Kishilerni Aram Tapquzmaydighan Dölet Bixeterlik Idarisi

Aptor: Tian Zhen Jiang

Dölet bixeterlik idarisi, esli menisi boyiche éytqanda döletning bixeterligi üchün, jemiyetning eminligi üchün, puxralarning ténch xatirjem yashishi üchün qurulghan. Lékin Zhongguo kommunistlirining hökümranlighi astidiki dölet bixeterlik idarisining nime ishlarni qiliwatqanlighini tengri bilidu. Jiangzeminning kontorullighi astidiki Zhongguo dölet bixeterlik idarisi tarixtiki Jingyiwei, Dongchang, Xichanglardek Jiangzeminning shexsi qol chomaqchilirigha aylinip, uning diktator tüzimini qoghdash yolida heq-adeletni depsende qilidighan pesliklerni qiliwatidu. kishilerning, ularni xeliqning pulini xejlep, döletke eminlik xeliqqe aramliq bermeywatidu diyishi ejeblinerlik emes. tarixtin xewiri bar kishilerning hemmisi bilishi mümkin, Zhongguo tarixidiki Ming sulalisi öz zamanida normal sot mekkimiliridin bashqa yene sesiq nami pur ketken jasusliq sot mekkimiliri Jingyiwei, Dongchang, Xichang qatarliqlarni qurup, diktator padishaliq tüzimini qoghdash, padisha uruq jemetidin hökümranliqqa paydisiz söz-herketlerning chiqishining aldini ilish qatarliq ishlar üchün paydilanghan Mingtaizuning zamanida, Jingyiwei türme jazaliri we nazaret tekshürüsh qolgha ilish ishlirigha mesul bolup, jenup shimal basturush mekkimilirini tesis qilghan,bashqurush teweliride sot türmiliri bolghan, mexsus boy sunmighanlarni, ighwa tarqatquchilarni yighushturghan bu neq hazirqi Zhongguo kommunistlirining, JH we dölet bixeterlik xadimlirining mexpi adem tutush, qiynap iqrar qildurush, öz aldigha sotlash qatarliq peskeshliklirige oxshaydu. Mingchengzuning zamanida hoqoq dairisi Jingyiweidin eship chüshidighan, Mexsus hökümranliqqa qarshi turghuchilarni tingtinglap, tekshürüp jazalaydighan jasusliq orgini Dongchang quruldi. bu neq hazirqi Zhongguo kommunist dölet bixeterlik organlirining bashqurishidiki kishilerning bes-munazirilirini nazaret qilidighan internet saqchiliri we bashqa mexpi anglash organlirigha oxshaydu. Mingxianzong we Mingwuzong zamanlirida arqa-arqidin Xichang, Neihangchanglar quruldi. Buning ichide Neihangchangning hoqoqi hemmidin yuquri bolup atalmish medinyet inqilawi zamanidiki „merkiziy rehberlik qilish gruppisi“gha we Jiangzeminning Falungongchilarni basturush üchün mexsus qurghan Gestapoche organ „610“ gha oxshaydu. Ming sulalisining axirqi zamanlirida, bu xil jasuslarning sani 100 minggha yetip, normal edliye xizmetlirige zor tosalghu bolghan. bu xil jasuslarning nurghun alahide hoqoqliri bolup, bular öz aldigha höküm kesish, qanunning tosalghusiz qolgha elish, öz aldigha jaza yürgüzüsh qatarliqlardur.
Nechche yüz yillar ötüp ketti, jemiyet demokiratiyelishishke qarap yüzlinip, qanun arqiliq dölet bashqurush demokratik döletlerning tallighan yoli bop qaldi. Lékin bügünki Zhongguoda kommunistlar Ming sulalisidiki jasuslarning rohigha warisliq qilip zorawanliq qilmaqta. Igellinishiche Zhongguodiki wilayet-sheher derijiliktin yuquri idarilerning hemmiside mexpi orunlashturilghan dölet bixeterlik idarisining jasusliri bar, bolupmu poshta, axbarat chetel bilen muamilisi bar idarelerde, hökümetning ichki qismida, ali bilim yurtlirida, mekteplerde omumyüzlik. Bügünki Zhongguoda(cheteldikiler buning sirtida) zadi qanchilik kommunist jasuslirining barlighini oylapmu yetkili bolmaydu. Belki sizning yeningizdidur, belki sizning eng yeqin ishenchilik dostingizdur, sawaqdishingiz, xizmetdishingiz bolishimu mümkin, sizni ular 24 saet nazaret qilip turghan bolishimu mümkin.

Alimjan Terjimisi 2003 - yil / Büyük Esir torbetıdın élındi