Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Sherqiy Türkistan Sürgündiki Hökümiti İstanbulda Söhbet Yighini Çaqirdi

     <Öz xewirimiz. 10-ayning 13-küni Istanbul waxti 17:00 din 20:30 ghiçe Sherqiy Türkistan sürgündiki hökümiti Istanbuldiki Sherqiy Türkistan koçmenler jemiyitide söhbet yighini ötküzdi.

Söhbet yighinigha Sherqiy Türkistan sürgündiki hökümitining Istanbulda olturushluq ezaliridin muawin reis jumhuri Abduwéli Jan, Mejlis bashliqi Pr.Dr.Sultan Mahmut, maliye ministiri Qublay Aydoghan, Sayahet ministiri, hökümet bayanatçisi Ismayil Jen’giz, sehiye ministiri Reshide Gunjer xanim qatarliqlar, Sherqiy Türkistan köçmenler jemiyitining rehberliri, Istanbuldiki Sherqiy Türkistan wexpining bash katipi Hamut Koktürk ependi Muhemmet Riza Bekin general we wexpige wakaliten, Istanbuldiki yurt aqsaqalliridin Muhemmet Salih hajim, Niyaz hajim qatarliq 20 kishi qatnashti.

Yighinda aldi bilen maliye ministiri Qublay Aydoghan ependi nowette Washin’gitonda ishliniwatqan xizmetler toghruluq tepsili doklat berdi, Sayahet ministiri, hökümet bayanatçisi Ismail Jen’giz ependi Türkiyede ishliniwatqan xizmetler, xelqara weziyet heqqide toxtaldi. Mejlis bashliqi Sultan Mahmut ependi 1992-yildin béri Sherqiy Türkistan teshkilatlirining qurulush, tereqqi qilish jeryani, ötken ayda Amerika paytexti Washin’gitonda hökümet qurush jeryani, hökümetning demokratik asasta qurulghanliqini, omumi weziyetni közde tutup namzat körsutush, awazgha qoyush qatarliq usullarning qollan’ghanliqini, bu qétim qurulghan qurulghan hökümetning tarixi ehmiyitini tekitlep ötti. Hökümet ezalirini qisqiçe tonushturup ötti we 1949-yil axirida Xitay komunistliri teripidin fashistik suyiqest we fashistik wastiler bilen Sherqiy Türkistan hökümitining yoq qilin’ghanliqi, 55 yildin keyin hökümetning Amerikida qurulghanliqi qatarliq tarixi weqelerni bayan qilip ötti.

Andin, muawin reis jumhur Abduwélijan, Muhemmet Salih hajim we bashqa yighin ishtirakçiliri nowet bilen söz qilip xelqara weziyet, hökümetke ait mesililer üstide keng tasha pikir almashturdi we mulahize élip bardi.

Yighinda keler ayda Amerikida éçilidighan hökümet parlamentining mejlisige qatnishidighan wekillerge teklipname ewetish ishlirining bashlan’ghanliqi, viza ishlirini keçikmey waxtida bejirishke bashlash kerekligini, qilishqa tegishlik xizmetler qatarliq ishlar orunlashturuldi we muzakire qilindi.

Muhemmet Salih hajim hökümetni putun kuçi bilen qollaydighanliqini, hemmeylenning qollishi zörürligini alahide tekitlidi, Sherqiy Türkistan wexpining bash katipi Hamut Koktürk ependi Muhemmet Rizabekin generalning xizmet bilen Enqerede bolghanliqi üçün, özining wakaliten kelgenlikini éyitti we hökümet ishlirigha yéqindin köngul bölidighanliqi, hökümetni qollaydighanliqini éyitti.

Yighin waxti esli pilandikidin uzun boldi. Keley aydiki Amerikidiki yighinning toluq muweppeqiyetlik bolushigha kapaletlik qilish üçün mushu hepte we aldimizdiki heptilerde ikki qétim yighin çaqirish, hökümet mejlisige hazirliq qilish ishliri omumiyüzlük orunlashturuldi.

Yighin dostane, semimi keypiyatta éçildi. Sherqiy Türkistan sürgündiki hökümitining barliq ishlirini muweppeqiyetlik élip bérish üçün hemmeylenning tirishçanliq körsitishi toghrisida seperwer qilindi.

Sherqiy Türkistan Informatsion Merkizi
Ertekin
2004-yili 10-ayning 13-küni

©UÇQUN-KIVILCIM - 14.10.2004 10:20  Hazirliğuçi: A. Qaraqaş