Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Azatliq Armiye Musheqqet Bilen 3 ge Hujum Qilish, 3 tin Mudapien Körüsh Meshiqini Qilip, Amerika Jeng Uçaqlirini Tesewwurdiki Düshmen Qildi

Zhongguo azatliq armiyesining Amerikini tesewuridiki düshmen qilip tallishi, bu ashkarlanghan mexpiyetliktur. „Azatliq armiye resimlik jornili“ning eng yéngi neshri oçuqla buni ashlarlighan yeni bir yéngi teqqiq qilinip çiqqan qoralning xewirini bergende, bu qoral üçün hujum nishani—Amerikining „jeng paltisi“ namliq okyan çarlughuçi bashqurilidighan bombisi we „F22 hiyali kölengge“ namliq jeng uçighi bolghan. Hongkong „Quyash geziti“
xewer qilip mundaq deydu: „Azatliq armiye resimlik jornili“ merkizi herbi ishlar komititigha qaraydighan jornal bolup, resim bilen xewerni birleshtürüp armiyediki eng yéngi tetqiq qilinghan qorallarni tonushturatti. Bu jornalning maydiki neshride, „ixtisasliqlarni yétishtürüsh qurulishini çing tutup, téhnikiliq yéngiliq yaritishni ilgiri süreyli“ digen temida maqale élan qilinip azatliq armiye bash ishtab 60- tetqiqat ornining yéngi netijisi tonushturilghan idi. Maqalida asasen bu orunning nurghun yéngi keshpiyat we tetqiqat netijilirige erishkenligini, nurghun kesp ehlilirini yétishtürgenligini we bu arqiliq bu orunning pütün armiyining meshiq esliheliri tetqiqat merkizige aylanghanlighi eytilghan. Maqalige nurghun resimler qisturup bérilgen bolup, bularning içidiki birside tetqiqat xadimliri bir xil hujum nishani bolidighan uçaq qurashturwatqan bolup, sirtqi qiyapiti Amerika hawa quwwetliridiki „F22 hiyali kölengge“ge nahayiti oxshaydiken. Yene bir parçe resimde bolsa yuquri sürette uçiwatqan hujum nishani bolidighan bashqurilidighan bombining resimi bolup sirtqi qiyapiti eynen Amerika armiyisining „jeng paltisi“ namliq okyan çarlughuçi bashqurilidighan bombisining qiyapiti iken. Peqetla arqa töwen terepte bir yardemçi ittirgüçi rakita artuq bolup qalghan. Quyrighimu biraz oxshimaydiken. Amerika dölet mudapie ministirligining ötken yili ijulda élan qilghan „Azatliq armiye herbi küçi“ doklatida körsitilishiçe: Beijing, Amerikini Taiwange qoralliq hujum qilishning eng çong tosalghusi dep hésaplighan. 1999-yildiki Yugislawiye urishidin keyin, azatliq armiye teximu japa musheqqetler bilen 3 ge hujum qilish, 3 tin mudapien körüsh meshqini élip barghan yeni, 1-bolup, hiyali kölengge namliq uçaqni urup çüshirish, 2-bolup, okyan çarlughuçi bashqurilidighan bombini urup çüshirish, 3-bolup, qoralliq tik uçarni urup çüshirish. 1- ejellik zerbige uçrashtin mudapiélinish, 2- eliktironluq kashilidin mudapie körüsh, 3- razwet, teqip qilinishtin mudapiélinish.
Amerika armiyisining„jeng paltisi“ namliq okyan çarlughuçi bashqurilidighan bombisi we „F22 hiyali kölengge“ namliq jeng uçighi- Zhongguo azatliq armiyesining mudapiélinidighan we hujum qilidighan asasliq nishani bolghan. F22 jeng uçiqi dunyadiki tunji ismi jismigha layiq heqiqi körinmes jeng uçiqi bolup, awazdin téz sürette uçup çarlash élip bérip, yer yüzidiki éghir hujumdin özini qaçuralaydu. „Jeng paltisi“ namliq okyan çarlughuçi bashqurilidighan bombisimu herqandaq hawa sharaitida awazdin téz süret bilen her xil wezipilerning höddisidin çiqalaydighan bomba bolup, quruqluqtin we jeng kémiliridin qoyup bérilidu, u 1991-yildiki birinji qetimliq iraq urushida özini körsetken idi. Öz waqtida Amerika armiyisi bu bombidin 228 dane atqan bolup, asasen hemmisi nishangha tegip, iraq armiyisini zor talapetke uçratqan. Hazir bu xil bomba tereqi qilip üçinçi ewlat yéngi modilliri barliqqa kélip teximu tereqi qildi. Washington Zhongguoning bu „3 ge hujum qilish, 3 tin mudapien körüsh“ hilisige nisbeten, Zhongguogha bolghan yuquri, yéngi téhnikilarni qamal qilishni teximu küçeytti. Amerika hökümiti ötken ayda Chehiye hökümitidin Zhongguogha „Vera“ markiliq radar systimisini setip bermeslikni telep qildi. Bu xil radar systimisi 500 km yiraqliqtiki jeng uçiqini séziwalaydiken hetta F117 nimu séziwalidiken. Bu radar Zhongguo üçün nahayiti muhimdur.

ETIC terjime-tehrir bölimidin Alimjan teyyarlighan. Chinesenewsnet.com din élindi. 2004-yili 17-may.

©UÇQUN-KIVILCIM - 03.01.2005 20:04  Hazirliğuçi: A. Qaraqaş