Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Australiye Sherqiy Türkistan Jemiyitining
5 -Qurultiyi Ghelibilik Ötküzüldi

Australiye Sherqiy Türkistan jemiyitining 5-qurultiyi　9-ayning 25 -, 26 - künliri jenubi Australiyening merkizi　Adelaide shehride ghelibilik ötküzüldi.

Australiye Sherqiy Türkistan jemiyiti 1992 - yili 4 - ayda qurulghandin kéyinki 12 yildin artuq waqit içide nurghunlighan murekkep, egri toqay yollarni beshidin keçürüp, tiriship xizmet qilip keldi we zor netijilerni qolgha keltürdi. Bu netijilerning qolgha kelishide Sherqiy Türkistan jemiyitini qurghan we reislik wezipisini ötigen çetellerde tonulghan peshqedem mujahit Ehmet Igemberdi özining pütkül küçi we zéhni quwwitini serp qildi. Jemiyet reisi Ehmet Igemberdi ependi Australiyediki Sherqiy Türkistanliq qerindashlarni bir yerge jem qilip, ularni ittipaqlashturup, türlük qiyinçiliqlarni yéngip, yaxshi netijilerni qolgha keltürdi.

Bu qétimqi qurultayni muweppeqoyetlik éçish üçün Ehmet Igemberdi ependi Sidneydin Adlaıde shehrige ariliqni yiraq körmey ikki qétim bérip, qurultayning muweppeqiyetlik eçilishigha kapaletlik qildi.

Sherqiy Türkistan jemiyitining 5 - qurultiyigha Australiyede yashawatqan 1200 neper Sherqiy Türkistanliqtin 60 neper wekil qatnashti we demokratik asasta Demiyan REhmet reis bashçilighidiki yéngi rehberlik kollektiwini saylap çiqti. Bu qétimqi qurultayning alahidiligi shu boldiki, yéngi rehberlik kollektiwige yash talantliq ziyalilar teyinlendi. Rehberlik kollektiwi içide magestirliq oquwatqan oqughuçilar, her sahide ishleydighan ishçi-xizmetçilermu bar.

Qurultayning 2-kün tertiwi boyiçe jemiyet reislikige teyinlen’gen Demiyan REhmet ependi 5-qurultay eçilishtin ilgiriki 3 ay içide ishlen’gen teyyarliq xizmetliri toghrisida wekillerge doklat beri. Qurultay jeryanida 14-sentebirde Washin’gitondiki Çapital Hillde qurulghan Sherqiy Türkistan sürgündiki hökümitining qurulghanliq xewiri wekillerni hayajan’gha saldi.

Demiyan ependi Amerikida qurulghan Sherqiy Türkistan hökümitining dunyaning her qaysi jayliridin kelgen 60 wekilning ishtirak qilishi bilen qurulghanliqi, Ehmet Igemberdining reis jumhurluqqa, Eniwer Yusupning bash ministirlikke, professor,doktor Sultan Mahmut Qeshqerlikning milliy meslis bashliqliqigha saylanghanliqini, bashqilarning hökümetning herqaysi ministirliklirige wezipige teyinlen’genlikini yetküzgende, wekiller çong ümitler bilen qizghin alqishlidi. Qurultaygha qatnashqan wekiller birdek sugundiki hökümetning qurulghanliqini qizghin tebriklidi we alqishlidi.

Australiye Sherqiy Türkistan jemiyitining 5-qurultiyigha ishtirak qilghan barliq wekiller birdek bu 14-sentebir Amerikida qurulghan Sherqiy Türkistan sergerdan hökümitining 1933-yili 12-noyabir we 1944-yili 12-noyabir künliri qurulghan musteqil Sherqiy Türkistan jumhuriyetlirining dawami ikenligini, bu hökümetning 55 yildin beri xelqimiz teshnaliq bilen kütken hökümet ikenligini tilgha élip, hökümetning barliq ishlirini jan-dili bilen qollaydighanliqlirini bildurushti.

1949-yili Sherqiy Türkistan jumhuriyiti Sitalin we Maözedong komunistlirining süyiqesti bilen xitaygha hediye qilin’ghandin bashlap Sherqiy Türkistan xelqi zulmetlik keçmishlerge mehkum qilindi. Sherqiy Türkistan jumhuriyitining dölet rehberliri Moskuwada shéhit qilindi, söyümlük milliy armiyemiz xitay tajawuzçiliri teripidin 1962-yiligha qeder bir-birlep ziyankeshlik bilen yoq qilindi. Jumhuriyetni jihad bilen qurghan mujahitlirimizning köp qismini xitay tajawuzçiliri her xil siyasi betnamlar bilen qetliam qildi.
Bir qisim mujahitlirimiz çetellerge qéçip kétishke ülgürdi.Çetellerge qéçip çiqqan Sherqiy Türkistanliqlar her xil namlarda siyasi teshkilat, partiye, ammiwi teshkilat, medeniyet teshkilatlirini qurup, xitay tajawuzçilirining qilmishlirini bügünki kün’ge qeder çetellerde pash qilip, weten dawasini dawamlashturup keldi.

Qara niyet, tajawuzçi xitay komunistliridin qutulup, Sherqiy Türkistanni azat qilish, teltöküs musteqilliqni qolgha keltürup Sherqiy Türkistan xelqining bext-saaditini qolgha keltürush üçün, xelqimizning insaniy izzet-ekramini, milliy medeniyitini, dinini, siyasi, iqtisadi menpeetlirini qoghdash üçün 55 yildin béri çetellerdiki teshkilatlar we wetenperwer shexsler eziz jenini, issiq qenini we mal-mülkini ayimay serp qildi.

Sherqiy Türkistan xelqi 55 yil içide “Shinjang Uyghur aptonom rayoni” dep atalghan saxta niqap astida, “qanun boyiçe” we “xitay kompartiyesining siyasiti boyiçe” 55 tümen qerindishimizni shéhit berdi. Sherqiy Türkistan sergerdan hökümitining xitayning eng küçluk düshmini bolghan Amerikida qurulushi, xitaylarni sarasimge salmay qoymaydu.



Milletler ittipaqlighining mahiyiti
—Sherqiy Türkistan xelqining arqisida qoralliq tajawuzçi xitaylar bolup, aldinqi qatargha Sherqiy Türkistanliqlarni olturghuzup ‘ittipaqlishish’ qa zorlighan körünüsh. Bu körünüshni teshwiq qilip dunya jamaitini aldashqa urun’ghan saxtapez xitay hökümiti

Xitay tajawuzçiliri wetimizdin 55 yil içide hesapsiz bayliqlarni bulap ketti, 55 tümen Sherqiy Türkistanliqni biwaste shéhit qildi, wetinimizning muhitini atom bombisi étip éghir derijide bulghidi, poyizda her küni tümenlep tajawuzçi ahalisini yötkep kélip, Sherqiy Türkistanning ziminlirini, sulirini, terilghu yerlirini, yaylaqlirini xitaylargha heqsiz bölüp berdi. Millitimizni xalighançe ezdi we zulum qildi. Emdilikte bizning til, yeziq, maarip, din, nikah, tughut ishlirimizgha ariliship, hemmini çekkep, peqet xitay tajawuzçi ahalisigila paydiliq bolghan siyasi, ijtimai, iqtisadi tüzülmini yürgüzmekte.

Sherqiy Türkistanliqlarning mutleq köp qismi musulmandur, Sherqiy Türkistanning nopusi xitaydin bashqa milletlerni öz xelqi dep hesaplaydu we barliq hoquq-menpeetlirini qoghdaydu. Xitay tajawuzçi hökümiti “suni léyitip béliq tutush” hilisi bilen, ikki gepning biri bolsila “Her millet xelqining tüp menpeetini qoghdash” digen aldamçiliq siyasitini otturigha çiqirip, peqet xitay tajawuzçi hökümiti we tajawuzçi ahalisining barliq menpeetlirini kapaletke igen qilish üçün zimin hazirlimaqta we bu arqiliq yéqin kelgüside Sherqiy Türkistanliqlarni irqiy qirghinçiliq, assimilatsiye we iqtisadiy talan-taraj arqiliq yer sharidin yoq qiliwetip, Sherqiy Türkistan ziminini xitaygha qoshuwelish, Sherqiy Türkistan’gha tamamen xitay nopusini seplesh süyiqestini jénining bériçe yürgüzmekte.

Biz düshmenning töziqigha çüshmeslikimiz, aldam xaltisigha çüshmeslikimiz, düshmen tarqatqan pitne pasatlargha pisent qilmay, toghra yolda méngip, Amerika we dunyadiki xitayning çong düshmenliri bilen hemkarliqni küçeytip,yéngidin qurulghan hökümitimizni qollap we uning etrapigha uyushup, wetinimizni bir kün bolsimu baldurraq musteqil qilish, xelqimizni zulumdin qutuldurush, xitay tajawuzçilirini wetinimizdin qoghlap çiqirishtek muqeddes tarixi burçimizni ada qilishimiz zörür.

Sherqiy Türkistan Informatsion Merkizi
Ertekin
2004-yili 10-ayning 6-küni

©UÇQUN-KIVILCIM - 27.08.2005 12:24  Hazirliğuçi: A. Qaraqaş