Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Mustebit Wang Le Quan Yene Sekritar Bolup Saylandi

<Tianshan tori > ning 10 – ayning 25 – küni xewer qilishiche, bu qétim Ürümchide chaqirilghan < aptonom rayonluq 6 – nöwetlik partiye qurultiyi > da, Wang Le Quan yene < aptonom rayonluq partikom > ning sekritarliqigha teyinlengen.

Sherqiy Türkistanning yéqinqi zaman tarixida yerlik xelq teripidin < qanxor jallat > dep atalghan we sesiq namliri dunyagha pur ketken birqanche militaris, mustebit we dektator bar, ular, Yuan Da Hua,Yang Zing Shing, Jing Shu Rin, Shing Shi Sai, Wang Zhen, Wang En Maolardin ibaret idi, bundin 11 yil burun ularning sepige hazirqi Wang Le Quan kélip qoshuldi, Wang Le Quanningmu qilmish – etmishliri burunqiliridin qélishmighini üchün, yerlik xelq uni Shing Shi Saige teqlit qilip, < Wang Shi Sai > dep atap kelmekte.

Wang Le Quan sepi özidin bir dashqal kommmunist bolup, 1944 – yili Xitayning Shan Dung ölkiside tughulghan, 66 – yili kompartiyege eza bolup kirgen, 90 – yillarning bashlirida Wang Le Quan Shan Dong ölkisining mu’awin ölke bashliqi bolup turuwatqan mezgilde, merkizi hökümet bu sadiq kommunistni < aptonom Rayonluq Xelq hökümiti > ning mu’awin reyisi qilip Sherqiy Türkistangha yötkep kelgen, 1995 – yili 12 – ayning 27 – küni Merkizi hökümet uni biraqla < aptonom rayonluq partikom > ning bash sekritarliqigha östürgen, shundin buyan u Sherqiy Türkistanda öz aldigha dewran sürüp kelmekte.

Wang Le Quan, kompartiyege bolghan sadaqetmanlikidin bashqa hech bir alahidiliki bolmighan beriketsiz, esheddi bir kommunist, u hakimiyet beshida turiwatqan 11 yil, Sherqiy Türkistanda milliy ziddiyet we toqunushlar eng küchlük bolghan, Xitay mustemlikichilirining yerlik xelqqe qaratqan besim we zulum siyasiti eng qattiq ijra qilinghan, buginah Uyghurlarning ziyankeshlikke uchrash ehwali eng éghir bolghan 11 yil boldi.

Ehwal shundaq iken, Xitay merkizi hökümiti uni téximu etiwalap ishletti, Xitay kommunistik partiyesining 16 – qurultiyida Wang Le Quanni Xitay kommunistik partiyesi siyasi birosining ezaliqigha östürüp, Sherqiy Türkistanda rehimsizlerche yürgüzgen qirghinchiliq siyasiti üchün uni mukapatlidi.

Bu qétimmu yene unu dawamliq halda Sherqiy Türkistanning Dektatorliqigha teyinligenliki, Xitay merkizi hökümitining Sherqiy Türkistangha qaratqan basturush siyasitini téximu ashuridighanliqidin we Uyghur xelqini téximu zor balayi – qazalarning kütüp turghanliqidin direk bermekte.

©UÇQUN-KIVILCIM - 25.10.2006 17:46  Hazirliğuçi: A. Qaraqaş