Uchur we Tehlil

1) Xitay Tordashlirining Qarishche “Ürümchi 5-iyul Weqesi” Térorluq Weqesi dep Atap, Térrorchilargha Qattiq Zerbe Bérishni Telep Qilghan

Xitay sumrugh torining 7 - ayning 13 - künidiki xewirige qarighanda, Xitaydiki barliq tordashlar pikir bayan qilip “Ürümchi 5 - iyul weqesi” térorluq weqesi bolup,terrorchilargha qattiq zerbe bérishi telep qilghan.

Buningdin Xitay xelqining kommunist Xitayning uzun muddet Xitay xelqige “chong Xitaychiliq” idiyisini küchep teshwiq qilishi netijiside Xitaylarning milletchilik we radikal idiyiisi éghir derijide küchiyip ketken.”Guangdong Shoaguan diki Uyghurlarni qanliq qirghin qilish weqesimu del mushu xil Xitay showinizimning küchiyishining konkirit ipadisi dep qarashqa bolidu.

2) Xitay Merkizi Hökümiti we Mustemlikchi Hakimiyet Ténch Namayish Qilghan Uyghurlarni Qanliq Basturush we Ulargha Türlük Wastiler Bilen Ziyankeshlik Qilishni Pilanlimaqta

Sumrugh torining 7 - ayning 10 - künidiki xewiririge qarigghanda, Xitay kompartisining bash sékiltari, Xitayning dölet reisi Xujintaoning hawalisi bilen Xitay kompartiyisi siyasi ishalar komititining heyet ezasi, merkizi hebiy ishlar komititining sékiltari Zhuo Yongkang, Sherqiy Türkistanniing weziyitini muqimlashturush xizmiti jeryanida qattiq tedbirlerni qollinip, ”wezipini qattiq ijra qilish” toghursida boyruq chüshürgen.

Sherqiy Türkistanda bundaq boyruq bergen Xitay emeldarliridin yene Xitayning jamaet xewipsizlik ministiri Meng Jianhuamu bar. Yene Uyghur aptonum rayonning reisi Nur Bekrimu 7 - ayning 12 - küni téléwiziye nutqi sözlep, Xitay herbiy we saqchiliridin pütün küchi bilen “jinayet gumandarlirini qoghlap zerbe bérip, téz we qattiq jazalashni telep qildi.

Bulardin körüwélish tes emeski, meyli Xitay merkizi hökümiti bolsun, meyli Xitay mustemlikichi hakimiyiti bolsun Uyghur xelqinini düshmen ornida körüp, Uyghur xelqige qarita ziyankeshlik qilish niyitini ipadiligen. Dimek Uyghur xelqni basturush we ziyankeshlik qilish herkiti bunningdin kéyinmu uzun bir mezgil dawam qilishi mumkin.

3) Xitay Türkiye Bash Ministiri “Xinjiang” Mesilisini Bahane Qilip Xitayning Ichki Ishlirigha Arlashti dep Aghrindi

Xitaynng yershari torining xewirige qarighanda Xitay terep Xitay Türkiye bash ministiri “Xinjinag ”mesilisini bahane qilip Xitayning ichki ishlirigha arlashti dep aghringhan, hemde dölitimiz mutexesisliri öch élish toghursida agahlandurush berdi dep qoqaq selmaqchi bolghan.

Xitay terep maqalisida yene Türkiye terep dölitimizning ichiki ishlirgha köp qétim arlashti,lekin dolitimiz buningha keng qursaqliq bilen muamile qilip keldi diyilgen.hem bu xildiki Xitay hökümitini eyiplesh we “Xinjiang musteqilchilirini” qollash dawamlishidighan bolsa Xitay terep “Kurtdistan mesilisi”ni kozur qilip Türkiyidin öch alidu dep qoqaq salghan.

Pütün Sheriqy Türkistan xelqining mustemlikichilik we kommunist zulum astida ezilwatqan bir Türk qewimi ikenlikini pütün Türkiyidiki parliq qérindashlirimiz obdan bildu. Türkiye xelqi we hökümiti bu qétim yüz bergen “5-iyul qanliq qirghinchiliqi”din qattiq ghezeplendi. Hem özlirining menggü Uyghur qérindashlirini untup qalmaydighanliqini hem Uyghur qérin dashliri depsende qilinsa hergiz qarap turmaydighanliqni Xitay hökümitige bildürüp qoydi.

4) Xitay Mustemlikichi Hakimiyiti Ghuljida Ikki Zorawan Teshkilatni Tarmar Qilip 70 tin Artuq Ademni Qolgha Alduq dep Xewer Berdi

Xitayning dunya torining xewirige qarighanda ,Xitay mustemlikichiliri 7-ayning 13-küni ghulja xehri axparat elan qilish yighini otkuzup, ghuljida ikki zurawan teshkilatni tarmar qilip 70 tin artuq ademni qolgha alduq dep xewer berdi

Xitayning elan qilghan xewirige qarighanda her millet xelqi Ghulja sheherlik saqchi idarisini türlük axparatlar bilen teminligenmish. Bu axparatlar bilen “dölet bixeterlikige ziyan yetküzmekchi bolghan jinayetchilar”ni tutqanmish.

Xitayning Ghulja shehride élip barghan bu herkiti emeliyette gunahsiz Uyghurlargha élip baghan tutqun qilish herkiti bolup, ”Sherqiy Türkistan Information Merkizi”ning mesuli Abdujelil Qariqash ependi bu toghrsida toxtutlup, Xitayning Uyghur xelqi üstitin yürgüzgen xalighanche tutqun qilish herkitini eyipligen, bu xil qilmishni Uyghur xelqige qilinghan haqaret dep bildürgen.