Istanbuldiki Şerqiy Türkistan Teşkilatliri We Türkiye Ammiwi Teşkilatliri Xitay Konsulxanisining Ğeyri Héyt Petisi Qilmişiğa Qarita Naraziliq Bayanati Élan Qiliş Üçün Teyyarlanmaqta

     Öz xewirimiz. Qurban héytning 2-küni Xitay konsulhanisi héyt petisi banasi bilen élip barğan Qazaq jemiyetlirige pul tarqitiş we soğa salam hediye qiliş qilmişi Istanbul şehridiki Şerqiy Türkstan teşkilatlirini qattiq ğezeplendürdi. Qazaqlarni Xitayğa birişqa teklip qilişning bir aldamçiliq ikenligini tektligen Şerqiy Türkstan köçmenler jemiytining muawin başliqi Hizirhan Geyritulla ilgirimu Xitayning, Pakstan, Keşmir qatarliq jaylarda yaşawatqan Qazaqlarni aldap Xitayğa apirwélip pantürkizimçi bölgünçi digendek banalar bilen öltürgenligini we türmilerge taşliğanliğini aşkarilidi. Şerqiy Türkstan wehpining baş katibi Hamuthan Köktürük eger Xitay konsulhanisining héyt petisi qilişi normal ehwal hisaplansa Beijindiki Türk konsulhanisi hadimliri Uygur we Qazaqlarning öylirige héyt petisi qilsa bolamdu? Türkiye konsulhanisining héyt petisi qilişi üçün işigini éçip bergen Uygur bilen Qazaqni Xitay hökümiti saq qoyamdu? digen soalni otturğa qoydi.
2-ayning 11-küni (çarşenbe) Şerqiy Türkstan wehpi bilen Şerqiy Türkstan köçmenler jemiyti, türkiyediki eng çong ammiwi teşkilatlarning béri hisaplinidiğan Türk aydinlar oçaği (ziyalilar jemiyti) başliqi Piraffisur doktur Mustafa Arqan ependining riyasetçiligide jiddi yiğin çaqirdi Yiğinğa qatnaşqan Türkiye ammiwi teşkilatlar mes'ulliri Xitay konsulhanisining bu qilmişini xelqaraliq diplumatiye siyasetlirige xilap bolğan pitne pasat tarqitiş qilmişi dep eyiplidi we Türkiyediki 35 ammiwi teşkilatning imzasi bilen bir naraziliq bayanati élan qilişni qarar qildi. Kiler hepte içide bu bayanat Türkiye metbuatlirida élan qilinsa Xitay hökümiti Türkiyede eslige keltürwéliş qiyin bolğan bir reswaçiliqqa duç kilidiken