Xitay Tajawuzçiliri Wetinimizde Milliy Ma'aripni Pütünley Weyran Qilmaqçi

Öz xewirimiz. Ötken hepte tajawuzçi Xitaylarning teşwiqat orgini bolğan Şinjiang xelq radio istansisining xewiride aptonom rayonluq xelq hökümiti we ma'arip komiteti milliy ma'aripni yéqinqi bir neççe yil içide pütünley weyran qiliş toğrisida qizil xetlik höjjet çiqarğan.
Tajawuzçilarning heddidin aşqan, hile-mikirge tolğan qararida Uygurlarning ahalisi asasi orunni igelleydiğan wilayetlerdiki Uygur mekteplirini hazirdin başlap 5 yil içide Xitay mektepliri bilen birleştürüwétiş, Uygur oqutquçilarni “Xitayçe sewiyeng yuquri emesken” digen bahane bilen mekteplerdin siqip çiqiriş, orniğa bir eğizmu Uygurçe gep yaki bir herpnimu bilmeydiğan, hetta ölçemlik Xitay tilida sözliyelmeydiğan yaman niyetlik Xitay aqqun oqutquçilarni Xitaydin ekilip sepleş, ularning turmuşini yaxşi orunlaşturuş, Xitay tili dersini wetinimizning tağ we yéziliridiki barliq mekteplerde başlan’ğuç 1-siniptin başlap mejburi téngiş, hazirdin başlap awal Ürümçi we memlikitimiz miqyasidiki 50 nahiyide sinaq qilip, andin hemme wilayetlerde Uygur mekteplirini tajawuzçi ahalining balliri oquydiğan Xitay mekteplirige qoşuwétip, mektep mudirlirini we asasliq oqutquçilarni Xitaylardin seplep, nöwette derslik kitaplardiki Uygurlar medeniyitige ayit barliq mezmunlar çiqiriwétilgénni az dep, Xitaylar özlirimu bir ömür sawadini toluq çiqiralmay luğet qarap dostidin kelgen mektupni aran oquydiğan qalaq xetlerni, dunyadiki axirqi komunist térrorçiliri bolğan Beijing hökümitining yalğan, aldamçi idiyesi singdürülgen dersler hem siyasi teşwiqatlarni bizning yaş-ösmürlirimizge mejburi téngip, öz ana til-yeziqini, ata bowilarning medeniyet miraslirini ögünüş pursitidin mehrum qilip, Xitaylarning tajawuzçi, irqiy qirğinçiliq siyasetlirige, éğir zulumliriğa, irqiy qirğinçiliqliriğa maqul dep baş égidiğan, imansiz Uygur siyaqidiki bir ewlat kişilerni terbiyilep çiqiş üçün hazirliq körmekte.
Bu yerde tekitkeşke tegişliki şuki, nöwette Şerqiy Türkistanda Xitay tilini medeniyet derijisige kötürüp teşwiq qilip, uni bilmigenlerge iş bermey, bözek qilip, til bilen medeniyetning munasiwitini almaşturup teşwiq élip, barğanseri namratlişip kétiwatqan Uygur jemiyitini Xitayçini mejburi ögünüşke qistimaqta.
Xitay faşistik tajawuzçiliri bir tereptin Uygur oqutquçilarni iştin heydep çiqirip, ularning hayat yoli, pikir bayan qiliş hoquqi, ewladlarni milliy medeniyet bilen terbiyileş pursitidin mehrum qilsa, yene bir tereptin Xitaydin yaman niyetlik yaki qara niyet hökümetning çaqiriqiğa awaz qoşqan aqqunlarni yötkep çiqip,ularğa öy bérip,maaşini berip Şerqiy Türkistanda yéngi Xitay döliti berpa qiliş, Uygurlarni aşkara we çandurlay yer yüzidin yoq qiliwétişni birlikte yürgüzüş üçün nopus köpeytip, özlirining idiyisini Uygurlar xalimisimu, nepret oqusimu tajawuzçi armiyisi, ğaljir itlardek saqçiliri, wijdansiz mustebit hökümet memurlirining rehimsiz zulmiğa tayinip her bir Şerqiy Türkistanliqning eng eqelliy, eng kiçik menpe’etlirinimu talan-taraj qilip, yéqin kelgüside tamamen yoqitiwétiş süiqestini ijra qilmaqta!
Uygur mektepliri bilen Xitay mektepliri birleştürüwétilse Uygur oqutquçilardin oquğuçilarğiçe hemmisi bi’aram bolidu, xorluq hés qilidu. Çünki ezeldin Xitaylar bizge düşmen millet,bizge qilmiğan milliy öçmenliki qalmidi, yüz neççe yildin béri xelqimizning yürikige çongqur singip ketken we hazirmu künde digüdek bu zulumni körüp we özi biwaste uçrap turidu,nomussiz Xitaylar özliri hemme jehettin zulum, adaletsizlik, qirğinçiliq qilip turup “milletler ittipaqliği”ni tekitleydu. Bu dégini Xitaylarning dégini we qilmişi şertsiz toğra, béşing’ğa taharet qilip qoysimu pikir qilma!, qarşiliq qilma, bolmisa tajawuzçi armiye, çiş-tirniqiğiçe qorallanğan saqçilar séni qilçe ikkilenmey öltüridu, digenliktur.
BDT, AQŞ, Yawropa birliki, Kişilik hoquq teşkilatliri bu işlarni bilmey qalğandimu? Yaki bizning çet’eldiki teşkilatlirimiz yaxşi uqturalmay qalğandimu? Yaki yuqarqi teşkilatlar aldiraş bolup kétip bizge çolisi tegmeywatamdiğandu? Xitaylar tarixida bek ézilip ketken millet bolğandin kéyin, bizni ézip, qirip yoq qiliwetse balans bolidu, dep qarawatamdiğandu?
21-esirdimu xelqimiz muşundaq éğir bedel toleşke, ige-çaqisiz qélişqa, tajawuzçilar türkümlep tutqun qilip öltürse héç gep yoq, Uygurlar tajawuzçi düşmenlirige qarşi tursa “térror” qatarliq tügimes töhmetler bilen eyplinişke mehkummu?
Qisqisi yer şaridin yoq qiliwetilse, bumu kişilik hoquq xitapnamisining kommunizimni qoğdaş babida barmidu? Yaki Turdi Ghoja çala terjime qilip qoyğanmidu?
Uygur xelqi üzlüksiz bedel tölewatidu, Türkiye üçün, Qazaqistan üçün, Qirğizistan üçün, Özbekistan üçün, Ezerbeyjan üçün, Türkmenistan üçün, Şimaliy Qibris Türk Jumhuriyiti üçün, Pakistan üçün , Asiyaning ” ténçliqi” üçün, Islam medeniyiti üçün, adalet üçün, sansizliğan qurbanlarni berdi, buni héçkim körmeywatamdiğandu? Ularning şexsiy menpe’eti şunçe tatliqmidu? Biz nime iş qilişimiz kérek?

Şerqiy Türkistan Informatsion Merkizi
Ertekin
2004-Yili 2-Ayning 26-Küni