Qarğa Qarğining Közini Çoqumaydu

2004-Yili 2-ayning 18-küni Ürümçi waqti 16:20 de Aqsu şehrining şerqiy teripidiki bir méhmanxana aldida 22 yaşliq bir Uygur taksi şopuri bir yoluçini méhmanxaniğa çüşürüp qoyup qaytiwatqanda basqa bir Xitay şopuri u maşinini qesten soquwetken. Uygur yigitning maşinisini Xitay qesten soquwetken turuqluq maşinisidin uzun bir piçaqni élip Uygur balini qoğliğan, bu işni körüp qalğan başqa Uygurlar derhal qatnaş saqçisiğa melum qilğan, özining zomigerlik pakitini yoşuruş üçün, saqçi kéliş aldida başqa bir Xitay uzun puçaqni yéqin etraptiki Xitay dukiniğa élip bérip yoşurup qoyğan. Uygur şopur we başqa körgüçiler piçaqni dukandin élip çiqip saqçiğa bergen.
Qatnaş saqçisi kélip ehwaldin xewerdar bolğan bolsimu, gunahkar Xitay şopurğa 200 yüen bérip qutulup ketişni éytip, uning’ğa héçqandaq gunah artmiğan we işni besiqturup ketken.
2-ayning 24-küni Aqsu wilayitining Konaşeher nahiyilik sehiye-disfansirining ikki neper xadimi Konaşeher nahiyilik medeniyet idarisi aldidiki bir Uygurning aşxanisiğa lay putliri bilen kirip aşxana xojayinidin pul telep qilğan. Aşxana xojayini aşxanisining pakizliqta aldinqi qatarda turidiğanliqini éytip ret qilğanda sehiye-disfanserining bir Xitay xadimi we Yalqun ikkisi bigiz barmiqini közige tenglep turup “Aşxanangni dawamliq açmaqçi bolsang bizning digen geplirimizge könüşüng kerek, bolmisa aşxanangni taqiwetimiz”-dep tehdit salğan we sehiye-disfanseriğa xojayinni mejburlap élip ketken.
Xitay hökümiti wetinimizde tajawuzçi Xitay ahalisining menpeetini qoğdaydu, Uygurlarni her jehettin bozek qilidu, qaxti-soqti qilidu, Xitaylar bolsa bu ziminda aq söngek bolup, ot qoysimu gep qilmaydu, qarğa qarğining közini çoqumaydu.

Şerqiy Türkistan Informatsion Merkizi
Tömürçoqa xewiri
2004-Yili 2-Ayning 24-Küni