Uchur we Tehlil

1) Xityning Jamaet Xewipsizlik Ministiri Ürümchige Yene Keldi

Xitayning sumrugh torining 7 – ayning 24 - künidiki xewirige qarighanda, Xitayning jamaet xewipsizlik ministiri Meng Jianhua 24 - chisila Ürümchidege yene kelgen hemde Xitayning ofitsir eskerliri, saqchiliridin ehwal sorighan, mustemlikichi hakimiyetning rehperliri bilen söhbet yighini ötküzüp tekshürüsh muqimliqni eslige keltürüsh xizmitige yitekchilik qilghan. Shundaqla yene mustemlikchi hakimiyetning rehberliridin muqimliqni saqlashni Uyghur aptonum rayondiki eng muhim xizmet ornigha qoyup, pütün küchi bilen muqimliqni saqlashni telep qilghan.

Gerche Xitayning yuquri derijilik rehperliri Sherqiy Türkistanda muqimlini eslige keltürüsh we tiriship muqimliqni saqlashni tekitlewatqan bolsimu biraq muqimliq ta hazirghiche eslige kelmigen. Sewep Xitayning del Uyghur xelqning ténch shekilde élip barghan namayishni qanliq bashturghanni az dep yene nurghun bigunah kishilerni tutqun qilip, Uyghur xelqni qanliq basturush arqiliq yoqutuwétish meqsitige yetekchi bolghan. Xitay merkizi hökümuti we mustemlikichi hakimiyiti Uyghur xelqi aldia ötküzgen bu jinayetliri üchün haman bir küni tegishlik bedel töleydu.

2) Uyghur Aptonum Rayonluq Axparat Élan Qilish Ishxanisi Axparat Élan Qilip, Xelqni “Kocha Xewerliri”ge Asanliqche Ishinip Ketmeslikke Murajet Qildi

Xitayning xelq torining 7 - ayning 25 - künidiki xewirige qarighanda, bügün Uyghur aptonum rayonluq axparat élan qilish ishxanisi, axparat élan qilish yighini ötküzüp, ijtimayi amanliq ehwalini tonushturghan, hemde kishilerni kocha xewerliri tarqatmasliqqa we uninggha asanliqche ishinip ketmeslikke, nöwettiki asanliqche qolgha kelmighen muqimliqni tiriship qoghdashqa murajet qilghan.

Kommunist Xitayning yalghan kocha xewerlerni özi tarqitip, axirda xelqini bu kocha xewerlirige ishenmeslikke chaqirishi tolimu bir bimenilik bolup, Sherqiy Türkistanninig weziyitini buzghan eng chong jinayetchi emeliyette Xitayning del özidur. Xitay barliq axparat wastilirni qamaq qilip, hedise öz axparat wastiliride Uygbhur xelqni jinayetchi bölgünchi, térorchi qilip körsütüp, Uyghur xelqni tohmet qildi we Xitaylargha qarita yalghan söz chöcheklerni tarqitip, ulargha chong Xitaychiliq idiyisini teshwiq qildi. Buning bilen nöwettiki jiddiy weziyet téximu jiddiyliship ketti, Xitayning adaletsiz siyasiti barlqi bala qazalarning menbesidur.

3) Ürümchi Tamojnisi Qoral – Yaraq, Oq - Dorilarning Chégirdin Kirishige Bolghan Mudapieni Kücheytti

Xitayning xelq torining 7 - ayning 22 - künidiki xewirige qarighanda, Xitay mustemlikichi hakimiyiti nöwette Ürümchi tamojnisida chégridin kirip chiqiwatqa mallargha bolghan tekshürüshni qattiq kücheyteken bolup, mudapiening asasliq obiktiwi qanonsiz teshwiqat boyumliri, partilatquch boyumlar we zeher dep izah bérilgen.

Xitay tor bétide bu qétimqi qamal qilish we qattiq tekshürüshning asasliq meqsiti chigra ichidiki atalmish “üch xil küchler”ning chégra sirtidiki bölgünchi küchlerning maddiy jehettin yardem bérishini tosush we aldini élish diyilgen.