Aserettiki Milletperwerlik Terbiyisi

Sen muhtaj bolghan qudret, tomurliringdiki esli qanda mewjuttur.qandaq qiyin sharaitta bolsang bol,bu qan hemmige yiter.     <Mustafa Kamal Atatürk>

Wetendiki Uygur ata-anilarning hazirgha qeder köpchiligining perzentlirige biridighan terbiyisi (burun nurghun ezimetler weten, milletni dep türmilerde sisip-chirip ketti, bu toxumni tashqa urghanliq, Xitaylar küchlik, biz ajiz, ularni biz hichnime qilalmaymiz, qaynaqsu ich, könglüng tinch.) digendek bir yürüsh gepler bolidu. Bu sözlerni ata-ana bolghuchilar, öz ailisining nisbi hatirjemligi, öz balilirining ademning eng töwen chektiki yashash basquchlirini toluq saq-salamet yashap bolishini arzu qilghan, millet-wetenning kelgüsini chiqish nuqtisi qilmay, yiraqni körmeslik, tar shexsiyetchilik nuqtineziridin qilghan terbiyisidur. Men oylaymen eger mushundaq terbiye dawamliship kitiwerse xuddi „ Biz kirizista turiwatimiz, biraq bizning hazirqi kirizisimiz hichkimning kirizisigha oxshimaydu, bu del kirizisning, krizis piti uzaq dawam qilishidin ibaret!!“ dep yighinchaqlighan hazirqi Uygur wetinining Xitay kommunist basqunchilirigha ayaq-asti bolush teghdirini özgertishtek ulugh ghayimizni emelge ashurishimiz mümkin bolmay qalidu. Chünki wetinimizning teghdiri wetendiki yash-ösmürlirimizning qolida!!!. Millitimizning öz medinyitini, öz itiqadini, öz tuprighini yer sharidin yoqatmay mewjut bulup turishi ularning qolida!!!.
Yingi tughulghan bir bowaq anining qarnidin bu dunyagha köz achqanda öp chörisidiki hemme sheyiler uning üchün natonush bolidu, u qiziqish we qorqush hissiyatliri ichide
peydin-pey bu sheyilerni tonuydu, jismani eqliy jehetlerdin üsüp yitilidu. Bu pütün ösüsh jeryanida, biz ata-ana bolghuchilarning her-bir söz herkiti ularning kelgüside ghororluq millet söyer yashlardin bolup chiqishi üchün nahayiti chong tesir körsitidu. Shunga biz ata.ana bolghichilar ulargha itiqatliq adem bolush, semimi adem bolush, heqqani adem bolush, tirishchan adem bolush toghrisidiki eqelli terbiyiler bilenla cheklinip qalmay, ademning tughulishidinla hemme jehettin barawer ikenligini, lékin hazir kindik qenimiz tökülgen özimizning tuprighida ehwalning del bunung eksiche boliwatqanlighini nime üchün iqip kelgen mustemlikichi Xitaylarning hemme yerde zimin igisi bolghan Uygurlargha közining paxtisini chiqirip zorluq-zomiliq qilip yashashqa imkan bermeywatqanlighini, heqlirimizning depsende qiliniwatqanlighidek emilyette boliwatqan ishlar arqiliq, musteqil döliti bolmighan milletlerning aqiwitining qandaq bolidighanlighini toghrisida toxtimay terbiye birishimiz kirek. Eger hazirdin bashlap yash-ösmürlirimizge mushundaq weten, millet eqidisi üchün tepekkür qilish, sözlesh,herket qilish hetta qurban birish toghriliq terbiyilerni kücheytmisek bizning shereplik tariximiz üchün nomusluq dagh bolghan Xitayning mustemlikisi bolush qismitimiz menggü özgermey turishi bikitilgen bolidu. Chünki teghdirimizni özgertish qandaqtur Yawrupaning yaki Amerikining ishi bolmastin özimizning ishi, chünki Qan bilen sughirilmighan tupraq sanga menggülik weten bolalmaydu (Türk ata sözliri). Bolupmu hazirqi Xitay kommunist fashistlirining birtereptin bizni tororist, bolgünchi dep dunyani aldap, yene birtereptin örpe-adet, maarip medenyet jehettin zor bedellerni tölep assimlatsiye we yer yüzidin yoq qilish tarixi pilanlirini ghaljirliq bilen élip bériwatqan sharaitta wetenperwerlik milletperwerlik terbiyisini tiximu kücheytishimiz kerek.biz weten sirtidiki Uygurlar balilirimizgha qandaq terbiye birishimiz kirek? Yawrupa Amerikining maarip qurulmisi nahayiti ilghar, biz bu ewzel sharaittin toluq paydilinip öz ana tilini unutmighan, öz kimligini yoqatmighan,özining shereplik we nomusliq tarixini bilidighan aldinqi shert astida balilirimizni qudritimizning yitishiche itiqatliq, kelgüsi musteqil wetinimiz üchün kereklik herqaysi penlerde toluq yitishken, ghororluq, öz teghdirining ata tuprighi bilen zich munasiwetlik ikenligini bilidighan, eger weten özige muhtaj bolsa derhal hazir bolalaydighan
millet söyer, weten söyer yashlardin qilip terbiyilep chiqishimiz kerek. Axirini oghlum Alp Ertunganing körgen chüshi bilen ayaqlashturimen: Kök Böre süriti chüshürilgen esker formisi kiygen oghlum yawlar bilen jenggahta……….

Aptori: Oghuz, Germaniye 2003-yilning eng axirqi küni.