan zapas qoşuni hesaplinidiğan tajawuzçi ahalisini türkümlep yötkep kélip, talan-tarajning <bixeterligi> ge kapaletlik qiliş üçün jénining bériçe urunmaqta. Bu qara niyetlirini yoşurup, gepni yötkep <muqumluqni qoğdaş>, <milliy bölgünçilerge qarşi turuş we ularni öltürüş>, <tajawuzçiliqqa we bulang-talang qilişqa qarşi turidiğan islam dinini çekleş, bu din bilen dawamliq şuğullan’ğuçularni qilçe ikkilenmey öltürüş, mal-mülkini musadire qiliş>-digen’ge oxşaş pedazlisimu doqmuş-doqmuşta epti-beşirisi körünüp, xelqimizning ğezep-nepritini qözğawatqan siyaset we eğir zulumlarni yürgüzüp kelmekte. <Milletler ittipaqliği>digen çirayliq gepni otturiğa çiqirip qoyup, Xitaylar ot qoysimu, bulang talang qilsimu, Uygurlarni öltürsimu ularni qoğdaş, Uygurlarni bolsa oğurliqqa, bulangçiliqqa, qatilliqqa qarşi herqandaq heriket qilsa tajawuzçi armiyisi we saqçiliri bilen basturup, Xitay tajawuzçi ahlisining xorikini östüriwetti.
2 - ayning 18 - küni Aqsu Konaşeher nahiye bazirining şerqiy teripide Uygur kirakeşning maşinisini kira qilğan 4 Xitay aqqun, baridiğan yérige bériwelip kira pulni bermey qéçip ketmekçi bolğan, şopur pul telep qilğanda uni etraptiki Xitaylarmu qoşulup qattiq urğan, yiraqtin bu pajieni körgen Uygur yigitler toplişip kelip u yerdiki Xitaylarni urğan, Xitaylar tajawuzçi şeriklirige telefon berip bir maşina Xitayni çaqirip kelip Uygurlarni urğan, Uygurlarmu adem toplap u Xitaylarni urğan, axiri maşinida kelgen Xitaylarmu öz maşinilirini taşlap qeçip ketken.
Bu weqedin eniq körünüp turuptiki, Xitay tajawuzçi hökümitining Uygurlarni barğanseri qattiq qanliq basturuşi, pütkül milletke dölet terrorliği siyasiti yürgüzüşi, Xitay ölkisi içide bolsa <Şinjang’ğa beringlar, u yerde etibar beriş siyasiti bar, Uygurlar gep qilsa biz bar>-dep toxtimay teşwiq qilip, kelgen yéngi tajawuzçilarğa yéşil çirağ yéqip bergeçke, kona-yéngi tajawuzçilar hazir Uyğurlarni qilçe insan qatarida körmeydiğan, xaliğançe bulang-talang qilidiğan, urup soqup, hetta öltürüp ziyankeşlik qilidiğan, saqçi, hökümet we tajawuzçi armiye bolsa Xitay tajawuzçi ahalining jinayetlirini tartma astiğa basuruwetip, Uygurlarğa tehdit selip <pakitni yoq qiliş> zorawanliq qilmişliri bilen ğaljirlaşmaqta.

Şerqiy Türkistan Informatsion Merkizi
Ertekin
2004-Yili 3-ayning 2-Küni