Xitay Mustemlikichiliri Ghuljaida Achqan Adaletsiz Sot Toghursida Alahide Bayanat

ETIC BAYANATI

Xitayning adaletsiz soti Uyghur xelqining musteqilliq yolini tosuwalalmaydu.

21- oktebir Xitay Ghuljaida 21 neper siyasi jinayetchi üstidin höküm élan qilghan. Jinayetchilerning hemmisi Uyghur bolup, hökümnamide Gheyret Molla Yasin, Abbas Zunun, Ebeydulla Toxti, Abduweli Ibrahim qatarliq 19 yash dölet bixeterlikige tehtid sélish jinayiti bilen eyiplinip muddetlik we muddetsiz qamaq jazasigha höküm qilinghan. Hökümnamida bu yashlarning janiyi pakitliri süppitide ularning tebligh qilghanliqi we tebligh anglighanliqi, beden chéniqturush bilen shoghullanghanliqi, ruxsetsiz orunlarda diniy pa'aliyet üchün toplan'ghanliqi tilgha élinghan.

Xitayning yéqinqi bir nechche aydin buyan Sherqiy Türkistan zéminida échilghan adaletsiz sotliri we türkümlep toxtimay naheq ölümge boyrulwatqan Uyghurlar nimidin dérek béridu? Xitay bundaq qilish arqiliq nime meqsitige yetmekchi? Emeliyette Sherqiy Türkistan weziyiti we Xitay kommunist hakimiyitining Sherqiy Türkistangha yürgüzüwatqan siyasitige obdan sepsélip qarap baqidighan bolsaq Sherqiy Türkistanda Xitay mustemlikichilirining toxtimay Uyghur xelqni yoqutush yeni irqi tazlash we bu zéminni özining heqqiy zéminigha aylandurwélish üchün jiddiy herket qilwatqanliqini bileleymiz. Xitay bu herkitini Sherqiy Türkistanni ishghaliyet astigha alghan 60 yildin buyan bir künmu toxtitip qoyghini yoq. Yéqinqi on yildin buyan bolupmu Uyghur xelqining qénini ichip, Uyghur xelqining jallitigha aylanghan Wang Lequan texitke olturghan 14 yildin buyan buxil irqi yoqutush we asmilatsiye qilish herkiti jidddiyliship, Uyghur xelqide misli körülmigen derijidiki kirzis tuyghusini peyda qildi. Bundaq bir éghir milliy bésim astida yoqulush girdabigha bérip qalghan Uyghurlarning Xitay kommunist hakimiyitining milliy zulum we bésimlirigha qarshi herketlirining küchiyip kétishi we keng ewij élishi normal bir ehwal idi. Xuddiy Xitay reheberliri özlirimu éytip ötkendek “nede zulum bolsa shu yerde qarshiliq bolidu” bu bir addiy qayde, Xitay mustemlikichilirining mushundaq bir addiy eqelliy sawatnimu bilelmey Sherqiy Türkistandiki qarshiliq herketlirini atalmish “üch xil küchler”ge artip, he dise weten ichide yüz bergen weqelerni chetellerdiki Uyghur teshkilatlirigha baghliwalidighan bu xil rezil mahiyiti téxiche özgergini yoq.

Xitay mustemlikichiliri Sherqiy Türkistanda bu yil bir qatar sotlarni achti. Bu Yeken nahiyiside 23 neper Uyghur qizggha basqunchiliq qilghan Xitay jinayetchige aran 10 yilliq qamaq jazasi bérish, yingne sanjighanlar hemmisi Uyghur, uning siyasi arqa körünüshi bar, digen bohtan bilen nurghun Uyghurlargha heddidin éghir jinayi jaza bérish, hemde Guangdong Shaoguan weqeside 50 nechche Uyghurni wehshiylerche öltürüp, irqi qirghinchiliq peyda qilghan Xitay milletchilirige nahayiti yenggil jaza bérish we bu sotta yene bir qisim Uyghurlarning naheq jazalinishi, arqidinla Ürümchi 5- iyul weqesige chétshliq dep siyasi böhtan bilen nurghun Uyghurlarning qanunsiz sot terpidin ölümge boyrulghanliqi we nurghun Uyghurlarning siyasi jianayet bilen muddetlik muddetsiz qamaqqa höküm qilinghanliqi qatarliq bir qatar weqeler emeliyette Xitay mustemlikcihi hakimiyitining “toxuni öltürüp maymungha ibret qilish” , “itni öy ichige solap dumbalash” tin iabret rezil meqisitini emelge ashurushtin bashqa nerse emes idi. Xitay mustemlikichiliri bu adalestsiz sotlar arqiliq Uyghur xelqige Sherqiy Türkistanning Xitaydiki heqiqi bir mustemlikie rayon ikenlikini bu zéminda qanun bilen ish élip bérilmaydighanliqini herqandaq bir weqening haman siyasi boyiche bir terep qilindighanliqini siyasi bilen bir terep qilinghan herqandaq bir weqening aqiwitining weyran bolush bilen netijilindighanliqidek bir heqiqetni tonutti.

Sherqiy Türkistan iformation merkizimizining reisi Abdujelil Qariqash ependimu bu qétim Ghuljaida échilghan adaletsiz sot we nurghun bigunah Uyghur yashlirining siyasiy jianyet chilen éghir jazagha uchurgahnliqini qattiq eyiplidi we buni Xitay mustemlikichilirining yillardin buyan Sherqiy Türkistan xelqige qollunup kelgen basturush siyasitining tipik ipadisi dep qaridi. Merkizimiz Xitay mustemlkichilirining Uyghur xelqige qaratqan basturush siyasitini qattiq eyilesh bilen bir waqitta özining hörlüki azatliq üchün tinmay köresh qilip kéliwatqan qehriman Uyghur oghul qizlirigha medhiye qoydu. Ularning baturane ish izliri Sherqiy Türkistan xelqining qelbide menggü yad étildu!