Şerqiy Türkistan Dawasida Uçurning Roli

     Dunya kişilik hoquq teşkilatlirinıng belgilimilirige xilapliq qilip, kişilik hoquqni depesende qilişqa ait jinayi qilmişliri barğanseri éğirlişip kétiwatqan komunist Xitay hökümiti bir tereptin dunya bilen iqtisadiy hemkarliq we deplomatik munasiwetlerde öz tesirini küçeytişke urunsa yene bir tereptin kişilik hoquqni depsende qiliş jinayetlirini üzlüksiz dawamlaşturmaqta.
    Yawropa parlamenti 1997-yili 13-aprelda Xitay hökümitining Uygurlarğa élip bériwatqan zulumi we kişilik hoquqni depsende qiliş jinayetlirini eyipligen doklatni teyyarlap, parlament ezalirining muzakire qilişiğa sunğan. Yawropa parlamenti Xiristiyan guruppa ezasi, Awistiraliyelik Karl Habsborg Lonthriengen we radikal ittipaq ezasi Italiyelik Olivier Dupuis’ning köngül boluşi bilen töwendiki mesililer resmiy otturiğa qoyululğan idi:
1- Uygurlarğa qaratqan sewepsiz tutqun qiliş we ölüm jazasi bériş.
2- Uygur medeniyitini yoqutuwetişke urunuş qilmişliri.
3- Diniy etiqat erkinliki we diniy paaliyetlerning çeklinişi.
4- Xelq’araning tosuşiğa qarimay, qanunsiz adem tutuş we qoyup bérişke tégişlik Uygurlarni qoyup bermeslik, kişilik hoquq küzetçiliri we axbarat xadimlirining Şerqiy Türkistan’ğa bérişini dawamliq çekleş qilmişi.
Undin başqa Amerika Qoşma Shtatliri, Rusiye we Yawropa birlikide ezasi bolğan Radikal Partiyisining Birleşken döletler teşkilati kişilik hoquq komitetining 53-maddisida her yili Şerqiy Türkistanda yüz bériwatqan kişilik hoquqni depsende qilişqa munasiwetlik mesililer BDT ning kündilik xizmetliri qatariğa kirgüzülgen bolsimu, komunist Xitay hökümiti héç eymenmey, hijil bolmay, xelq’ara qanunlarni közge ilmastin milliy zulum we kişilik hoquqni depsende qiliş jinayi qilmişlirini dawam qilip kelmekte.
    1998-yili 28-awğusttin bügün’giçe 5 yildin artuq waqit ötken bolsimu, bu muhim qararlarğa çet’eldiki héçqandaq Şerqiy Türkistan teşkilatliri yéqindin köngül bölmidi hemde Yawropa parlamentining bu mesilige mes’ul komitétliri çiqarğan qararlirini estayidil ijra qilmidi.
    Eslide Şerqiy Türkistan üçün muhim bolğan bu qarar we munasiwetlik işlar waqtida emeliyleştürülüşi we érişilgen netijilerdin dunya jama’etçilikini waqitida xewerdar qiliş şert idi. Epsuski,dunyakidi Şerqiy Türkistan ammiwi teşkilatliri özining mewjutliqini saqlap qéliş bilen bolup kétip, alğa basalmaywatidu, Uygurlarning kişilik hoquq mesililirini küçlük tesirge ige qilalmaywatidu, küçlük heriketlerni élip baralmaywatidu
    Şerqiy Türkistanliqlarning heqqaniy musteqilliq küreşlirining rawajlinişiğa tosalğu boluwatqan muhim seweplerning biri informatsion uçurning yetersiz boluşidin ibaret. Şerqiy Türkistanda yüz bériwatqan weqeler heqqidiki eng yéngi xewerlerning toğra we téz sur’ette qolğa kelmesliki sewebidin dunya jamaetçilikini xewerdar qilalmiğanliqimiz üçün,komunist Xitaylarning kişilik hoququni depsende qilişqa dair jinayetliri waxtida aşkarilanmaywatidu.
1996-yilğiçe saqlanğan information - uçur yetersizlik mesilisini 1996-yili Germaniyede qurulğan Şerqiy Türkistan information merkizi hel qilğan idi.
    Bu merkez Germaniyede bolğanliqi üçün Germaniye hökümiti Xitaylarning her qetimliq tosalğuliriğa pisent qilmidi we uçur merkizining pa'aliyetlirini tosup qoymidi. Information merkizi ta bügünki qeder normal axbarat pa'aliyetlirini dawam qilip kelmekte.
    Emma, peskeş kommunist Xitay hökümiti 2003-yilining axirida Şerqiy Türkistanning dunyadiki birdin-bir Axbarat menbesi bolğan <Şerqiy Türkistan Uçur Merkizi> ni we başqa Uygur teşkilatlirini we teşkilatçilarni yoqilang betnamlar bilen qarilap uning obraziğa nuxsan yetküzüş we ziyankeşlik qiliş suyiqestide boluwatidu.
    Bundaq weziyet aldida dunyadiki Şerqiy Türkistanliqlar, Şerqiy Türkistanning heqqaniy küreşlirini qollaydiğan, tençliqperwer, adaletperwer siyasi teşkilatlar, ammiwi teşkilatlar, döletler we şexslerning Şerqiy Türkistan information merkizi duç kéliwatqan ziyankeşliklerni toğra çüşinişini, ilgirikidekla qolidin kélişiçe yardem bérişini we qollişini, tajawuzçi Xitay hökümitining töhmetlirige işenmeslikini semimi ötünimen.

Kayseri Şerqiy Türkistan Medenä Hemkarliq Jemiyiti
Sabiq Reisi Mehmetımin Batur

2004-yili 1-ayning 09-küni