Abdujelil Qaraqaş we Dolqun Eysalar Amerikining WALL STREET Jornilining Germaniye Şobe Başliqining Ziyaritini Qobul Qildi

     Öz xewirimiz. Amerikining WALL STREET jornilining Germaniye şöbe başliqi Ian Johnson ependi bu yil 1 - ayning axirida Berlindin mexsus München’ge kélip Şerqiy Türkistan informatsion merkizining re’isi Abdujelil Qaraqaş we Dunya Uygur yaşlar qurultiyining sabiq re’isi Dolqun Eysalarni ziyaret qildi.
Ziyaret jeryanida ötken yili 15 - dekabirda Xitay jama’et xewpsizliki ministirlikining çeteldiki tört Uygur teşkilati we 11 şexsni <térror> dep qariliğanliqi toğrisida, hemde Talibanlar bilen Uygurlarning munasiwiti toğrisida tepsili toxtalğan.
Abdujelil Qaraqaş we Dolqun Eysalar ayrim-ayrim halda Xitay tajawuzçi hökümitining 50 yildin béri xelqimizge qilğan zulumliri, aldamçiliqi, yalğançiliqliri, süyiqestliri, ziyankeşlikliri, milliy zulumliri we qanliq basturuşliri heqide tepsili melumat bergen.
Undin başqa Abdujelil Qaraqaş we Dolqun Eysalar Ian Johnson ependining Afğanistandiki Talibanlar we Uygur mujahidlar otturisidiki munasiwet, Uygur mujahidlarning ğayisi, meqsidi, küreş usuli qatarliq inçike mesililer toğrisidiki so’allaliriğa estayidil, mes’uliyetçanliq bilen jawap bergen.
Bundin başqa Abdujelil Qaraqaş 1-ayning axiri Germaniye asasi qanunni qoğdaş komitétining ikki neper rehbirining ziyaritini qobul qilğan. Germaniye asasi qanunni qoğdaş komitétining ikki neper rehbiri informatsion merkizining nöwettiki xizmetliri heqide pikir alğan, Germaniyediki teşkilat we şexsler heqide pikir almaşturğan. Xitay hökümet terep yaki başqa wastilar bilen informatsion merkizige yaki Abdujelil Qaraqaşqa herqandaq kişi ziyankeşlik qiliş ehtimali sezilgen hamn xewer qilişini tapiliğan. Xitaylar <térror> dep élan qilğan Germanyediki Uygur teşkilatlirining we şexslerning emeliyette undaq emeslikini Germaniye hökümitining yaxşi bilidiğanliqi, teşkilat we şexslerni qanun boyiçe qoğdaydiğanliqini, Uygur teşkilatliri we teşkilat rehberlirining Germaniye asasi qanuniğa riaye qilğan muddetçe héçkimning ularning pa'aliyetlirini çekliyelmeydiğanliqini bayan qilğan. Şunga çet’ellerdiki teşkilat we Xitaylar teripidin qara çaplan’ğan qérindaşlirimizning qilçe umutsizlenmey öz işlirini qet’i dawamlaşturuşini umut qilimiz.

Şerqiy Türkistan Informatsion Merkizi
Ertekin
2004-Yili 2-Ayning 11-Küni