Milliy Qurultay Dayimi Komutétining Qarari

     3 - nöwetlik Şerqiy Türkistan ( Uyguristan ) Milliy qurultiyining yéqinda Germaniyening München şehride çaqirilğan tunji nöwetlik dayimi komititida,qurultayning rehberlik hey'itini toluqlap saylaş heqqide towendikiçe qararlar elindi:
1. Qurultay dayimi komutét ezaliri, qurultayning sabiq baş katibi Esqerjanning baş katipliqtin istipa bériş heqqide sunğan iltimasini birdek awazda testiqlidi;
2. Milliy qurultayning sabiq muawin baş katibi Enwer Tohti teşkili sewepler tüpeylidin muawin baş katipliqtin qalduruldi;
3 .qurultay dayimi komutét ezalirining demokratik usolda namzat korsutişi arqiliq, Omer Qanat ependi Milliy qurultayning baş katipliqiğa, Qurultay teşwiqat bolumining mudiri Perhat Muhemmidi muawin baş katipliqqa we qurultayning dayimi komutét ezaliqiğa saylap çiqildi;
4. qurultayning bayanatçisi Dilxat Rexit we yaşlar komutétining mudiri umit Agahilarlarni dayimi komutétqa toluqlap saylaş heqqidiki tekliplermu dayimi komutét ezalirining birdek maqulliqidin otti.
Münchenda çaqirilğan buqétimqi dayimi komutét yiğinida, herqaysi ellerdin kelgen dayimi komutét ezaliri, qurultay merkizi orginining Milliy qurultay bilen Dunya Uygur yaşliri qurultiyini birleşturuş heqqide deslepte alğan qararini qollap - quwetleydiğanliqlirini izhar qilişti.
Yiğinda, küntertipke asasen, qurultay reyisi Enwerjan we merkezdiki rehberler, 3 - nöwetlik milliy qurultay çaqirilğandin buyan élip bérilğan hizmetler we buningdin kéyinki hizmet purogirammiliri heqqide dayimi komutét ezaliriğa tepsili doklat berdi.
Dayimi komutét ezaliri, qurultay rehberlirining bir yildin buyan élip barğan hizmetlirini toluq mueyyenleşturuş bilen birge, buningdin kéyin yolğa qoyulidiğan usol, taktika we yetekçi idiye heqqide qimmetlik teklip - pikirlerni bérişti.
Milliy qurultayning Yéngidin saylap çiqilğan baş katibi Ömer Qanat ependi milliy küreş sépimizdiki mohim şehislerning biri bolup, u, ötmüşte ilgiri - kéyin bolup tunji nöwetlik milliy qurultay ijra'iye komutétining ezasi, Tibet, Şerqiy Türkistan, Içki Mongğulistan xelqliri birleşme ittipaqi ijra'iye komutétining ezasi, Yawropa Şerqiy turkistan birliki teşkilatining baş katibi, muawin reyisi we reisi, birinçi we ikkinçi nöwetlik Dunya Uygur yaşliri qurultiyining reyisi ... qatarliq wezipilerni ötigen.
Ömer Qanat ependi Dunya weziyiti we Şerqiy Türkistanning ehwalini heqqide sestimiliq melumatqa ige bolupla qalmastin, belki Engilizçe, Germançe, Parisçe we Türkçe tillarni mukemmel derijide bilidu.