Muqeddes Tupraqtiki Xitay Jasusliri

Öz xewirimiz.
Bu yil dunya musulmanlirining mubarek qurban héyt munasiwiti bilen neççe milyon musulman Seudi Erebistanning mekke şehrige yiğilip hej pa'aliyetlirini başliwetti.
Kommunist Xitay hökümiti Şerqiy Türkistanliq Uygur musulmanlarning hej qiliş pa'aliyitidin paydilinip mexsus jasuslar ömiki teşkillep hej ömekliri bilen bille Seudi Erebistan’ğa kelgen.
Şerqiy Türkistandin kelgen ömekler içide 15 kişilik bir ömek bolup, ömek başliqi Uygur Aptonom rayonluq dölet xewpsizlik nazaritining muawin başliqi Ilham, Hoten wilayetlik jama’et xewipsizlik idarisining muawin başliqi Dilmurat, Hoten wilayetlik diniy işlar idarisining başliqi Metniyaz Rözi　qatarliq komunist Xitay hökümitining wézipidiki emeldarliri, éniqini qilip éytqanda Xitaylarning Uygur xelqini éziş we qanliq basturuşta Xitaylar bilen hemkarlişip xelqimizning qénini içiwatqan milliy munapiqlardin hej ömiki teşkillep hejge barğan Uygur musulmanlirini nazaret qiliş, ularni çet’eldiki başqa Uygurlar bilen körüştürmeslik, pa'aliyetlirini nazaret qiliş, Xitay hökümiti üçün axbarat toplaş, çet’ellerdiki Uygur teşkilatlirining pa'aliyetliri heqqide uçur igelleş qatarliq jasusluq işliri üçün işqa kirişken.
Bu jasusluq ömikining başliqliq wézipisini öz üstige alğan Ilham atliq mel’un Pakistanda yaşawatqan Uygur mujahidlarni Xitayğa tutup bériş herikitige qatnaşqan we Xitay hökümitige xizmet körsetken yuquri derijilik jasus bolup, qilçe nomus qilmastin hem eymenmestin Seudi Erebistandiki bu muqeddes tupraqqa kirişke jür’et qilğan.
Bu dunya musulmanliri üçün, Uygur xelqi üçün haqaretlik bir qilmiş bolup, bu muqeddes tupraqta Xitay kapirliri üçün jasusluq qiliş, Uygur musulmanlarning normal hej pa'aliyitige nazaretliq qiliş, ularni bi’aram qiliş, weten’ge qaytqandin kéyin Xitay xojayinliriğa tepsili melumat bériş üçün xizmet qilmaqta iken.
Başqa hej ömekliri bilen bir qatarğa soqunup kiriwalğan bu munapiqlar ömigi Seudi Erebistan’ğa yétip bérişi bilen tijaret bilen şuğullinidiğan özining kimlikini, milletning menpe’etini, diniy étıqadini pütünley untup, öz şexsiy menpe’eti we Xitay hökümitining menpe’eti üçün xizmet qilişqa teyyar turğan bezi körünüşte saxta beş wax namaz oquydiğan munapiqlar ularğa xoş-xoş dep qol qoyuşturup qizğin kütiwalğan we hemra bolup ularning öz wézipilirini muweppeqiyetlik orunlişi üçün hemkarlaşmaqta.
Yuqurida tilğa élin’ğan munapiq saxta hajilar, emgekçan, mömin, teqwadar, japakeş anawendin hejge kelgen Uygurlirining namiğa dağ tekküzüp mubarek mekke zéminida rézil işlar bilen şuğullanmaqta.
Seudi Erebistandiki durus qérindaşlirimizning bu hadisilerge yéqindin diqqet qilişini umid qilimiz.

Şerqiy Türkistan Informatsion Merkizi
(Ertekin hazirlidi)
2004-Yil 1-Ayning 28-Küni