|
Şerqi
Türkistanda Tiriklerla Emes Ölüklermu Qoğlanmaqta
Qaraxanilar xandanliqining
5-ewlat Xaqani
Seyid Arslanxan mazirining omumi körünishi
15 – dekabir Öz muxbirimiz Zerepshan xewiri.
Xitay hökümiti yéqinda Qeşqer şehrining şerqiy şimalidiki kölimi 70
gektarliq 600 yildin artuq tarixqa ige Taxta Köwrük qewristanliqini buzuş
pilaninini tüzüp çiqti.
Bu pilan’ğa Qeşqer memuri mehkimisining qorçaq walisi Kamil Abdulla imza
qoyğan bolup,narazi bolup erz qilip kirgüçhilerge Kamil Abdulla : “ Bu digen
yuqirining buyruqi, şertsiz ijra qilimiz,bu zaratkarliqni buzup yuquri
besimliq tok simi tartimiz,kimki arlişip bu simğa yéqinlaşsa qoli çolaq
bölidu,eger simni tutsa tok tepip ölidu” dep tehdit salğan.
Qeşqer şehridiki 90% Uygur ahalisining ajdadliri,ata - bowilliri bu mazarğa
depne qilin’ğan bolup,Memuri mehkimining içki xewerlirige qariğanda Uyğur
ahalisi ejdatlirining mordilirini şeher sirtidiki xitay sitangining yeniğa
yötkeşke mejburlinidiken.
Taxta köwrük mazirining şerqiy teripidiki Appak xoja maziri we şu mazar
içidiki qorçaq memurlar depne qilin’ğan mazarla bu tehditke uçrimaydiken.
2001-yili xitay hökümiti wehşilik bilen ottura Asiyadiki 5milyon kuwadtrat
kilometir dairide Qaraxanilar dölitini qorup güllendürgen we Islam
medeniyitini xelqimizge omumlaşturuş yolida şehit bolğan xaqan Seyit
Arislanxan mazirini yol yasaş bahanasi bilen buzup,1000 yildin beri xan
jemetidin başlap awam xelqqiçe neççe ming Uygur depne qilin’ğan mazarni yoq
qilip,xitay tajawuzçilirining menpeetige xizmet qilidiğan yol hemde
xitaylarning pul tepişi üçün mehmanxana salğan idi,aililikler binasi selip
aqqun xitaylarning köplep şehrimizge yerlişişige hazirliq körgen idi.
Qara niyet,açköz,tajawuzçi xitay hökümiti söyümlük vetinimiz Şerqiy
Türkistanda şeher ahalimizni qoğlap çiqarğanni azdep,Ejdatlirimiznimu
yerlikliride aram xuda yetişqa buzğunçiliq qilip ata- bowilirimizning rohini
qodangşitmaqta.
Xitay milliti özlirining eng eşeddiy düşmenlirining qebrisini
buziwetidu,ejdatining qebrisi buzuwetilgen a’ile özlirini intayin xor we
bextsız hes qilidu. Emma heddidin aşqan tajawuzçilar özlirining qoralliq
küçlirige tayinip xelqimizning hayat yolini tartiwéliştin sirt, rohi
jehettinmu éğir azaplarğa duçar qilmaqta.
Şerqiy Türkistan Informatsion Merkizi
2004-Yili 2-Ayning 18-Kuni
|
