|
Tewekkul Hajim
Qelbimizde Menggü Hayat!
Aptori: Qurbanjan
Tewekkul Hajimning Qisqiçe Terjimehali
Tewekkul Abdurehim 1944 – yili 1-ayda Şerqiy Türkistanning Qeşqer şeher
Qoğan yézisi Titirbağ mehelliside bay ayliside dunyağa kelgen.
Tewekkul hajim tot bir tuqqan bolup bir qiz üç oğul qérindaştin terkip
tapqan. Tewekkul Hajim balining ikkinçisi bolup, dadisining ismi
Abdurahimjan Abdullah, Anisining ismi Qelemhan Abdurahman.
Merhumning dadisi Abdurahimjan 1948 - yili hej qiliş arzusi bilen Saudi
Erebistanğa seperqilğan, aşu waqitta Tewekkul hajim 4 yaşqa kirgen.
Dadisi hej pa'aliytini ahirlaşturup ana wetenge qaytiş aldida Gomindang
Gungchendangğa teslim bolup ana yurtimiz Qizil armiye işğaliğa kirgen, şu
munasiwet bilen çégra étilip qalğanliqtin dadisi Saudi Erebistanda turup
qalğan.
Yuqarqi sewep tüpeylidin Tewekkul Hajim we qérindaşliri anisi bilen Qeşqerde
tağisining atadarçiliqida çong bolğan.
Waqitning ötişi bilen tağisining himayisi astida yitişip başlanğuç mektepte
oquğan.
1959- yili Xitayda jümlidin ana wetinimizde Mao'ning biwasta yetekçilikidi
“polat tawlaş” dolqinida téhi emdila 15 yaşqa kirgen Tewekkul Hajimmu “polat
tawlaş” dolqinidin qurtulalmay özining yézisidin Qazriq yézisiğa sürgün
qilinip Xitay zalimlirining siyasi we ijtima'i türlük zulumliriğa duçar
bolğan.
Tewekkul Hajım 1967-yili toy qilip, birinçi ayalidin bir qiz perzenti bolğan.
Teqdir ilahi birinçi ayalidin ajrişip kitip 1973 - yili hazirqi ayali bilen
toy qilip bu ayalidinmu bir qiz perzent körgen.
1981- yili dadisining çaqirqiğa asasen birinçi ayaldin bolğan qizini élip
Türkiyege çiqqan. Türkiyede 4 yil turup Türk nopusiğa irişkendin kéyin 1985-
yili Saudi Erebistanğa bérip 36 yil körüşmigen dadisi Abdurahim Hajim bilen
didar körüşken.
Tewekkul Hajım Saudiğa kelgendin kéyin dadisi bilen birlikte Erebistanning
Jidde şehride “Bediwi baziri” dep atilidiğan dangliq qedimi bazarda ayağ
dukini éçip dadising hizmitide bolğan.
Tewwekkul hajim dadisi bilen körüşüp ikki yil bolmastinla 1987- yili dadisi
Abdurahman Hajim wapat bolup, dukan şupéti Tewekkul Hajimğa qalğan.
Tewekkul Hajim dadisi açqan dukanni teweruk qilip héçqandaq özgertmey şupeti
éçiwergen.
2003 –yili 2 - ayning 10 - küni yeni Qurban héytning birinçi küni tuyuqsiz
mingisige qançüp dohturhanida 28 kün dawalanğan bolsimu dawalaş önüm bermey
3-ayning 9 - küni seher saet 05:00 te 59 yéşida alemdin ötti.
Merhumning jenaze namizi öyning yénidiki mescidde çüşürüldi.
Jenaza namiziğa Erebistanning Jidde, Mekke, Tayip şeherliride turuşluq
hemşeriler qatnaşdi.
Merhumning janazisi Jidde şeherdiki “Esed” mazarliqiğa qoyuldi.
Merhum Tewekkul Hajimning Iş – Izliri Şerqiy Türkistan Xelqining
Qelbide Menggü Hayat!
• Şerqiy Türkistanda Xitay zulmini köp tartip çiqqan otluq yürek Tewekkul
Hajim ana wetendin hej we omre hejge kelgenlerning semimi hizmetçisi idi.
Wetendin kelgenlerni körse hal ehwal sorapla qalmastin musapirlarni öyige
apirip qondurup künlerçe xizmitini qilip yolğa salatti.
• Merhumning Jidde şehri “Babi Mekki”diki dukini hemşerilirimiz üçün bir
axbarat merkizi idi. Merhum ana wetende we çet'elde yüz bergen hewer
uçurlarni bilgen haman tézdin başqilarğa yetküzetti. Sirtin kelgen
gézit-jornal we her türlük teşwiqatlarni del wahtida hemşerilerge yetküzüp
ularni teşwiqat matiriyalliri bilen teminleytti.
• Merhum aktip ijtima'i pa'aliyetçanliqi bilen Erebistanda turiwatqan Şerqiy
Türkistanliqlar içide tepilmas bir ijtimai pa'aliyetçi idi. U Erebistandiki
hemşeriler içide toy – tokün, ölem- yitim işlirida aktip hizmetliri bilen
tonulğan. U çet'elde wetendiki uruq tuqqanliri bilen alaqilişalmay bir
biridin arilip yaşawatqan hemşeherlerning alqiçisi idi. Köpünçe sawatsiz
hemşerilerning köpligen hizmitide bolğan.
• Merhum özi kiçik péil, addi sadda, özining Uygur örüp – aditini taşlimiğan
çaqçaqçi, dukanda bolsun, başqa merikilerde bolsun béşidin çimen doppisini
ayrimaydiğan milliy hisiyati küçlük yaxşi xisletlik alijanab bir kişi idi.
Janabi Aallah Merhumning Yatqan Yerini Jennette Qilğay ! Amin !!!!!!!!!!!! .
. . . .
2003 – yili 8 – ayning 25 – küni
Saudi Erebistan Jidde
|
