Şerqiy Türkistan Mujahiti Merhum Eysa Yusup Aliptekin Wapatining Yette Yilliqi Munasiwiti Bilen Türkiye Jumhuryitining Paytexti Enqerdediki Xojatepe Jameside Xetme-Qur'an du'asi Qilindi

Şerqiy Türkistan informatsion merkizining Enqerede turuşluq muxbiri Bir Tekin xewiri:

Türkiyediki Şerqiy Türkistan medeniyet we hemkarliq jem'iyitining orunlaşturuşi bilen 2002-Yili 12-ayning 20-küni (Jüme) Türkiye Jumhuryitining paytexti Enqerediki Xojatepe Jameside Merhum Eysa Yusup Aliptekin wapatining yette yilliqi munasiwiti bilen xetme-Qur'an qiliş pa'aliyiti ötküzüldi. Enqerediki Şerqiy Türkistan medeniyet we hemkarliq
jem'iyiti bu paaliyetni etrapliq orunlaşturup, Şerqiy Türkistan musteqilliq dawasiğa köngül bolup kéliwatqan munasiwetlik dölet rehberliri, teşkilatlar, Türk qérindaşlar e we Şerqiy Türkistanliq Uygurlarğa xewer qilğan idi.

12- ayning 20-küni Jüme namiziğa Türkiyening hakimiyet üstidiki Adalet we Tereqqiyat Partiyisi (AKP)ning re'isi Rejep Tayyip Erduğan janapliri, Toğra Yol Partiyisi(DYP) ning re'isi Mehmet Ağar janapliri qatarliq dölet rehberliri Jüme namizi oqudi.
Tayip Erduğan janapliri we Mehmet Ağar janapliri Şerqiy Türkistan Medeniyet we hemkarliq jem'iyiti Enqere şöhbisining re'isi Xeyrulla efendi bilen körüşti we Amerikining Erkin Asiya Radiosi(RFA)ning Enqerede turuşluq muhbiri Erkin Tarimning ziyaritini qobul qildi we Şerqiy Türkistan heqqide soriğan so'aliğa jawap berdi. Erkin Tarimning Merhum Eysa Yusup Aliptekin heqqide soriğan so'aliğa jawaben Rejep Tayyip Erduğan janapliri mundaq didi: "Merhum Eysa Yusup Aliptekin bizning ledirimiz".
Undin başqa Şerqiy Türkistanning musteqilliqiğa köngül bölidiğan hökümet erbapliri, ma'arip, medeniyet we diniy sahediki Türk qérindaşlar Erkin Tarimning ziyaritini qobul qilip Şerqiy Türkistandiki Uygur qérindaşlarning baldurraq Xitay zulmidin qutulup, musteqil boluşini arzu qilidiğanliqini, Uygurlarning xitay kommunist hakimiyiti teripidin depsende qiliniwatqan kişilik hoquqining baldurraq kapaletke ige boluşini arzu qilidiğanliqi, Şerqiy Türkistanliq Uygur qérindaşliriğa qolidin kélişiçe yardem qilidiğanliqini bildürdi. Patiye liderliri Merhum Eysa Yusup Aliptekin ependige yuquri baha berdi, eslidi we du'a qildi.
Xojatepe jamisige Jüme namizi oquğili kelgen jama'etke Enqerediki Şerqiy Türkistan medeniyet we hemkarliq jem'iyiti teyyarliğan teşwiq waraqliri tarqitildi.
Jüme namizidin kéyin, yeni Istanbul waxti saet 14:00 tin başlap Xojatepe jamiside xetme Qur'an qiliş pa'aliyiti ötküzildi.

2002-Yili 12-Ayning 20-Küni