Şerqiy Turkistan (Uyguristan) Milliy Qurultiyi Bilen Dunya Uygur Yaşliri Qurultiyi Daimi Komitetliri Kéngeytilgen Birleşme Yiğinining Bayanati

     2002 – yili 11 – ayning 8-9-10-künliri Germaniyining München şehride çaqirilğan Şerqiy Türkistan (Uyguristan) Milliy Qurultiyi bilen Dunya Uygur Yaşliri Qurultiyi Daimi komitetliri kingeytilgen birleşme yiğini toluq muweppiqiyet bilen axirlaşti. Weten sirtidiki milliy dewayimizğa wekillik qiliwatqan bu ikki yitekçi organ üç künlik jiddiy muzakire we etrapliq muhakimilerdin kéyin, 11-sintebir weqesidin kéyinki xeliq`ara weziyetning teqezzasi, milletning arzusi, dewayimizning ihtiyaji, kürişimizning istiqpalini nezerde tutup, muhajirettiki Şerqiy Türkistan milliy azatliq herikitige toluq wekillik qilidiğan eng ali merkizi apparatni wujudqa çiqiriş heqqide qarar aldi hemde mezkur qararning rohiğa binaen, Erkin Aliptekin ependi yitekçilikide birleşme qurultay teyyarliq komiteti quruldi. Birleşme qurultay teyyarliq komiteti bu munasiwet bilen töwendikiçe bayanat élan qilidu:

     Birleşme qurultay tayyarliq komiteti, Şerqiy Türkistan (Uyguristan) Milliy Qurultiyi bilen Dunya Uygur Yaşliri Qurultiyi Daimi komitetliri kingeytilgen birleşme yiğinining qarariğa binaen, ikki Qurultayning resmi birlişidiğanliqining toluq asasi şekillengenlikini testiqlaydu we daimi komiteti ezalirining birdek awazda qollişi bilen wujudqa çiqqanliqini tekitleydu hemde bu qararning 2003 – yili çaqirilidiğan birleşme qurultay wekillirining testiqi bilen küçke ige bolidiğanliqini jakalaydu.

     Birleşme qurultay tayyarliq komiteti, Ikki qurultay daimi komitetlirining etirapi hemde birleşme qurultay wekillirining testiqi bilen wujudqa çiqqisu Şerqiy Türkistan Uygur Qurultiyining, weten sirtidiki milliy mujadilimizge wekillik qilğuçi birdin - bir toluq hoquqluq yitekçi organ bolişini alğa süridu we nişan qilidu.

     Birleşme qurultay tayyarliq komitétining, yéngi teşkili birlikning programma, nezamname we başqa barliq mesililer heqqide dewayimiz ihtiyajiğa uyğun rewişte qarar çiqirişqa toluq hoquqluq ikenlikini ikki terep daimi komitetining birdek rewişte testiqliğanliqi tekitlinidu.

     Birleşme qurultay tayyarliq komiteti, her qaysi döletlerdin birleşme qurultayğa iştirak etküçi millet wekillirining, demukratik saylam arqiliq belgilinişini tekitleydu.

Hörmet we éhtiram bilen:

Erkin Alptekin ( Teyyarliq Komitetiti Reisi )

Enwerjan ( Şerqi Turkistan(Uyguristan) Milli Qurultiyi Reisi )

Memet Tohti ( Dunya Uygur Yaşliri Qurultiyi Reisi )

2002-yili 11-Ayning 11-Küni. Germaniye

2002 yili 11 - ayning 15 - küni