Kim Térorist?

2003-yili 3-dekabir Germaniye we dunya abarat sahesidikilerning eyiplişi we bésimi astida, baş ministir Gehard Schröder, Guangdong Zhongshan universitida sözligen aşkara nutqida, Zhongguo hökümitining neççe aydin béri internet uçur alaqiliriğa bolğan basturişlirini téximu yuquri baldaqqa kötergenligige qarita, Zhongguo kommunistliridin internetke bolğan iskenjisini emeldin qaldurişni telep qilip, internettiki erkinlik kapaletke irişkendila, uning mislisiz tereqiyatqa irişidiğanliğini, şundaqla Zhongguoning dunyadiki eng çong internet baziriğa aylinidiğanliğini qeyt qildi. Eng mesxirilik yeri şu boldiki Schröderning murajitidin 12 kün kéyin Zhongguo kommunist faşistliri buningğa jawaben, öz itiqadi, öz erkinligi, öz milli musteqilliği üçün, internetni jeng meydaniğa aylandurup ğeplettiki xelqini oyğitiş üçün küreş qiliwatqan, ğerip elliride qanunluq royxetke elinip, dunya jamaetçiligining hésdaşliğiğa érişken „Şerqiy Türkistan informatsiye merkizi“ we uning deriktori Abdujelil Qarqaş ependi qatarliq 4 Uygur teşkilati we 11 neper şexisni, birinji türküm térorliq teşkilatlar we térorçilar dep dunyağa ilan qildi. Ular panalinip turiwatqan démokiratik döletlerdin özlirige maslişip bu teşkilatlarni emeldin qaldurişni, mal-mülkini musadire qilişni we 11 neper şexisni Zhongguoğa qayturip bérişni telep qildi.
Hazirğa qeder dunyadiki qismen Uygur teşkilatliri öz bayanatlirini ilan qildi. Lékin heqiqi türde qattiq inkas qayturmidi. „Xelq'araliq keçürüm teşkilati“ , „Dunya xeter astidiki milletlerni qoğdaş teşkilati“ bolsa arqa arqidin bayanat élan qilip, dunyadiki derijidin taşqiri térorislar guruhi Zhongguo kommunist faşistlirining yüzi qizarmastin, ösmürlirige çömilini dessise guna bolidu dep terbiye bérip çong qilidiğan, hem şu aq köngülligidin, étiqatçanliğidin, musapirperwerligidin yawuz düşmenlirining mustemlikisige aylinip, ular teripidin ğorori, milli kimligi, medinyiti, atamiras tupriği depsende qiliniwatqan 25 milyon mezlum Uygurning qan yaşliq ahu-zarini hör dunyağa anglitiwatqan ETIC we DUYQ qatarliqlarni térorist teşkilat, ularning qurğuçiliri we xadimlirini téroristlar dep jöyliginige qattiq itiraz bildürdi we munasiwetlik döletlerdin dunyağa heqiqi tehdit boliwatqan, xelq'ara jamaet itirap qilğan térorist döletlerning perde arqa qolliğuçisi we küşkürtküçisi Zhongguo kommunistlirining bu böhtanliriğa işenmey, kindik qéni tökülgen ana wetinini amalsiz taşlap çiqqan bu mezlum Uygurlarni küçining yétişiçe qoğdişini ümit qildi. Bu dunya adalitining xitabi. Kommunist faşistlarning hokümranliği astidiki wetinimizde ular aqni qara, qarini aq qilaliğini bilen, 21-esirdiki hör dunyada buni qilalmaydu. Zadi kim térorist!?
Köngülsiz tarixni tegep olturişning mençe hajiti yoq, Mongğul, Tibet xelqlirining ah-zarini esletmisekmu, dunya ularni Uygurlarni bilgendin yaxşi bilidu. Bu yerde peqet Uygurlarning yéqinqi zamandiki, Xitay kommunistlirining mustemlikisige aylanğandin kéyinki ah zarini eslep ötsekla yétip aşidu. Kommunist general, milyon insanning qénini içken jallat Wangzhen „biz sizlerge mehman, işlarni tertipke selip bolupla 2 yildin kéyin ketimiz“ dep Şerqiy Türkistanğa aldamçiliq bilen kiriwalğandin kéyin, ejdatlirining neççe ming yildin yaqi işqa aşuralmiğan, bu güzel ziminğa irişiş qara niyitini işqa aşuriş üçün ötken esirning 50-yilidin hazirğa qeder, yer islahati, ijarini kemeytip zomigerlerge qarşi turuş, 5 xil unsurlarni yoqitiş, 3 konini yoqitiş, polat tawlaş, medinyet zor inqilabi, üzüldürmey köçmen köçürüş, üzüldürmey atom bombisi sinaq qiliş, 1-, 2-, 3 -, … qetimliq qattiq zerbe beriş, tuğut çekleş, qanunsiz diniy pa'aliyetlerge zerbe bériş, bölgünçilerge zerbe bériş, ideologie sahesini retke sélip kitap köydürüş, tiğ uçi Uygur milli medinyitini yoqitişqa qaritilğan ma'arip metotini özgertiş… qatarliq ayiği üzülmigen, insan qélipidin çiqqan dölet téroristik siyasiti bilen, ezeldin ata bowiliridin miras qalğan muqeddes tarixi zéminlirida öz eqlige, öz tirişçanliğiğa, öz küçige tayinip dunya tarixida étirap qilinğan musteqil döletlerni qurup, yüksek medinyetlerni berpa qilip kéyinki japaliq şaraitlardimu çişini çişlep özini yoqatmay yaşap kelgen Uygurlarni milyonlap öltürüp, türmilerge taşlap, éziz wetinide yaşaşqa amalsiz qaldurup çet'ellerge kétişke mejbur qildi we qilmaqta. Oylap béqiş kérek buningdinmu beter térorliq barmidu?
Birleşken döletler teşkilati programmisining 2656f-d bölimi 22- maddisida térorisliqqa mundaq terip berilgen; hökümet tüsini almiğan we mexpi bolğan teşkilatlarning, uruşsiz nişanlarğa qaratqan, aldinala planliğan, siyasi mexsidi bolğan, adette qesten anglaş we körüşke tesir qilidiğan zorawanliq herkitidur. Başlanğuç sawadi bar, xet oqalaydiğan ademlerning hemmisi bu çüşünüşlik jümlilerdin nimining téror ikenligini asanla biliwalaydu, ejawa 1.5 milyard nopusqa ige, özlirini 8 ming yilliq tarixqa ige dewelğan kommunist Xitaylar bularni çüşinelmemdiğandu yaki qestenge çüşenmigendimu? Biz Uygurlarning kommunist Xitaylarning mustemlikisidin qutuluş üçün élip bériwatqan iptidai küreşlirimizning téroristliq bolmay peqetla öyge kiriwalğan bulangçini qoğlap çiqirişqa tirişiştek insanda boluşqa tégişlik tebi'i qarşiliq körsitiş ikenligini wijdani barliki dunya jamaetçiligige ispatlap olturişning hajiti yoq! Hilimu bek yuwaşliq qilduq! Çünki siyasi juğrapiwi çegrimiz éniq, diniy ideoligiye kültur jehettiki perqimiz zor, qan iriq jehettiki perqimiz asman bilen zéminning perqidek zor. Bu ikki iriqni hiliğu yüz yillarçe qaynatsun, ming yil qaynatsimu bir yerge kilelmeydu!!!.
Birleşken döletler teşkilatining kişilik hoqoq xitapnamisining başlinişida mundaq jümliler bar: insanlar çong ailisidiki her bir ezaning ğororining, barawerligining we tartiwilişqa bolmaydiğan hoqoqlirining étirap qilinişi, dunya erkinligining, adalitining, ténçliğining asasi. Bu yerde şuni tekitlep ötüş kérekki, dunya ténçliğining kapaliti bolğan birleşken döletler teşkilati pütün dunya döletliri (kommunist Xitaylarmu buning içide) birlikte qarar bérip maqulliğan qanun programmilarni toluq emilileştürmey, Şerqiy Türkistandiki mustemlike milletlerning musteqilliq dawaliriğa sel qarap, kommunist Xitaylarning dölet téroristtik siyasiti we kala harwisida toşqan tutidiğan kazzapliğiğa yéşil çiraq yéqip kari bolmisa u yerde insan heqliri depsende bolidiğan téximu zor aqiwetler sadir bolup, ottura Asia hetta dunya téniçliğiğa paydisiz amillar körilişi mümkin. Çünki u yerdiki aziraqla aq-qarini periq ételeydiğan Uygur ğororining depsende bolişini xalimaydu. Eslidinla özlirige mensup bolğan hoqoqlirini yoqitip qoyuşqa unimaydu. Eng yaxşisi Şerqiy Türkistanğa insan heqlirini qoğdaş we küzitiş organlirini qurişi kérek. Yer şaridiki eng axirqi mustemlikiçi qizil Zhongguo bilen bille yaşaşni xalaş xalimasliqni yerlik xelqning erkin tallişiğa qoyuş kérek. (Çünki qizil Zhongguo bilen bir iriqtiki Taiwan çeğida bu yolni tallidi. Biz telep qilsaq eqilge teximu muwapiq).
Axirida pütün dunyadiki wijdani yoqalmiğan, hör musteqil yaşaş üçün pikir qilalaydiğan, tomurliridiki uluğ ejdadining qenini yoqatmiğan Uygurlarğa wakalaten şuni jakalaymizki: dunyadiki heqiqi téroristlar gurohi bolğan Zhongguo kommunistlirining, biz Uygurlarning tewrenmes musteqilliq teşkilatliri we erkinlik jengçilirini birinji türküm térorist teşkilatlar we téroristlar dep élan qilip bizni dunyada yitim qaldurup yüksek ğayimizdin waz keçtürmekni oylişi xamxiyaldur!!!, bizning birdin-bir çiqiş yolimiz erkinlikke intiliştur!!! ıkkinçi türküm bolup élan qilinişqa biz teyyar, üçünçi türkim bolup elan qilinişqa oğullirimiz teyyar!!! bu menggü tügimeydu…..

Aptori: Alimjan, 2004-yili 6-yanwar, Germaniye.