Qurban Héytta Şerqiy Türkistanda Herbiy Halet Yürgüzüldi

     Öz xewirimiz. Şerqiy Türkistanda 50 neççe yildin béri Xitay hökümiti xelqimizning diniy erkinlikini herxil bahana-sewepler bilen çeklep keldi, xelqimizge ziyankeşlik qilip keldi. Medeniyet inqilabi namliq siyasi ziyankeşlik şamilini peyda qilip nurğunliğan diniy zatlirimizni, ziyalilirimizni surgun qildi we qolğa élip ziyankeşlik qildi. Mubarek Qur’ani kerim we Islam diniğa ayit ejdatlardin qalğan nurğunliğan medeniy miraslirimizni köydüriwetti, diniy mekteplirimizni taqiwetti. Islam dinidin ibaret bu insaniyet medeniyitining muhim terkiwi qismini haqaretlidi, musulman xelqni ezdi, étiqadini çeklep keldi.
Diniy we milliy bayramlarda dunyaning her qaysi jayliridiki köpligen dinlarğa étiqad qilğuçilar öz örp-adetliri boyiçe ibadetlirini qilip köngül éçiş bilen şuğullan’ğan bolsa, Şerqiy Türkistanda heyt bayramdin ilgiri Xitay tajawuzçi hökümiti her xil namlardiki saqçi, eskerlirini seperwer qilip Uygurlarni asas qilğan neççe milyon musulman Türkiy xelqlerni qattiq nazaret astiğa aldi. Mesjidlerning uduliğan, içige xupiyane video kameralarni orunlaşturdi, toluq qorallan’ğan Xitay saqçi we eskerliri hemde puxraçe kiyin’gen saqçilarni xelq arisiğa ibertip kiçik işlardin tartip nazaret qildi we xelqimizge wehime sélip keldi.
Mesjidlerning imamlirini kommunist Xitay hökümiti békitti we sözleydiğan mezmunlarni belgilep tangdi, Şerqiy Türkistandiki Islam dini heqiqi islam dini bolmastin belki Xitay kommunist hakimiyiti üçün xizmet qilidiğan, kommpartiyining siyasitini teşwiq qilidiğan şekli özgergen bir din’ğa aylandi, mesjidler kompartiyining teşwiqat bazisiğan aylanduruldi. Heqiqi Islam dinini, Islam medeniyitini teşwiq qiliş çeklendi. Heqiqi Qur’ani kerim we hedislerdin nutuq sözligen qérindaşlirimizğa <qanunsiz diniy pa’aliyet bilen şuğullan’ğuçi>,<wahabi>digen’ge oxşaş haqaretlik betnamlarni çaplap tutqun qildi we ziyankeşlik qilip keldi.
Xitay tajawuzçi hökümiti 50 yildin béri Uygurlarning bipayan zéminlirini tartiwaldi, igelliwaldi, güzel wetinimizning muhitini bulğidi, xelqimizning rohi dunyasini bulğidi, köpligen mesjidlerni çeqiwetti, konirap ketken mesjidlerni yéngilaşqa yaki şara’itini yaxşilaşqa çeklime qoyup keldi. Xelqimizning olturaq öyliri, dukanlirini çéqiwetip başqa bina sélip Xitaylarni orunlaşturdi. Ötken yili merkizimiz Qeşqer şehridiki Uygurlarning öy-dukanlirini Xitay tajawuzçilirining çéqişqa hazirlan’ğanliqi toğrisida xewer bergen idi, çet’eldiki xelq’ara teşkilatlar we Uygur teşkilatliri bu işqa köngül bölmidi we Xitaylarning bu buzğunçiliq we ziyankeşlik qilmişliridin tosmidi, Qerşqer heytkar jamesi aldidiki meydan we Östengboyi mehellisidiki köpligen Uygurlarning öylirini mejburi çéqiwetip Xitay tajawuzçi aqqunliri quruluş başlidi, bu yil qurban heytmu yétip kélip neççe yüz yildin béri Uygur Islam medeniyitining simwoli bolup kelgen Heytkar jamesi aldidiki xelqimizning köngül açidiğan muqeddes meydanda tosaq tamlar peyda boldi we Qeşqer xelqi heyt samasi oynaşta bu tamlar tosalğu boldi. Heyt küni yüz mingliğan Uygur ammisi bu meydan’ğa toplunup sama selişqa hazir bolğan we Xitaylarning tosaq temini éliwetişni iltimas qilğan bolsimu Xitay hökümiti xelqimizning teliwige héç qolaq salmiğan, xelq qözğilip tamni çeqişqa teyyarlan’ğanda Qeşqer wilayetlik jama’et xewpsizlik idarisining saqçiliri kélip bu sadani mejburi besiqturğan. Bu yilqi Qurban heyt Qeşqer xelqi üçün heyt bolmastin rozi boldi.
Xitay tajawuzçi hökümiti barğanseri heddidin aşti, Uygur xelqige qaratqan milliy zulum we basturuş, talan-tarajni küçeytti.
Bu yil 2-ayning 5-küni Xitaylarning panus çağini bolup, Qurban héyt bilen bir waqitta kelgenliki üçün, Uygur xelqining adeletsizlik we çékidin aşqan milliy zulumğa qarşi qözğulişidin ensirigen Xitay tajawuzçi hökümet Şerqiy Türkistanning merkizi bolğan Urumçidin baslap Turpan, Korla, Aqsu, Qeşqer, Xoten, Ğulja, Altay, Çoçek, Qumul qatarliq hemme wilayetliride herbi halet yürgüzgen. Barğanla yerde qoralliq saqçi, mexpi saqçilar, eskerler keçe-kündüz uruş halitide turğan. Bu hal hazirmu dawam qilmaqta.
Xitay hökümitining çékidin aşqan faşistik qirğinçiliqi wetinimizning bayliqini talan-taraj qiliş we éğir milliy zulumiğa çidimiğan Turpan wilayitining Piçan nahisidiki ikki qérindişimiz nefit turba léniyisige bomba taşlap partilitiwetken.
Xitay tajawuzçi hökümiti Uygur xelqige qilmiğan ziyankeşliki qalmidi, bu iplas millet we qara niyet tajawuzçi hökümetke Uygur xelqi herqandaq şekilde qarşi turuş, zerbe bériş, öç éliş hoquqiğa ige!

Şerqiy Türkistan Informatsion Merkizi
Ertekin
2004-Yili 2-Ayning 7-Küni