Iraq Mesilisi Heqqide Çüşençem

Ötuken

Insan ijdimai bir barliq; yeni insanlar ozara munasivet qilişip turup mevjutluqini qoğdiğuçi ve bext -saadetke erişkuçi barliq; şuning üçünla yer şari insanlarning çong bir ailisi diyilidu ve muşuning üçün Afriqida açliqtin olgen bir insanning aldida Ottura şerqtiki bir bayning mesuliyiti bar, ottura şerqte oqta olgen bir insanning olumi aldida yavropada meyhanida keyip surup olturğan ademnin javapkarliqi bar; mundaq bir mes'uliyetning yoq boluşining birla şerti bar, u bolsimu bu çong ailide bir ezaliq hoquqi bolmiğan- BDTğa bayriqi esilmiğan, dunya xeritisige ismi yezilmiğan yeni musteqil doliti bolmiğan milletning ezaliri üçün; mesilige mana muşundaq insanperverlik nuqtisidin qariğinimizda dunya bizge qerzdar; biz dunyağa qerzdar emes; çünki, ikki qétim qan keçip jeng qilip musteqilliqimizni elan qilğinimizda, aldinqisida Afğanisatndin başqa dolet bayanatimizğa qulaq salmidi; keyinkiside çong doletlerning menpeet toqunişiğa qurban boldi, bügün bayriqimizni qolimizğa éliş üçün bésivatqan qedemlirimiz tosalğuğa uçravatidu. 11-sintebir veqesi yüz bergende " Bir bextsiz ikkinji bir bextsizni bextlik qilalmaydu" diyiş arqiliq mezkur pajie heqqide alla-tova selip ketişlerge qarşi turdum, bügün Iraq üçünmu oxşaş gepni qilimen; çünki bizning hisdaşliqimiz , iradimiz hiçkimning derdige dava bolalmaydu; dunyaning herqandaq yeridiki bir insanning bu mesililerdiki hisdaşliqi helqara mesililerning bir terep qilinişida bir tesir elminti bolalaydu; çünki ularning qolida saylam beliti bar; ular oz hökümetlirini mana muşu mesililerde tutqan toğra-xata positsiyissige qarap turup saylam mezgilliride jazaliyalaydu yaki mukapatliyalaydu; biz(Uygurlar) qolimizda saylam biliti bolmiğan bir milletmiz ;şunga xelqara mesililerge pozitsiye tutqanda mesililerning heq-nahiqini ayriş tirişçanliqida boluşimizning hajiti yoq,ehmiyitimu yoq;bizning oylaydiğinimiz ,bu mesile bizge paydiliqmu yaki ziyanliqmu degendin ibaret boluşi kérekki buningdin başqa tallaş yolimiz yoq; eger tallişimizda heqiqetning terepdari bolmasliqtek bir xataliq korulup qalsa buning sevebi bizning heqiqietni soymigenligimiz, insaniyetni soymigenligimizdin emes ;insaniyetning bizni soymigenligidin kelip çiqqan aqivet bolidu. Mesilige Islamiy nuqtidin qarisaq, Islam, qevmu-qerindaşliri qiyin ehvalda bolğan kişining zakitini qobul qilmaydu; buningdin qariğanda Islamiy siyasetmu mezlum bir musulman xelqning başqa bir musulman xelqqe meyli maddiy meyli meniviy yardimini berelmesligini eyipke buyrimisa kérek.
Mesilini payda ziyan nuqtisidin bir kuzutup baqayli:
1. Iraq uruşi Xitay xalimayvatqan bir uruş; çünki Iraq nefitining asasliq menpeetdarliridin biri Xitay; bu uruş Xitayning iqtisadiy menpeetige urulğan bir zerbe ; Xitayning iqtisadiy jehettin gullinişi gerçe Xitayning barmaqliri arisidin eqip çuşidiğan nimetni az-tola ulğaytip xelqimizge az-tola paydisi bolidiğandek korunsimu emeliyette xelqimizning beşiğa tenglinivatqan quralni zamanivilaşturup tehdidni kuçeytidu; dunyada xitayning dostni kopeytip bizni yetim qalduridu;
2. Dunyaning herqandaq yeride bir milletning musteqilliqqe erişişi bizning mesilimizge novetni yeqinlaşturuş ve xelqimizni umitlenduruş netijisini berginidek; bir diktatorning yiqilişimu , dunyadiki başqa diktatorlarning yiqilişiğa novetni yeqinlaşturidu; istiqbalidin endişige salidu; bu nuqtidin eytqandimu biz üçün paydiliq bir uruş; uning ustige Buş'ning bayanatida diyilgen " BDT'ning 2-dunya uruşi axirlaşqandin keyinki ğayisi Diktatorlarğa qarşi turuş" degen sozlermu Xitayğa qarşi angliq yaki angsiz haldiki bir agahlanduruş.
3. Iraq uruşida BDT'ning rolining çetke qeqilişi bizni endişige salidiğan bir hadise emes; sevep BDT bügünki qurulmisi bilen Uygur mesilisige hel qilğuç çare elip kelişi ihtimalidin putunley uzaq; çünki BDT'ning asasliq orgini bolğan bixeterlik kengişining bir ezas Xitay, yene bir ezasi Rosiye bolsa uning asiyadiki stiragik ittipaqçisi; her ikkisi ret qiliş hoquqiğa ige; dimek davayimizda umitni BDTğa bağlaş demek umitni Xitayğa bağlaş bilen oxşaş; şunga BDTning rolining ajizlişişi belkim dunyani BDT'ning qurulmisini qayta tengşehske elip berişi mumkin; bumu biz üçün paydiliq bir ihtimalliq.
4. Amerika Xitayning dunyadiki birdin-bir kuçluk reqibi; Amerikining ğalibiyiti, Xitayning siyasiy heyvisining bir qétim yerge uruluşi démektur; düşminimizning heyvisining sunuşi biz üçün hem meniviy hem siyasiy jehettin utuq.
5. Xelqimiz musulman,zerbige uçrap qeliş ihtimali bolğan Iraq xelqimu musulman; xelqimiz xelqara mesililerni stiratigik menpeet közi bilen emes ap-aq köngli ve sap hissiyati bilen közitidu; şunga RFA muxbiri Umitvar'ning tekitliginidek Xitay hökümiti, bu pursettin paydilinip, xelqimizde emdila şekillinişke başliğan Amerika qizğinliqini sovutuşi mumkin; buning Amerika üçün bir payda ziyini yoq; emma Amerika başçiliğidiki ğerp bilen munasivet qilivatqan Uygur teşkilatliriğa xelqimizning gumaniy nezer bilen qarap qeliş ihtimalliqi bar; şunga milliy teşviqatimiz Saddam bilen Islamning çigrasining ayrimliqidek realliqni çüşendürüşi kérek. Bügün Islam bayriqini köturivalğan Saddamning çoqunidiğini Islam ideologiyisi emes, Baas ideologiyisi; bu ideoligiyening ğayisi Islam dunyasini küçlendürüş emes; çong erep milletçiligi; uning qarşi turuş obyikti ğerp bilen bille Turk, Paris, Kurt qatarliq musulman milletler . Saddam özini Islam mediyitining varisi dep qarimaydu, belki qedimqi Sumer ve Ur mediniyitining varisi dep qaraydu; uning oz oğliğa qoyğan ikki isim( Uday ve Kuzay) Ereplerning jahiliye devridiki(Islamni qobul qiliştin burunqi) ikki çong butperest qebilining ismi; démek Baas ideologiysi Islam bilen zit bir ideologiye; şunga bu nuqtidin qariğanda Saddamğa qarşi herket Islamğa qarşi herket emes.
Iraq uruşidin kelidiğan payda ziyan bizge bivaste emes vastilik; şunga Iraq uruşi mesiliside biz hararetlik uruş terepdarimu ,uruşqa qarşi terepmu bolalmaymiz; peqet uruşning aqivitidin şekillinidiğan vaziyetni(payda-ziyanni) küzetküçi terep.
Yene bir untumasliğimiz kérek bolğan nuqta, dunayaning herqandaq yeride yuz berivatqan yaki yuz beridiğan qan tokuluş pajiesi bizning pajiemizdek éçinişliq emes; çünki bizde qan tokuluş emes, qan yiriğğa ayliniş; jan çiqiş emes jan çiqalmsaliqtek éçinişliq pajie mevjut.