Germaniyide Xitay Hökümitige Qarşi Namayiş Ötküzüldi

     Öz xewirimiz. Germaniyediki "Yawropa Şerqiy Türkistan Birligi" we “Dunya Uygur Yaşliri Qurultiyi” 5 - fewral Ğulja inqilabi weqesini xatirleş munasiwiti bilen 2 - ayning beşinçi küni München şehridiki Xitay konsulxanisi aldida namyiş qildi. Namayiş qizğin, juşqun keypiyat içide élip bérildi.
Namyişni "Yawropa Şerqiy Turkistan Birligi" ning muawin resiliridin Elçin Hazineci, Dilnur Ibrahim we "Dunya Uygur Yaşliri Qurultiyi"ning sabiq re’isi Dolqun Eysa we ijraiye reisi Ablikim Xotenler uyuşturğan bolup, namayişqa yüzlerçe Uygur qatnaşti.
Şerqiy Turkistan’ğa tajawuz qilip kelip, nomusssizlarçe <Bu yer Xitayning>dep teşwiq qilip kéliwatqan iplas Xitay hökümiti Germaniyede pa’aliyet qiliwatqan Dunya Uygur yaşliri qurultiyini térrorçi teşkilat, uning sabiq re’isi Dolqun Eysani térrorçi dep élan qilip, Germaniye hökümiti we başqa döletlerge u teşkilatni taqitiwetiş hemde Dolqun Eysa qatarliq 11 neper Uygur oğlanini tutup Xitayğa ötküzüp bériş toğrisida iltimas élan qilğan idi.
Tajawuzçi Xitay hökümiti özlirining tajawuzçiliq qilmişi we mahiyitini yoşuruş bilen bille, Uygur xelqige yürgüziwatqan éğir milliy zulum, qanliq basturuş jinayetlirini yoşuruşqa urunuş bilen bille, Şerqiy Türkistan içidiki qanliq basturuşlar we ziyankeşliq qilişliri az kélip, çet’eldiki Uygurlarni we teşkilatlarni qarilap xelq’ara jametetni aldaşqa urunup baqqan bolsimu, Xitaylarning jinayiti we qara niyitini obdan bilidiğan Germaniye, Amerika we başqa döletler hemde xelq’ara teşkilatlar Xitaylar telwilerçe <térror> dep élan qilğan teşkilat we şexslirimizni qanun boyiçe qoğdimaqta. Çet’eldiki bu teşkilatlirimiz özlirining tajawuzçi Xitayğa qarşi pa’aliyetlirini dawam qilmaqta.
Xitay komunistik hakimiyiti dölet içide axbaratni qamal qilip, xelqqe özlirining çüşençilirini mejburi téngip, yürgüziwatqan dölet térrorizimini yoşuruşqa urunup keldi.
Bu pakitlarni çet’elikler yaxşi bilidu, bilelmigenlirini Uygurlar, Tibetler, Mong’ğullar we ziyankeşlikke uçriğan Xitaylar dunyağa aşkarilap turidu.
Komunistik partiye we sotliyalistik tüzümning bahasi çüşken we meng’gu emelge aşmaydiğanliqi ispatlan’ğan bugünki dunyada, Xitaylarning çalwaqaşliri, qara niyetliri hergiz emelge aşmaydu.
Uzaqqa qalmay ğerp döletliri herxil yollar bilen Xitay komunistik hökümitige gör
hazirlaydu we depne qilidu. Xitay tajawuzçi komunistik hökümiti aldi bilen öz xelqi aldida izzet-abroyini yoqatti, andin Uygur, Tibet, Mong’ğul qatarliq milletlerning qelbide alliqaçan öldi. Şunga bu hökümetning jehennemge kirişige azla waqit qaldi, ular jan talişiwatidu, xuddi üşşük herisidek ölüş aldida başqilarni çéqiwelişqa urunuwatidu, xalas.

Şerqiy Türkistan Information Merkizi

Ertekin

2004-Yili 2-Ayning 8-Küni