Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Xitay Komunistlirining Millatchilik Sadaliri We Bizdiki Uyghurluq Tuyghuliri
 

     Xitay kommunistliri 15 - awghust küni pütün döwlet teweside Yaponning maghlubiyiti bilen ayaqlashqan, Zhongguo -Yapon urushining ahirlashqanliqining 60 yilliqini zor daghdugha bilen kütüwaldi. Xitay markizi telewiziya istansisi 4 - qanalida körtsitishiche bu qétimliq tebriklesh paaliyitide Xitay kommunistlirining chong Xitay milletchilik idiyisi ashkara boldi. Konsértte Xitay kommunistik partiyisining Yapongha qarshi urush mezgilidiki tohpiliri hessilep köptürüldi.
Emeliyette Xitay kommunistliri Guo mindang partiyisi rehberlikide boluwatqan Zhongguo- Yapon urushi mezgilide, öz wetinige asiyliq qilip, her daim ichki urush we yaki partizanliq urushi qozghap ayni dewrde Yapongha qarshi weten urushi qiliwatqan xelqning nezirini burap netijide köp ademlirining qirilip kétishini Nanjing zor qirghinchiliqidek pajieler keltürüp chiqarghan idi, Emdilikte öktem Xitay komunistliri hemme urush miwisini özi tétiwatidu , Guomindangning urushtiki ornini bir éghizmu tilgha élip qoymay ta hazirghicha öz xelqini aldap kéliwatidu. Xitay xelqining wetenperwerlik tuyghuliridin paydilinip özining diktatura hakimyitining omrini uzartiwatidu.

     Xitay kommunistliri nöwette her xil déplomatiye wastiliri bilen xelqara siyasiy sehnilerde Xitay xelqige wakaleten rol éliwatqini bilen chong Xitaychiliq epti bashirsini, tajawuzchiliq qara niyatlirini yoshurup qalalmidi. Halbuki, yawuz mexsetliri kündin künge ashkara bolup qéliwatidu. Xitay kommunistliri tarixni awlatlirigha xata yatküzüp xelqning wetenperwerlik tuyghuliridin paydilinip, öz xalqining qelbige qisaschiliq otini yéqip, asiye ténch okyan rayonining ténchlighigha jümlidin dunya ténchliqigha éghir tehdid séliwatidu. Dölet ichide bolsa ténchliq, erkinlik we démokratiye telepliride bolghan milletler we xelqlerning paaliyitini insaniyetke yat bolghan qébih wastilar bilen cheklep, milletlerning ghururigha tégiwatidu.

     Öz gepimizge kelsek, Sherqiy Türkistanda yashawatqan Uyghurlar dawamliq <Uyghur >bolmaqni istigende Xitay kommunistliri bu Uyghurlargha milli bölgünchi, wetenni parchilighuchi, térrorchi dégen qalpaqni keygüziwatigdu. Nöwette Uyghurlar ichidiki ata bowilirining milli isteklirige warisliq qilip, Uyghurning ghururini dawamlashturushni xalaydighanlarni türlük batnamlar bilen jaylawatidu. Ulargha Xitayliqni zorlap téngip, weten tuyghusi, milli héssiyati we étiqadliridin waz kéchishke qistawatidu .
Bu yerde shuni tekitlep ötüshke tégishlik boluwatqan mesile shuki, milli iptixarliq tuyghusi meyli u millet qanchilik tereqqi qilghan yaki arqida qalghan millet bolsun u tangridin kelidu, qandin kélidu, anisining sütidin kiridu, dunyadiki héchqandaq bir insan tughulishini talliwalghini yoq. Insan peqet yashash yolini tallashqila qadir bolalaydu xalas...!

     Xitaylar mayli kommunist bolsun wayaki démokratik idiyege ige Xitaylaylar bolsun, ularning hemmisi Xitay milliti, ularning yiltizi yanila Chang jiang, Huanghe boyliridin tépilidu, shunga chong Xitaychiliq nuqtisidin ularning menpeeti, idiyisi bir, bu xil pakitlarni hemme Xitayning Yan - Huang awladidinbiz deydighan shuarliridin körüwalalaymiz. undaq bolsa biz Uyghurlar bilidu biz Xitaylarning digini boyicha bir siyasiy chégrada yashawatimiz, emma bizni Yan -Huang awlatlirigha tewe disa kim étirap qilidu? Xitaylar bilen tarixtin béri urushup, taliship bezide yéngip, bézidé yéngilip yashawatimiz, emma bizning irqimiz, tilimiz, dinimiz, ular bilen oxshash bolup kettimu? dimek riyal pakitlar shuni ispatlap turuptiki Sherqiy Türkistanda yashawatqan Uyghurlar Uyghurluqtin waz kéchelmaydu hem waz kéchishnimu xalimaydu. Xitay kommunistliri Xitayliqni tashwiq qiliwatqan yarda biz Uyghurliq dawasini qilsaq nime boptu? Xitaylar Xitay millitining izzet hörmitini tiklep yashashni xalaptuyu, biz Uyghurlar öz erkinlikimizni qolgha keltürüp yashashni istisek bolmamdiken?!.....

Uchqun géziyiti <bshtehriri Arkinay
 

©UÇQUN-KIVILCIM - 16.08.2005 20:12  Hazirliğuçi: A. Qaraqaş