Germaniyening München Şehridiki Uygur Yaş-Ösmürlerge Milliy We Diniy Ders Ötülidu

     Öz xewirimiz. Şerqiy Türkistan Informatsion Merkizining re’isi,German-Uygur dostluq jem’iyitining mu’awin re’isi Abdujelil Qaraqaş München olturuşluq Uygurlarning perzentlirige Uygur til-yéziqi, Uygur medeniyiti we Islam dinidin ders bermekçi.
Bu yil qurban héyt harpisida Abdujelil Qaraqaş Münchendiki Türk ammiwi teşkilatliriğa xizmet işlep, dersxana hel qilğan, Uygur qérindaşlarni we ularning barliq perzentlirini bir yerge jem qilip bundin kéyin yaş-ösmürlerge bolğan milliy til-yéziq, milliy en’ene, milliy exlaq we Islam medeniyitidin ders ötidiğanliqini élan qildi.
2 - Ayning 14-künidin başlap her heptining şenbe künliri sa’et 13 tin 15 kiçe Uygur yaş-ösmürlerge ikki saet milliy medeniyet we diniy medeniyet dersi ötülidu.
Xitay tajawuzçi hökümitining wetinimizdiki Uygurlarğa qaratqan milliy zulumi, iqtisadiy jehettiki ekispulatatsiyesi, herbi jehettiki dölet térrorluqi, milliy menpe’etimizge qaratqan bulang-talangçiliqi barğanseri éğirlaşmaqta. Xelqimiz purset tapsila çet’ellerge çiqip erkin dunyada yaşaşni oylaydiğan, wetinimizni Xitay tajawuzçilirining qara qolidin tartiwelip, tajawuzçi Xitaylarni qoğlap çiqirip xelqni hörlükke, wetinimizni teltöküs musteqillikke ériştürüş yolida izdenmekte.
Çeteldiki muhajirlirimizning nopusi hazir milyondin aşti. Çet'eldiki Uygur nopusi dawamliq kopiyiwatqan bolsimu, mutleq köp dölet we rayonlarda Uygur mektepliri bolmiğaçqa izbasarlirimiz çet’el tilida oquşqa mejbur bolup, ana tilini, yéziqini bilmeydiğan, öz millitining köz yaşliri we külkilirini çüşenmeydiğan, milliy medeniyet bilen uçrişalmaydiğan, ata-bowilirimiz qaldurup ketken çöçeklerdin başlap, maqal-temsil. pelsepiwi dunya qaraş, kişilik qaraş, qimmet qarişi, exlaq arişi toğrisidiki qimmetlik eserlerni oqup ögünüş pursetliridin mehrum bolmaqta. Uygur siyaqidiki ejnebi bolup yétişip çiqqan bu bir ewlad, kelgüside millet üçün yaxşi xizmet qilalmaydu, yaki qilğan işliri Uygurlar bilen qilçe munasiwiti bolmiğan televizor körgüçige oxşap qalidu, Uygur xelqi yiğlisa yiğliyalmaydu, külse külelemeydu, milliy muhebbiti ösmeydu yaki intayin ajiz asassiz qalidu.
Şerqiy Türkistan Informatsion Merkizi we Germaniye Uygur dostluq jem’iyiti bu yaman aqiwetlwerni közde tutup. ewlatlarni Uygurçe terbiyileş meqsitide her heptide kurs uyuşturidu. Münchendiki qérindaşlarning perzentlerni kursqa toluq iwertişini, hemmeylenning bu xizmetni qollişini, başqa dölet we rayonlardiki qérindaşlarningmu özliri turuwatqan rayonlarda imkaniyiti bolsa Uygur mekteplirini éçişini, şara’iti bolmisa kurslarni éçip millitimizning kelgüsi üçün heqiqi milletperwer wetenperwer izbasarlardin qilip terbiyilep çiqişimiz lazim..

Şerqiy Türkistan Informatsion Merkizi
2004-Yili 20Ayning 10-Küni