Bir Ömür Öçmigen Weten Hesriti

     Öz xewirimiz. Germaniyining Hanau şeride Abdulhamit Nezerbağ isimlik bir peşqedem Uygur yaşaydu. Bu peşqedem aka perzentlirining ana wetenni bilmey qelişini közde tutup Qeşqer şehri Nezerbagh yézisini famile qilip qollanğan.
Bu yil qurban héyt munasiwiti bilen informatsion merkizimizning re’isi Abdujelil Qaraqaş Hanau şehrige bérip bu peşqedem Uygurni ziyaret qildi. Abdulhamit Nezerbağ 9 yéşida Saudi Erebistan’ğa kélip birqançe yildin kéyin Saudi Erebistandin Türkiyege kélip yerlişip Türkiyedin Germaniyege işçi bolup kelgen. Abdulhamit Nezerbagh Türkiyede bir Türk qiz bilen öylinip 4 perzentlik bolğan. Perzentlirige ana tilini, ana yurti Qeşqerning Nezerbağ mehelle namini famile qilip qoyup, ularni weten millet söyer qilip terbiyiligen, perzentlirini çong qilip öyluk-oçaqliq qilğan, hazir 10 newrisi bar iken. Abdulhamit Nezerbağ akimiz hazir pensiyige çiqqan bolup Germaniyediki nurğun Uygur qérindaşlirini tonumaydiken. Abdujelil Qaraqaş ependi, qurban héytta bu peşqedem Uygur bilen körüşken we u kişining hayati, a’ilisi toğrisida hemde Uygurlarning hazirqi ehwali we kelgüsi teqdiri heqqide uzaq mungdaşqan.
Abdulhamit Nezerbağ akimiz Germaniyediki Uygur teşkilatlirining wetinimizning azatliqi we millitimiz erkinliki qolğa keltürüş yolidiki barliq pa'aliyetlirini çin dilidin qollaydiğanliqini bildürgen.
Abdulhamit Nezerbağ ependi Germaniyede yaşaş jeryanida jağaliq işlep iqtisad toplap Türkiyening Izmir şehridin yer setiwelip, imaret yasap ana wetendin 10 a’ililik qerindişini Izmir şehrige yerleştürgen.
Germaniyediki Uygur qérindaşlarning inaq, ittipaq bolup, bir-biri bilen koruşup, perzentlerni, yaş - ösmürlerni Uygur tili, milliy örp-adet we diniy örp-adetlirimiz bilen terbiyileş üçün hemmeylenning küç çiqirişini we hemkarlişişini arzu qilidiğanliqini bildürgen.
Germaniyediki qérindaşlarning bu peşqedem Uygur muhajirning öyige bérip mungdişişini, pikir almaşturuşini tewsiye qilimiz.

Sherqiy Türkistan Informatsion Merkizi
2004 - yili 2 - ayning 9 - küni