|
Lenet Sanga Nurbekri !
Ezizi wenitinimiz Sherqiy Türkistan Xitayning tömür tapini astida depsende
boliwatqan mushu peyitlerde, Uyghur aptonum ranning qorchaq resisi Nurbekri
qilche xijil bolmay Uyghur xleqige töhemet qilip Uyghur xelqni Xitayning
zulumlirigha sewer qilish heqqide murajet qildi. Sherqiy Türkistan kommunist
Xitayning tajawuzigha uchurap ishghal qilinghan 60 yildin buyan bu zéminda
atalmish Uyghur xelqige wekillik qilidighan “reis” wezipe ötep kelgen
bolsimu emeliyette bir biridin öte Xitayperes, Uyghur üchün emes belki Xitay
tajawuzchiliri üchün jan dili bilen xizmet qildighan bir top weten we millet
satqan munapiqlar qorchaq reisliktin ibaeret bu wezipini ötep keldi.
Nurbekri Uyghur aptonum rayonigha reis bolghan waqittin bashlap Xitayning
Uyghur xelqni asmilatsie qilip yoqutush siyasitini qizghin qollap we awaz
qoshup ,Uyghur xelqige misli körülmigen apetlerni élip keldi. 90 - yillardin
bashlap Xitay dölet emeliy köchining éshishigha egiship, Uyghur xelqige
bolghan milliy zulum we yoqutush siyasitini jiddiy élip bérishqa we
buninggha oxshash bolmighan pikirdikilerni rehimsizlik bilen yoqutushqa
kirishti. Milap on minglap wetenperwer milletperwer Uyghur yashliri we
ziyaliyliri türlük betnamlar bilen yoshurun we ashkara halda ziyankeshlikke
uchrap hayatidin ayrildi. Nechche on minglighan qérindashlirimiz Xitayning
qarangghu zindanlirida waqitsiz köz yumdi. Minglighan Uyghur ahaliliri
haniweyran boldi. Xelqimizning béshigha kelgen bu balayi apetler emeliyette
qanxor Xitay kommunistliri terpidin alliqachan belgilinip bolghan bolup,
xelqimiz yigane halda yardemchisiz, tayanchisiz köresh qilishqa mejbor boldi.
Hiyliger we qebih Xitay alwastilri türlük wastilirni ishqa sélip xelqimizni
tashqi dunyadin ayrip tashlap yigane qaldurush we xalighanche qirghincbhiliq
élip bérish meqsitige yetmekchi boldi. Xitayning bu qara niyiti mana eziz
ana wetinimiz Sherqiy Türkistanning paytexti bolghan Ürümchi shehride xelq
alamge téximu ashkara boldi. Xitay mustemlikichiliri 26 - iyul Guangdong
Shaoguan shehridiki “Xurui” oyunchuq zawutida yüz bergen Uyghur ishchilarni
qanliq qirghinchiliq qilish weqesini adettiki jinayi ishlar dilosi dep élan
qilip, ölüp ketken 60 nechche Uyghurning sanini aran 2 neper dep élan
qilghan. ”Yene numussizliq bilen “ bu 2 Uyghur doxturxanigha élip
bérilghanda qutquzush ünüm bermey ölüp ketti “digen.emeliyette Xitay
Uyghurlarni qutqazmighan ekische qarap turghan. Mushundaq éghir bir irqiy
qirghinchiliq aldida pütkül Uyghur xelqi qozghulup ketken.
Munapiq Nurbekri bolsa Xitay qattillirini aqlap, Uyghurlargha töhmet qilghan
we bu dilo da Uyghurlar sewepchi dep Uyghur xelqni qarlighan. Öz millitini
qarlighan Uyghur munapiq Nurbekrining ismini xelqimiz lenet bilen tilgha
almaqta. Dunyada öz xelqini tajawuzchi düshmen armiyisige tutup béridigghan
we xelqige yalguz yigane qarshi turdingha Nurbekridinmu artuq peskesh
numussiz exlaqsiz bir insan bolmisa kérek. Uning Guangdong saqchi terep
alliqachan élan qilip bu weqe bir Xitaying yalghan söz tarqitishidin bolghan
digen sözni inkar qilip, ”Uyghur ishchilar Xitay qizgha chaqchaq qilghan
andin bu weqe kélip chiqqan “ dep Uyghur xelqini qarlighanliqi we töhmet
qilghanliqila uning wujudidin iplasliq we numussizliq tökülüp turdighan bir
millet satquchi munapiq ikenlikini toluq ispatlap turuptu.
Uyghur xelqi öz militige qarshi turup, tajawuzchilargha yan tayaq bolup,
yüzminglap aililerning xaniweyran bolushigha we Uyghur xelqning qénining
bihude tökülüshige sewepchi bolghan satqun munapiq Nurbekrini meng gü nepret
bilen tilgha alidu we uninggha lenet oquydu. Nurbekrige oxshash weten millet
satqan munapiqlar haman tarixning lenet tüwrikige mixlindu.
|
