Kommnist Xitahyning Sadiq Ghalchisi Uyghur Xelqi Ichidin Chiqqan Munapiq “Nur Bekri” Meng gü Uyghur xelqige Yüz Kélelmeydu

Sherqiy Türkistan xelqi qan yash tokmekte, eiziz wetinimiz Sherqiy Türkistan Xitay alwastilirining changilida mujulmaqta. Uyghur xelqining közidin aqqini yash emes qan bolmaqta. Ezeldin qanliq pajeler toxtimay yüz bérip turghan we mustemlikichi Xitayning insan qélipidin chiqqan basturushligha uchrap kelgen Sherqiy Türkistan zéminida bu yilmu yene Uyghur xelqining qéni töküldi. Wetinimiz Sherqiy Türkistanning paytexi Ürümchi shehri Uyghur xelqining qéni bilen boyaldi. Xitay mustemlikichilirning aldida haywanchilikmu qedri bolmighan Uyghur xelqi yene bir qétim dunya xelqning közaldida Xitay mustemlikichiliri terpidin xalighanche oqqa tutuldi, minglarche Uyghur shéhitlirining jesetliri Xitay qanxor jallatliri terpidin qara mashinilargha bésilip mexpi yütkep kétildi. Yene on minglarche bigunah Uyghurlar sewepsizla oyliridin tutqun qilinip kétildi. Xitay mustemlikichi dairliri ta hazir ghiche bu bigunah Uyghurlarning nelerge qamalghanliqini ashkarlighini yoq. Téléfon we internet ta hazirghiche eslige kelmidi, belki qanxor jallat Wang lequan bashchiliqidiki Xitay mustemlikichiliri Sherqiy Türkistanning tashqi dunya bilen bolghan alaqisini üzüwétip Uyghur xelqini xatirjem qirghin qilish meqsitighe yétish üchün shundaq qilghandu.

Bu qétimqi qanliq qirghinchiliq, menggü untulmaydu. Uyghur xelqi erkinlik azatliq démokratiye üchün küresh qilip qanliq basturulghan bu échinishliq tarixini hergiz untup qalmaydu. Sshundaqla Uyghur xelqige töhmet qilip, Xitay alwastiliri bilen bir septe turup, Uyghur millitige qarshi yekke yigane septin orun alghan satqin munapiq Nurbekrini hergiz untup qalmaydu. Nurbekrining sésiq nami Guangdong Shaoguandiki Uyghur ishchilarning Xitay ishchilar we saqchiliri terpidin qanliq qirghin qilinghan “Shaoguna 26 - iyun pejesi” we Ürümchi “5-iyul qanliq qirghinchiliqi”din keyin pütün dunyagha pur ketti. Weten ichi we sirtidiki Uyghur xelqi Nurbekrining ismini anglisa chaynap pürküwetküsi kélidighan derijige bérip yetti. Chünki Nurbekri Guangdong Shaoguandiki 26-iyul irqi qirghinchiliqi yüz bergendin kéyin, Guangdong ölkisi we Shaoguan sheherlik saqchi idarisi qayta qayta “bu weqe Uyghur yighitiliri Xitay qizigha basqunchiliq qilghan dep saxta uchur tarqitilghachqa peyda bolghan” dep chüshendürüsh bérip, Uyghurlar gunahsiz we ziyankeshlikke uchurdi dep étirap qilip tursimu, biraq Nurbekri qilche xijil bolmay bu sözlerni inkar qilip, Uyghurlarda gunuh bar, sewenlik Uyghurlardin ötti, Uyghur yighitliri Xitay qizigha poxurluq qilghandin kéyin bu weqe yüz berdi dep bigunah Uyghur xelqige töhmet qildi. Dunyada buningdin öte peskeshlik bolmisa kérek.

Shundaq kapalet bérish mumkinki, hazir weten ichi we sirtidiki herbir Uyghur Nurbekrining qilghan yüzsizlikige we numussizliqigha lenet oqumaqta we uni qarghimaqta. Nurbekri belki özning bunche köp qarghishqa uchrap kétidighanliqni oylapmu baqmighan bolushi mumkin, biraq Uyghur xelqni Xitay mustemkichilirning ézishi we zulumigha qanche bek uchurghan séri Nurbekrige bolghan lenet we uchmenlik shunche küchiydu. Uyghur xelqi uchurghan nahaqchiliqlar we adeletsizlikerge köz yumup, Xitayning ghalchiliqni qilip, Uyghur xelqige qarshi septe yigane orun alghan satqun munapiq “Nurbekri’ özining qilimish étmishliri üchün choqum Uyghur xelqi alida jawap béridu. Uyghur xelqige mislisiz balayi apetlerni élip kélip, Uyghur xelqining béshidiki külpetlerni éghirlashturup, Uyghur xelqining yigha zarige qulaq salmay, barliq Uyghur xelqni xuddi qurbanliq qoydek Xitay alwastilirigha tutup bériwatqan Nurbekri menggü Uyghur xelqi terpidin lenetlinidu. Eng axirada yene shunimu éytip ötüshke bolidiki emdi Uyghur wijdani bar herqandaq Uyghur özining yürek parisi bolghan oghligha hergizmu “Nurbekri” digen bu munapiqning ismini qoymaydu.