Ürümchi Ayridurumida Xitay we Türk Saqchiliri Toqunushup Qaldi

Türkiye “Milli Gazete” xewer torinig xewirige qarighanda, Xitay saqchiliri bilen Türkiyining iqtisad ministirliki wekiller ömikining qoghdighuchiliri ottursida toqunush yüz berip, diplomatiye kirzisi peyda bolghan.

Sherqiy Türkistanning paytexti Ürümchi shehrige yétip kelgen Türkiye ministir Zafer Çağlayan bashchiliqidiki 14 kishilik Türkiye wekiller ömiki Ürümchi ayridurumida Xitay saqchilirining qopalliq bilen qilghan muamilisige uchirghan hem ikki terepte toqunush yüz bergen. Türkiye terep bu munasiwet bilen Xitaygha resmiy nota tapshurushqa teyyarlan'ghan.

Ministir Zafer Çağlayan özining Türkmenistannning paytexti Ashqabattiki 4 künlük ziyaritini tamamlap, tönügün Ürümchige yétip kelgen. 14 kishilik wekiller ömiki Ürümchi ayridurumida Xitay bixeterlik tekshürüsh saqchilirning pasport tekshürgen chaghdiki kemsitish we ighwagerchilik herkiti del yuqurqi diplomatik kirzisning peyda bolushigha sewep bolghan.

Türkiye terep yene Xitayning tashqi ishlar ministirlikige weqeni bayan qilip bir parche xet yazghan bolup, bu xetni Xitayning bash ministirige tapshurdiken. Eger Xitay terep bu ish torghursida Tğrkidin epo sirimisa we muwapiq chüshendürüsh bermise, septemberde Xitayning paytexti Beijingda ötküzülidighan iqtisad komititi bashliqlar uchrushishini emeldin qalduridiken.

Xitay terepqning bu qétim Ürümchi ayridirumida, Türkiye iqtisad ministirlikining ministiri Zafer Çağlayan wekillikidiki ömekning Xitay ziyaritide peyda qilghan kongulsizlikliri tolimu chektin ashqan bir herkte bolup, kommunist Xitay hakimiyitining Türkiye terepke qilghan yolsizliqi, edepsizliki, hem Xitayning özning neqeder exlaqsizliqini toluq ekis ettürüp berdi.

ETIC ning reisi Abdujelil Qariqash ependimu, bu toghursida toxtulup, Xitay hökümitining Türkiye wekiller ömikige tutqan yolsiz we edepsiz herkitini qattiq eyiplesh bilen bir waqitta, Xitayning bu herkiti yene Xitayning xelqara qaydilerge perwa qilmay, öz bésimchiliq bilen yol tutup, bashqilarni mensitmeslik we kemsitish xahishining barghanséri küchiyip ketiwatqanliqining ipadisi dep körsetti.

http://www.milligazete.com.tr/haber/cin-polisi-turk-heyete-saldirdi-137553.htm