|
Apturi: Nazugum
(Allah ayallarğa çeksiz işengenligi üçün öz bendilirini
ayallarning qarnida yaratqqan iken. Emma insançiliqta
ayallarğa bendilerning işenmeywatqanliğini dawamliq
uçurtup turimiz. Boptu nime bolsa bolsun lékin, Uygur
ayalliri arisidin pahişe ayalning çiqmaydiğanliğiğa
işinişimiz kérek. Yene bir qétim tekrarlaymenki Uygur
ayalliridin hergiz pahişe çiqmaydu. Eger pahişe ayal bar
dep qaralsa u peqet Xitayning siyasi, ihtisadi, ijtimai
we ehlaqi jehetlerni qattiq qamal qiliwalğanliği
sewebidin Xitaylarning çirik ehlaq mikruplirini
yuqturwalğan, yuqumlanğan, zeherlengen, ziyankeşlikke
uçurğan ayallardur. Ularni qutuldurwilişimiz lazim.
Buning çarisi ayallarğa semimi söygü we çiqiş yoli
yartip bériştur. Hatiremdin)
1-SİGNAL
Gepni aldi bilen Ğulja şeherlik saqçi idarisining tam
xoşnisi bolğan atalmiş <<medinyet merkizi>>din başlaymen.
Bu orunğa Xitay hökümiti nahayiti çirayliq qilip
medinyet merkizi dep isim qoyğini bilen, mahiyette sipi
özidin ippet tijarethanisidur. atalmiş medinyet
merkizining sehnisidiki çongaytilğan ikranda qandaqtur
bir mezmundiki sin alğu lintisi qoyulup öy içi
qarangğulaşturulğandin kéyin, ippet tijariti başlinidu
bu orun Ğulja şehridiki eng rezil orunlarning biri bolup
bu orunğa kélip ippet tijariti élip bériwatqan
ayallarning köpinçisi Uygur ayalliridur. Ularning
çirayidin ganggiraş we umidsizlik alametliri bilinip
turidu. Undaqta bu ippet tijaritining bahasi qandaq? Bu
orunda ippet tijariti qilidiğan Uygur xotun qizlirining
bahasi 5 yiwen yaki 10 yiwen bolup, bu yérim dollar yaki
bir dollar digendin ibaret. Buningdin biz açliq we
yoqsuzluq şuningdek Xitayning türlük zulumliri derdide
héçqandaq çiqiş yoli tapalmiğan bézi Uygur xotun
qizlirining tuyuq yolğa kirip qalğanliğini
körüwalalaymiz. Xoş undaqta Ğulja şeherlik saqçi
idarisining, öz tam xoşnisining öyide boluwatqan şawqun
sürendin xewiri yoqmidu? Yaq undaq emes, Xitay saqçiliri
yerning astida küşewatqan ilanning Uygurğa tewe
ikenligini bileleydu. Xitaylar nöwette tarixta
ingilizlar indianlarning neslini püçekleştürüş we
naslini yoqutuş üçün qollanğan rezillikni qollunup bir
tereptin Şerqiy Türkistanda haraq şarapni erzan bahada
tökme qilip sétip erlirimizni
püçekleştürse, yene bir tereptin Xitay qanun tarmaqliri
ippet tijariti üçün kengri sorun hazirlap bérip we
körmeske sélip milletning kileçigi bolğan anilarni
püçekleştürüş arqiliq Uygur xelqining jenggiwarliğini
yerge urmaqçi
2- SİGNAL
Hörmetlik wetendaşlar Uygur xotun qizlirining ippet
numusiğa munasiwetlik mesililer üstide tohtalğinimda
hemişe Ğulja şeherlik zeherlik çikimlik taşlatquzuş
ornida uçratqan pezilet isimlik 25 yaşlar etrapidiki
Uygur qizi xiyalimdin kiçidu.
Peziletning sözlep bérişiçe, u we uning hedisi Ğulja
şeherlik 5- ottura mektepni yahşi netije bilen
tügetkendin kéyin, Guangju şehridin kelgen mehsus Uygur
qizlirini işçiliqqa qobul qiliş orunliriğa egişip
Guangju şehrige barğan iken. Emma Guangju şehirge
barğandin kéyin bu aça singilğa héçqandaq bir orun ige
bolmiğan Ğuljiğa qaytip kitey dise iqtisadi ehwali yar
bermigenligi üçün Guangju şehride temtirep qalğan.
Netijide waqtning uzuruşi bilen Guangju şehride ewj
alğan zeherlik çikimlik etkesçiligining is tütekliri
qoyniğa kirip ketken. Aldimda olturğan bu Uygur qizining
qurup qahşal bolup qalğan qollirini mihribanliq bilen
çing siqtim, çanaqlirimda yaşlar liğirlaytti. Kallamda
axiri üzülmes soallar ........uning hunük we nursiz
közliridin Uygur xotun qizliri duç kéliwatqan éçinişliq
bir pajieni körüwalğili bolatti. U bu dawalaş orniğa
kelginige téhi bir qançe kün bolğanliği üçün dawalaş
téhi öz rolini körsetmigen bolğaçqa u pat-pat aççiq
esnep qoyatti we manga téhimu nurğun ehwallarni sözlep
biriş üçün tirişatti. Uning éğir hursunuşliridin ötken
hayati üçün qattiq puşman qiliwatqanliği bilinip turatti.
U kişi aç qilip ölüş girdawiğa birip qalğan teğdirdimu
hergiz Guangju şehrige bérip qalmasliğini, Guangju
şehrining Uygurlarni zeherleydiğan qara uwa ikenligini
Guangju şehride başqilarning qesten zeherlişi bilen
zeherlik çikimlikke ügünüp qalğan, hetta qitip qalğan
Uygur yaşlirining köpligini ,buning içide Uygur xotun
qizliriningmu köp salmaqni igelleydiğanliğini epsuski
ularning ahiretlik işliriğimu ige bolidiğan orun
çiqmiğanliği üçün oburnixanilarning jeset bilen toşup
ketkenligini, sözlep bergendin başqa özining zeherlik
çikimlikke ügünüp qalğiniğa 10 yilğa yéqin waqit
bolğanliğini, hedisining bolsa Guangju şehride qalğan
Uygur yaşlirining jesetlirining sörülüp qalğanliğini
körüp ölsemmu öz yurtumda öley dep Guljiğa qaytip
kelgenligini we söngeklirining éqip nahayiti éçinişliq
derijide jan bergenligini, dohturlarning uni AIDS dep
mueyyenleştürgenligini, hedisining içinişliq ölümini öz
közi bilen körgendin kéyin zeher taşlaş niyitige kilip
bu orunğa dawaliniş üçün kelgenligini sözlep berdi.
Söz şu yerge kelgende uning hunük közliridin umid
uçqunliri çaqnidi. Uning bir nuqtiğa tikilip uzunğa
sozulğan hiyal dingiziğa ğerq boluşidin uning hör
démukratik bir Şerqiy Türkistanğa qançilik derijide
teşna boluwatqanliğini eger özining hör bir wetini
bolğan bolsa systimiliq terbiye, yahşi aile we jemiyet
muhitiğa érişip yahşi ayal, yahşi ana, yahşi kélin boluş
arzusida boluwatqanliğini körüwalğili bolatti.
U yene manga qurup yirilip ketken kalpuklirini asta
midirlitip: men çoqum hiroin üstidin ğalp kilimen ....çoqum
dep şiwirlidi emma hiruin uning nazuk bedinini alliqaçan
muhasirige éliwalğan idi.
Çetellerde bolğan künlirimde bu döwletlerde yaşawatqan
yuquri bilim qurulmisiğa, yahşi muhit we ali terbiye
pursitige érişken ayallarni uçratqinimda mini
azaplaydiğini men Ğulja şehride söhbetleşken Ğulja
şehridiki melum bir mihmanhanida kütküçi bolup
işleydiğan 20 yaşliq Uygur qizi Peride. U manga éğir
hursunup turup özining Xenzu tilini qilçe bilmisimu,
Xenzu emeldarliridin qattiq nepretlensimu lékin, éğir
kisel ata-anisi bilen ailisidiki 5 janni béqiş üçün
Xitayçe mihmanhanida işleşke mejbur boluvatqanliğini
eger 200 yüen kirim menbesi bolğan bolsa hergizmu bu
orunda işlimeydiğinini sözlep bergen idi.
Wetende qul muhbir bolup işligen mezgillirimde yürügümni
bekrek lerzige salğan yene bir iş Ğulca şeher Yéingi
Hayat türmiside ziyaritimni qobul qilğan 37 yaşliq
Arzigül Xelil isimlik bir Uygur anining keçmişliri boldi.
Arzigül Xélil irining, öz qanun hoquqlirini depsende
qilip qoş nikaliniwalğanliğini sizip Zhongguning nika
qanunini kötürüp Xitaydiki barliq qanun mulazimet
orunliriğa yeni asasi qatlam, mehelle iş başqarmisidin
tartip saqçihana şeherlik sot we oblastliq sot qatarliq
orunlarğa 5 yil qatriğan we erz qilğan bolsimu qanunning
héçqandaq qoğdaşqa érişelmigen bu ana ahirda 3 -
şehsning yüzige kislata çiçip öltürüştek. Pütün Ğulja
şehrini zil-zilige salğan éğir bir pajie ni keltürüp
çiqirip 15 yilliq qamaq jazasiğa höküm qilinğan. Uning
nariside 3 balisi yiğlap qalğan. Ğulja şeher Bayköl
mehellisidiki xelq hetta çümüligimu azar bermeydiğan bu
ayalning qandaq qilip bu jinayet yoliğa kirip
qalğanliğidin heyran qilişqan. Kişini tolimu
epsuslanduridiğini şuki, Xitay qanuniğa 5 yil murajet
qilip héçqandaq sadağa irişelmigen bu ayalni Xitay
metbuatliri we muhbirlar eger u qanunğa tayanğan bolsa
........eger u qanunğa murajet qilğan bolsa........wahakaza
digenge oxşaş timilarda muhakimiler yürgüzdi.
Hörmetlik wetendaşlar yuqurdiki ehwallardin biz Xitay
zulumliri astida ingrawatqan Uygur xelqi içide xotun
qizlirimizning qançilik zor meniwi qurban bérişlerge
mejbur boluwatqanliğini körüwalalaymiz. |
|
