|
<
Germaniye Dolqunliri > ( Deutsche Welle ) Radiyosining
Xewirige asaslanghanda, Yeqinda, Yawropa Birlikige eza
döletlerning ichki ishlar Ministirliri Awustiriyening
Paytehti Weyenada toplunup, 3 – Dunya elliridin Yawropa
Birlikige eza döletlerge kélidighan siyasi musapirarni
qattiq konturol Qilish, shundaqla, qaysi dölettin
kelgenlerge qandaq siyaset qollunush kérekligi heqqide
ortaq pirinsip belgilep chiqish mesilisini muzakire
qilghan.
Yighinda yene, Yawropa birlikige kélip iltimas sunghan
siyasi musapirlarning panahliqini qobul qilghanda, shu
shehisning Dölitining Kishilik hoqoq weziyitini nezerde
tutush hemde Qaysi dölettin kelgenlerni qobul qilip,
Qaysi dölettin kelgenlerni Qobul qilmasliq heqqide ortaq
pikirge kélish mesilisimu otturigha qoyulghan bolup, bu
jehette Yawropa birlikige eza döletler otturisida melum
ixtilapning mewjut ikenliki, mesilen, Chechenistandin
kelgenlerni Awustiriye qatarliq bezi döletler qobul
qilghan bolsa, Germaniye qatarliq bezi döletlerning ret
qilip kéliwatqanliqi Misal süpitide tilgha élin'ghan.
Yighinda, Yawropa Birlikige eza herqaysi döletlerdiki
siyasi panahliq sotlirining, kishilik hoqoq weziyiti
éghir bolghan döletlerning we shu dölettiki bezi
milletlerning weziyiti heqqide bir – birini uchur bilen
teminlesh telep qilinghan.
Bu dimek shuki, mesilen, Uyghurlarning weziyiti heqqide
anche melumatqa ige bolmighan bir dölet, bir Uyghur
siyasi panahliq tiligüchining dilosigha duch kelgende,
Uyghurlar birqeder köp qobul qilinghan we Uyghurlar
heqqide belgilik melumatqa ige bashqa bir dölettin
melumat telep qilip alalaydu we shu döletning Uyghur
Musapirlargha tutqan pozitsiyesidin örnek süpitide
paydilinidu.
Yighinda yene, Kafkaz rayonidin kélish éhtimali bolghan
siyasi musapirar eqinini tosush üchün, Okrainiye,
Belerosiye, Moldawiye qatarliq döletlerde Yawropa
birliki namidin mexsus aldin yighiwélish merkezlirini
qurup chiqip, buyerde toplanghanlar ichidin siyasi
panahliq derijisige toshudighanlirini tallap yawropa
birlikige kirgüzüsh, qalghanlirini yardem bilen öz
döletlirige qayturushni pilan qilghan.
Uyghur siyasi panahliq tiligüchiler mesilisini élip
éytsaq, Hazir yawropa birlikige eza döletlerning Uyghur
musapiririgha tutqan meydanimu oxshash emes, bezi
döletlerning qobul qilishi téz hem köp, bezi
döletlerning bolsa asta bolmaqta, hetta bir qisim
döletlerde ret qilinish nisbiti yuqurilap barmaqta.
Nöwette Uyghur siyasi panahliq tiligüchilerning qobul
qilinishi téz hem köp boluwatqan döletler asasen Shimali
yawropa döletliri, yeni, Norwigiye, Shiwitsiye, Daniye,
Bilgiye, Eslandiye qatarliq döletler bolup, Eger Bu
döletlerni Bashqa döletler örnek alghan teqdirde, Uyghur
siyasi panahliq tiligüchiler üchün kelgüside tehimu
paydiliq we ewzel sharayit tughulidu.
Uydin bashqa yene bu qetimqi Weyana yighinida, siyasi
panahliq telibi ret qilinghanlarni biheter dep
qaralghan3 – bir döletke yolgha sélish we qaysi
döletlerning bixeter 3 – döletke tewe ikenlikini bekitip
chiqish mesilisimu mehsus muzakire qilinghan. .
|
|
