Qurban Héytning 2 – küni Istanbuldiki Xitay Konsulxanisining Baş Konsuli Yühongyang Bilen Muawin Konsulus Dostanlar Qazaqlarning Öylirige Héytlidi

     Öz xewirimiz Istanbul şehridiki Zeytunburni rayuni, 13 mehellige 250 ming nopusqa 10.70 kuwadirat km ziminğa ige çong rayunlarning biri, şundaqla Uygur Qazaq xelqi eng köp topluşup olturaqlaşqan rayunlarning biri.qurban héytning 2-küni istanbul şehridiki Xitay konsulhanisining baş konsuli Yühongyang bilen yéngidin wezipige teyinlengen Qazaq muawin konsulus Dostan qatarliqlar hal soraş buyumlirini élip Zeytunburnu rayuniğa kilip bu yerdiki Qazaqlarning öylirige mehsus héytlidi.
Igelleşlerge asaslanğanda yéngidin wezipige teyinlengen Qazaq konsulus Dostan Qazaqlarning jantikey qebilisinimg tasbike gurpisiğa mensup bolup, Istanbul şehride tasbike gurpisidin bolğan Qazaqlar köp salmaqni igelleydiken Xitay hökümiti muawin konsul tallaşta Istanbulda tasbike gurpisiğa mensup Qazaqlarning köp salmaqni igelleydiğanliğini nezerde tutqan iken Xitay konsulhanisining bundaq pewqulladde héyt petisi qilişi Uygur xelq maqal temsilliridiki börining qozining öyige mihmanğa kilişige ohşaydiken.
Şu küni Qazaq jemiyetlirining mes'ullirini qobul qilğan Yühong yang Qazaq jemiyetlirige 3 ming dollardin pul tarqatqandin başqa söz qilip, Türkiyediki Qazaqlarni Xitayğa bérip olturaqlişişqa çaqirğan.Xitayda Gumindang bilen Mao hakimyitining alliqaçan kelmeske ketkenligini tektligen Yühongyang Istanbuldiki Qazaqlar Xitayğa bérip olturaqlaşsa ularning olturaqlişiş, dawaliniş, oquş xizmetke orunluşuş işliriğa kapaletlik qilğandin başqa her bir Qazaq ailisi üçün 50ming dollardin pul béridiğanliği heqqide wede bergen. U munasiwet bilen ziyaritimizni qobul qilğan Zeytunburnu rayunining muawin başliqi Şerqiy Türkstanliq Qazaq İlyas Saqa Xitay konsulhanisining işliri sewebidin Uygur Qazaq munasiwetlirining yiriglişip qalmasliğini tewsiye qildi. Ilyas Saqa Şerqiy Türkstan işliriğa izçil köngül bölüp kéliwatqan Türkiyediki Qazaqlar içidin yitişip çiqqan birdin bir rayun başliqi bolup, Uygurlar arisidimu belgilik abruyğa ige idi. Xitay konsulhanisining bu qilmişi Ilyas Saqining Uygurlar arisidiki abruyini suslaşturup uning yéqinda élip bérilidiğan rayun başliqliri saylimida töwen awazğa érişişini qolğa keltürüş bolsa kirek Bu heqte xelq arisida nurğunliğan ohşaşmiğan qaraşlar mewjüt.