|
Bu yil ikkinçi ayda
dairiler Erkinlik obzori, Jenup baxari, Demokiratye we
Erkinlik munbiri, Oyğitiş meydani, Süzük yürek munbiri,
Heqiqi nam tor beti qatarliq tor betlirini piçetliwetti
şuning bilen birge torğa çiqqiçularningmu közliri
piçetlendi.
2-ayning 1-küni, Zhongguodiki 102 neper ziyali, adwukat,
ilmi xadim we oxşaşmiğan köz qaraştikiler birlişip (
dölet hakimyitini ağduruşqa qutratqiliq qiliş jinayitige
qanuni izahat bérişni telep qiliş çaqiriqnamisi) we imza
toplaş herkitini qozğap, memliketlik xelq qurultiyiğa we
ali sot mekkimisige jinayi işlar qanuning 105-pragrafi
2-maddisiğa bolğan gumani qarişini otturğa qoydi
şundaqla 3-ayda ötküzilidiğan ikki yiğinda bu xetni
yuqiriğa sunidiğanğa teyyarliq qilip, puxralar arisida
hoqoqini qoğdaş dolqinini qozğidi. Çaqiriqname élan
qilinğandin kéyin, derhal keng kölemlik ğulğule qozğaldi,
Zhongguodiki axbarat wastiliri hökümetning
konturolliğida, lékin internet axbarat wastiliri bolupmu
köpligen munazire tor betliri arqa-arqidin bularni élan
qilip, imza qoyuş herkitini başliwetti. Amerika New
York Time geziti bu xewerni baş istonda bérip tepsili
xewer qildi, çetellerdiki her xil yeziqta çiqidiğan
axbarat wastilirimu bu toğriliq xewerlerni berdi, qanun
xizmetçiliri, obzorçilar, jemiyetşunaslar hemmisining
diqqiti Zhongguo puqralirining bu hoqoq qoğdaş herkitide
boldi. Tosiwalğili bolmaydiğan bu hoqoqini qoğdaş
dolqiniğa dairiler qamal qiliş siyasitini qollandi, yeni
qap yüreklik bilen sözligen, Zhongguo kommunist
diktatorlirini tenqit qilip sökken tor betlirini bir
birlep taqiwetti. Bolupmu imza toplaş herkitini başliğan
Demokiratiye we erkinlik tor betini omumyüzlik qamal
qildi (bu 33-qétim qamal qilinişi). Şuning bilen bir
waqitta imza qoyuş tor bétinimu qamal qildi. Bezi
tüzilme içidiki bu çaqiriqnamini élan qilğan munazire
tor betlirimu derhal hökümetning agahlandurişiğa uçridi.
Beijing Universitining qalğaçzarliq obzori tor béti bu
çaqiriqnamini élan qilğanliği üçün 3 kün taqilip
tertipke sélindi. Bu çaqiriqnamini teyyarliğuçi, meşhur
oxşaşmiğan köz qaraştiki zat Dr. Liuşaobo qattiq
nazaretke uçridi. Uning öyining etrapi saqçi maşiniliri,
motorliri bilen toşup, uning her-bir herkiti qattiq
nazaret qilindi. Yéqindin buyan Liuning pozitsiyesi
motidil, yéngi hökümettin Umidwar bolsimu lékin dairiler
buningğa pisent qilmay, qilidiğinini qiliwerdi. Ikki
yiğinda(siyasi kengeş, xelq qurultiyi) bu çaqiriqname
bilen toplanğan imzani kim yuqirğa sunar? qariğanda Dr
Liu buni qilalmaydiğandek turidu, çünki u nezerbentte.
Zhongguo kommunistlirining yürigi nime digen kiçik, bir
parçe çaqiriqnamining sunilişidin muşunçilik jiddilişip
ketse, xuddi zor düşmenge uçriğandek, buningdin Zhongguo
kommunist hakimyitining neqeder ajizliğini köriwélişqa
bolidu. |
|
