Kommunist Xitay Hakimiyiti Chetellerdiki Uyghur Teshkilatlirigha Töhmet Chaplidi

Dunya xelqige ayan bolghinidek kommunist Xitay hakimiyitining teshkillisihi pilanlishi we köngül qoyup orunlashturushi bilen, Xitaynning Guangdong ölkisi Shaoguan shehridiki Xurui oyunchuq zawutuda 26 - iyul iriqi qirghinchiliqi yüz bérip 50 nechche Uyghur ishchisning ölüshi, 150 tin oshuq Uyghur ishchisning yarlinishidek éghir irqi yoqutush weqesi yüz berdi, Xitay saqchilri we qutquzush xadimlri qirghinchilqini tosmay ekische bir chette qol qoshturup qarap turghan we qirghinchiliq peyda qilghan nechche ming Xitaygha ilham medet bergen.. Bundaq zor dehshetlik qirghinchiliqtin chöchüp keten Sherqiy Türkistan xelqi toxtimay bes munazire qilip, hökümettin bu qirghinchiliqqa chüshenche bérishni telep qilghan. Biraq hökömet bu weqege héchqandaq chüshenche bermeyla qalmastin eksiche ölüp ketken Uyghur balilarning namizini kishilerge bildürmey jimjit mexpiy chüshürüp, ata anilirighe héchkimge tinmasliq, eger ténip salsa aqiwitining yaxshi bolmaydighanliqi toghursida tehdit salghan, Shaoguan weqesi yüz bérip 10 kün'giche héchqandaq inkas qaytumay béshini ichige tiqip turwalghan mustemlikichi hakimet we emeldarlirining yirginishlik qilmishi Uyghur xelqining qattiq ghezipini qozghighan, buning bilen éziz wetinimiz Sherqiy Türkistanning paytexti Ürümchi shehride “5-iyul ténchliq namayishi” yüz bergen, 10 minglighan namayishchilar kochilargha chiqip Xitay mustemlikichi hakimiyitidin jawap bérishni we bu weqe toghursida chüshenche bérishni telep qilghan. Uyghurlarni qattiq basturup qan ichip adetlinip ketken Xitay jallatiliri Uyghur xelqige jawap bérishning ornigha qattiq basturghan, kaltekler bilen urghan, oqqa tutqan, kéchiliri tokni ochurwétip Uyghurlarni öltürgen. Uda toxtimay Uyghurlarni tutqun qilip, Sherqiy Türkistanda qattiq wehime peyda qilghan, peqet Ürümchi shehridinla 10000 din oshuq Uyghur yoqap ketken.

Mushundaq zor weqeler yüz bergendin kéyin Xitay weqening tüp sewebini Uyghur xelqige yéqinqi 10 yildin buyan téximu jiddiy élip bériwatqan asmilatsiye qilish, basuturush, milliy kemsitish, Uyghur medeniyitini yoqutush, qatarliq bir qatar jinayi herketliriidin we özning milliy siyasitidiki xataliqlardin körmey, weqening jawapkarliqini chetellerdiki teshkilatlargha we Rabiye Qadir xanimgha artishqa urundi. Buning ichide Xitayning CCTV téléviziyisining Qurbanjan isimlik bir Uyghurni tutup iqrar qildurush arqiliq bu weqeni Qurbanjannning Dunya Uyghur qurultiyidiki Dolqun Eysa ependi, Erkin asiya radiosining muxpiri Shöhret Hoshur hem ETIC qatarliq qurlushlargha yalghan uchur yollap, Guang Dong Shaoguan weqeside 18 adem öldi, yüznechche Uyghur yarlandi dep uchur yollighanliqni, andin yuqurqi teshkilatlar we RFA ning yalghan uchurni weten ichidiki barliq Uyghurlargha tor arqiliq hedep körsütüp teshwiq qilip Sherqiy Türkistanda “Ürümchi 5- iyul qanliq weqesi” ni keltürüp chiqarghanlqini, shunga barliq mes'uliyetning yuqruqi orunlarda hem Rabiye Qadir xanimda ikenlikini ilgiri sürgen.

Bu emeliyette ochuq ashkara töhmet chaplashtin bashqa nerse emes. Sherqiy Türkistan information merkizning reisi Abdujelil Qarqash epedi Xitayning yuqurqi herkitige qarita bayanat élan qilip, Sherqiy Türkistanda yüz bergen barliq weqelerge Xitayning qanliq mustemlikichilik siyasitining sewep bolghanliqni, 60 yildin bu yan kommunist Xitaylarning Uyghur xelqni basturup depsende qilip ézip kelgenliki sewep bolghanliqni körsütüp ötti hemde Qurbajan isimlik bu Uyghur yash bilen ETIC ning héchqandaq alaqisi yoq ikenlikini, Xitayning bu quruq töhmetlirining xelqara jemiyetni aldiyalmadydighanliqni bildürdi.