Aqsu Şehride Diniy Zatlar Qolğa Élindi

     Öz xewirimiz. Aqsu şehrige qaraşliq Ayköl bazarliq hökümetning 1-kentide olturuşluq Bilal Qarihaji we başqa kentlerdiki Mehsum haji qatarliq 8 neper diniy zatni buyil 10-ayning 26-küni ''mektep yéşiğa toşup mektepke kirmigen,mektepte oquwétip ruhsetsiz mekteptin qalğan 40 tin artuq balilarğa Qur'ani kerim, hedis, heptiyek qatarliq kitaplarni üğetken, Islamiy bilimlerni üğetken'' digen töhmet bilen qolğa alğan.
Hazirğiçe Mehsum Qari qatarliq 6 neper diniy zatning her biridin 25 ming yuan (3000 dollarğa teng) din 3000 yuan (350dollarğa teng) giçe jerimane alğan we tutqun qilğan bir qisim diniy zatlarni qoyuwetken. Bilal Qarihaji we oğlini téhiğiçe qoyup bermigen.
Qanun orunlirining éytişiçe Bilal Qarihaji we oğlini 3 yilliq muddetlik qamaq jazasiğa höküm qilişi mumkin iken.
Bu işlardin hewer tapqan Aqsu şeherlik ma'arip idarisi we Ayköl bazarliq hökümet emeldarliri birlişip oquş yéşiğa toşup mektepke barmiğan, oquwétip mekteptin qalğan balilarning ata-aniliriğa 9 yilliq mejburi ma'arip siyasitini teşwiq qilip, balilirini mejburi oqutuş toğrisida wediname yazdurup aldin 5000 yuan-- 2000 yuan qimmitidiki ulağlirini mejburi renige éliwalğan. Undin başqa Ayköl bazarliq hökümet tewelikidiki oqutquçilarni herbir mehellige mes'ul qilip, ularni oquğuçilarning keçiliri diniy bilimlerni ügünişining aldini élişqa kapaletlik qiliş üçün oquğuçilarning öyliride nazaretçilik qilip yetişqa buyruq qilğan.
Iwertilgen oqutquçilar ta hazirğiçe oquğuçilarning öyliride yatidiken.
Xitay hökümiti wetinimizde heqiqetenmu heddidin aşti, xelqimizning üstidin yürgüziwatqan qatmu-qat zulumliri yétmigendek, bu birneççe yildin béri yezilirimizda eksiyetçi hökümetning kadirliri xelqimizning öyliride yétip xelqimizning kéçilik hayatinimu nazaret qilmaqta.
Dunyada bundaq çékidin aşqan exlaqsizliq, nomussizliq we rezillik bolmisa kerek.
Şerqiy Türkistan İnformatsiom Merkizi
2003-yil 19-Dekabir