Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Barin Inqilawining 15 yilliqini Hatirleymiz

Bundin on besh yil burun yeni 1990- yılı Ramazan éyining 17 - küni Qeshqerning Aqtu nahiyisige tewe Berin yéziside Zeydun Yusup teripidin teshkillengen Sherqiy Türkistan Partiyining Barin söbisi, Barin we etraptiki Xitay kommunistlirining Sherqiy Türkistanda élip bériwatqan mustemlike siyasitige qarshi küchlerni toplap, Sherqiy Turkistanning hörlük we erkinligi üchün köreshke atlanghan idi. Emma Xitay hökümiti nechche onminglighan Sherqiy Türkistandiki muntizim Xitay eskerlirini, urush we tik uchar ayrupilanlarni isgqa sélip bu inqilapni qanliq basturdi. Mushu jeryanda qozghilanggha qatnashmighan sansiz bigunah ademlerni we hetta ayal, balilarnimu tutqun qilip türmilerge tashlidi. Sanliq melumatlargha asaslanghanda Xitay hökümiti qirghinchiliq we tutqun jeryanida Barin we Sherqiy Turkistanning herqaysi jaylirida 5000 artuq ademni öltürgen we 7000 artuq ademni tutqun qilip turmilerge tashlighan.

Barindiki tutqunlardin bir körinish.

Sherqiy Türkistan dawasining kündin-künge yéngi basquchqa qedem qoyuwatqan bügünki künde on besh yil burun özining issiq qenini Sherqiy Turkistanning azatliqiy, hörliki üchün beghishlighan shundaqla Xitay turmiliride egilmey-sunmay küresh qiliwatqan qehrimanlirimizni eslimey turalmaymiz.
Sherqiy Türkistan 1949-yılı Xitay Kommunistliri teripidin besiwelinghandin buyan Sherqiy Türkistan xelqi Xitay kommunistlirining Sherqiy Türkistandiki ishghaliyitige qarshi küreshni bir minutmu tohtatqini yoq. Sherqiy Türkistan xelqi özining erkinligi üchün taki bügünge qeder küresh qilip kelmekte. Shuning üchünmu Xitay kommunistliri „ Uyghurlar on yilda bir chong qozghilang, besh yilda bir topilang kötiridu“ dep étirap qilishqa mejbur bolmaqta.
Bu küresh nöwette bardghansiri dunyagha yüzlenmekte shundaqla dunya jamaetchiligining diqqitini kozghashqa bashlimaqta. Xitay dunyagha barghansiri yüzlinishi bilen bir tereptin Sherqiy Turkistan helqini basturushta ghaljirlashsa yene bir tereptin dunya jamaetchiligining besimigha uchrimaqta. Yéqinda Rabiye Qadir animizning Xitay kommunist hökümiti teripidin qoyup bérilishi we uning xelqara kechürüm teshkilati shundaqla helqaraliq teshkilatlarning uninggha bergen ordunliri Sherqiy Türkistan xelqining qarshi küresh miwisi hem dunya jamaetchiligining Xitay kommunist hökümitige bolghan bésimining barghansiri küchiyiwatqanlidin dérek bermekte. Bu Sherqiy Türkistan xelqining küresh iradisini téximu kücheytmekte.
Berin inqilabi we Ghulja weqesining rohi Sherqiy Türkistanliqlarning weten dawasini dunyagha yüzlendürüshke türtke bolmaqta.
Barin inqilabi meghlup bolghan bolsimu emma u Sherqiy Türkistan helqining Xitaygha qarshi küresh sehipisi achti. Barin inqilabining rohi menggü yashaydu.

Arkin Mohemmet

©UÇQUN-KIVILCIM - 02.04.2005 21:10  Hazirliğuçi: A. Qaraqaş