Shao Güandiki Qanliq Weqe Munasiwiti Bilen Bilgiyede Namayish

Shaogüandiki qanliq weqedin buyan chetellerdiki Uyghurlar arisida Xitay hakimiyitige we bu mustebit hakimiyetning Uyghurlargha qaratqan mustemlikichilik we irqiy ayrimichiliq siyasitige sherik boluwatqan Xitaylargha bolghan ghezep we nepret tuyghuliri üzlüksiz küchüyüp barmaqta.

Weqedin buyan Dunyaning herqaysi elliride paaliyet élip bériwatqan Uyghur teshkilatliri, türlük shekiller arqiliq, Uyghur qiz – yigitlirini yurt – makanliridin mejburi heydep Xitay xojayinlirigha qulluqqa tutup bergen Xitay hakimiyitige we bu hakimiyetning mustemlikichilik siyasitige sherik boluwatqan irqichi Xitaylargha bolghan naraziliqlirini bildürüshmekte.

Shuqatarda 7 – ayning 3 – küni, Germaniyediki < Bilgiye Uyghur Jemiyiti >, Gollandiyediki < Sherwqiy Türkistan Uyghur Birliki > we < Sherqiy Türkistan Informatsiyon Merkizi > qatarliq 3 teshkilat birliship Bilgiyening paytexti Brükseldiki Xitay elchixanisi aldina keng kölemlik naraziliq namayishi ötküzdi.

Bilgiye waqti saet 15:00 de Xitay elchixanisi aldigha toplanghan Uyghur namayishchilar, ay – yultuzluq kök bayraqlarni, Xitayning irqiy ayrimichiliq siyasiti eyiplengen lozunka we taxtilarni kötürüshüp, jarangliq halda shoar towlushup, Xitaygha bolghan ghezep nepritini we Fashist Xitaylarning qanliq hujumigha uchrighan Uyghur déhqanlirigha bolghan chongqur hesdashliqini bildürüshti.

Namayishqa, Bilgiyede yashwatqan Uyghurlardin bashqa yene Germaniye we Gollandiyelerdinmu bir qisim Uyghurlar kélip qatnashti.

Bilgiye saqchiliri Xitay elchixanisining aldidiki amanliq tedbirlirini alahide kücheytken bolup, elchixanining aldi pütünley sim tosaqlar bilen tosuwetildi.

Namayish jeryanida etraptiki ammigha, < Sherqiy Türkistan Informatsiyon Merkizi > teripidin hazirlanghan we Xitay hakimiyitining Uyghurlargha séliwatqan zulumliri bayan qilinghan tehswiqat waraqliri tarqitildi.