Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2) Ottura Asiya Jumhuriyetlirining Démokratiyelishishidin Umid Yoq

Qirghizistanning yéngi asasi qanuni peyshenbe küni Qirqizistan parlamentining maqulliqidin ötüp resmi Qanunlashti.

Gerche Qirqizistan dayirliri yéngi asasi qanunning maqullanghanliqini < démokratiyelishish jehette besilghan zor qedem > dep jakalighan bolsimu, emma Yawropa elliri Qirghizistannimu öz ichige alghan ottura asiya jumhuriyetlirining Demokratiyelishishige bolghan ishenchilirini asta – asta yoqatmaqta.

Germaniyening tashqi ishlar ministiri Steigel Meir ötken peyshenbidin shembigiche ottura asiyadiki 5 jumhuriyetni ziyaret qilip qaytip kelgendin buyan, Germaniye metbu’atlirida Qazaqistan, Qirghizistan, Özbekistan, Tajikistan we Türkmenistan jumhuriyetlirining nöwettiki siyasi weziyetliri heqqide arqa – arqin maqalilar élan qilinmaqta.

Bu maqalilarda, nöwette bu rayonlarda derijidin tashqiri chong döwletlerning riqabitining kündin – künge küchüyüp bériwatqanliqi, gerche ottura asiyada Amérikining herbiy we iqtisadi tesiri közge körünerlik derijide ashqan bolsimu, emma Rusiye bilen Xitayningmu özlirining bu rayondiki tesirini zoraytishqa tiriship kéliwatqanliqi qéyt qilinghan, shundaqla yuqarqi 5 döwlettin Qirghizistanni hisapqa almighanda, qalghanlirining hemmisining déktarorlar teripidin mustebitlerche idere qiliniwatqanliqini, démokratiyelishish jehette ilgirlesh emes, eksiche barghansiri chekinish weziyiti shekillengenliki bayan qilinghan.

Yawropa metbu’atliri yene, Yawropa birlikining Özbekistangha qaritip kéliwatqan embargosini dawamlashturushi kérekligi we yawropa birlikining ottura asiyadiki tesirini ashurush üchün jiddi qedemler besilishi lazimliqi tekitlengen.

©UÇQUN-KIVILCIM - 10.11.2006 20:22  Hazirliğuçi: A. Qaraqaş